عنوان الموضوع : أريد نصيحة من أهل اختصاص رياضيات و إعلام ألي و الجامعيين عموما 15,35
مقدم من طرف منتديات العندليب


السلام عليكم و رحمة الله
في الاول دعوني أقدم نفسي كي يسهل عليكم الحكم علي الاختصاص الامثل لي انا تحصلت على البكالوريا شعبة علوم تجريبية بتقدير جيد معدل 15.35 انا من هواة البرمجة بلغة php و مهووس بكل جديد التقنية و أجيد اللغة الانجليزية المادة المفضلة عندي التي ادرسها و لا امل منها هي الرياضيات
انا كنت أقول من الاول اني سأختار اختصاص رياضيات و اعلام الي باب الزوار لكن بعدما بدأت ابحث و اسأل من هنا و هناك بدأت المشاكل تظهر هناك من ينصحني بتركها و يقول عليك بالصيدلة او الطب و المدارس العليا و غيرهاا
لدالك انا قررت باش نخير لحاجة لي نحبها و هي MI في باب الزوار

لدالك أطلب من حضرتكم و خاصة أصحاب هاد الاختصاص ان يعطوني رأيهم و ما يعرفون و هل حقيقة انهم يأخدون نسبة قليلة فقط اختصاص info في العام الثاني و هل حقيقة فيه غاشي بزاف و الخدمة مكاش و التعليم كارثي هناك لأن حقيقة القيل و القال راهو داير حالة هاد اليامات الرجاء انصحوني و ساعدوني في اختصار التخصص الدي لم أندم عليه

معدل الفيزياء و الرياضيات معا هو 16.50 و بارك الله فيكم






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لا تسمع كلام الناس ~~

=========


>>>> الرد الثاني :

للاسف انا تحصلت على 12.40 شعبة علوم التجريبية
والفضل يعود للرياضيات
لا اجيد الا سواها
تحصلت على 18
رغم انني كنت امل في 20
فبمادا تنصحوني
معدل فيزياء+رياضيات /2=13.25
امل في العبور الى رياضيات و اعلام الي
ثم التخصص رياضيات في السنة 2
انشاء الله
هل هدا هو الحل في رايكم ???


=========


>>>> الرد الثالث :

السلام عليكم صحا فطورك
الف مبروك البكالوريا
اخي انا نقرا رياضيات اعلام ألي في باب الزوار علما اني تحصلت على البكالوريا 13.75 شعبة رياضيات
اخي انا تاني كي دخلت باب زوار خوفوني قالو اساتذة ماشي ملاح او قالو بلي فيها غاشي كبير او قالو بلي احتمال كبير يبعتوني رياضيات
للاسف سمعت هدرتهم بزاف او ماركيت للباك هاد العام او قريب ابوندونيت العام
اللي تسمعو غاع مديرش عليه
1- بالنسبة للغاشي هاد الشعبة مافيهاش غاشي ( أنا section الي قريت فيها ياربي 40 او groupe ياربي 8 )
2-بالنسبة للأساتذة صاح كاين الي ماشي ملاح بصح عندك فرصة انك تدخل تقرا مع section وخدوخرى (انا كان عندي 2 اساتذة منفهمش عندهم دخلت قريت مع وخدوخرين و الحمد لله جبت فبهم اعلى علامة فب section تاعي
3-كي تدخل تقراها راخ تسمع قول انو( (MI = (M= mission. I= impossible ) بصح ماكاش منها الي يقرا يجيب ماعليك غير تبع el cour
متراتي حتى درس كاين بزاف يستهزاو بالدرس بصح هاذي هيا الغلطة لكبيرة او بيان سور متراتيش les TD يديرو تمارين مهمة بزافاو حل تمارين المواضيع السابقة ( تدخل باب زوار راح تتعرف على besekri حل لي سوجي تاعو )
4-تاع يدو شوية انفو مراحش نقولك لالا مكاش منها مي كاين 3 تخصصات انفو ما عليك غير تخدم فالعام و الجيب معدل مليح بصح على حساب section تاعك قادر جيب 10 او تروح انفو ادا الي جابو خير منك ماكاي بزاف منهم خيرو انفو
(انا جبت 11.77 فال semestre 1 علمل اني محتيتش راسي بيا كنت حابة نبدل و جبت 12.89 فال semestre 2 تسما كلاسيت 3 فال semestre 2 الحمد لله دمنت انفو)
انتا ماعليك غير تقرا راك جبت 15 فال باك تسما قادرلها نشاء الله ماتستهزاش برك
و الله ولي التوفيق
ida kech ma7abit tzid tse9ssi rani hna makach ga3 mochkil

=========


>>>> الرد الرابع :

المشاركة الأصلية كتبت بواسطة neo2323
للاسف انا تحصلت على 12.40 شعبة علوم التجريبية
والفضل يعود للرياضيات
لا اجيد الا سواها
تحصلت على 18
رغم انني كنت امل في 20
فبمادا تنصحوني
معدل فيزياء+رياضيات /2=13.25
امل في العبور الى رياضيات و اعلام الي
ثم التخصص رياضيات في السنة 3
انشاء الله
هل هدا هو الحل في رايكم ???

اذا درت مات انفو التخصص يكون فالسنة الثانية ماشي فالثالثة

=========


>>>> الرد الخامس :

المشاركة الأصلية كتبت بواسطة hadjer hadjora
اذا درت مات انفو التخصص يكون فالسنة الثانية ماشي فالثالثة

هدا افضل لم اكن على دراية انه من السنة الثانية
طموحي كله رياضيات
شكرااا على الافادة



=========


المشاركة الأصلية كتبت بواسطة hadjer hadjora
السلام عليكم صحا فطورك
الف مبروك البكالوريا
اخي انا نقرا رياضيات اعلام ألي في باب الزوار علما اني تحصلت على البكالوريا 13.75 شعبة رياضيات
اخي انا تاني كي دخلت باب زوار خوفوني قالو اساتذة ماشي ملاح او قالو بلي فيها غاشي كبير او قالو بلي احتمال كبير يبعتوني رياضيات
للاسف سمعت هدرتهم بزاف او ماركيت للباك هاد العام او قريب ابوندونيت العام
اللي تسمعو غاع مديرش عليه
1- بالنسبة للغاشي هاد الشعبة مافيهاش غاشي ( أنا section الي قريت فيها ياربي 40 او groupe ياربي 8 )
2-بالنسبة للأساتذة صاح كاين الي ماشي ملاح بصح عندك فرصة انك تدخل تقرا مع section وخدوخرى (انا كان عندي 2 اساتذة منفهمش عندهم دخلت قريت مع وخدوخرين و الحمد لله جبت فبهم اعلى علامة فب section تاعي
3-كي تدخل تقراها راخ تسمع قول انو( (mi = (m= mission. I= impossible ) بصح ماكاش منها الي يقرا يجيب ماعليك غير تبع el cour
متراتي حتى درس كاين بزاف يستهزاو بالدرس بصح هاذي هيا الغلطة لكبيرة او بيان سور متراتيش les td يديرو تمارين مهمة بزافاو حل تمارين المواضيع السابقة ( تدخل باب زوار راح تتعرف على besekri حل لي سوجي تاعو )
4-تاع يدو شوية انفو مراحش نقولك لالا مكاش منها مي كاين 3 تخصصات انفو ما عليك غير تخدم فالعام و الجيب معدل مليح بصح على حساب section تاعك قادر جيب 10 او تروح انفو ادا الي جابو خير منك ماكاي بزاف منهم خيرو انفو
(انا جبت 11.77 فال semestre 1 علمل اني محتيتش راسي بيا كنت حابة نبدل و جبت 12.89 فال semestre 2 تسما كلاسيت 3 فال semestre 2 الحمد لله دمنت انفو)
انتا ماعليك غير تقرا راك جبت 15 فال باك تسما قادرلها نشاء الله ماتستهزاش برك
و الله ولي التوفيق
ida kech ma7abit tzid tse9ssi rani hna makach ga3 mochkil

انا راني حابب نتخصص رياضيات في هاذي الجامعة...حلمي وقريبا سوف يتحقق...
ما رأيك في هذا التخصص ؟


سلام أخي

أنا تاني نقرا رياضيات و إعلام آلي مي ماشي في باب الزوار أنا نقراها في باتنة

انا ماكانتش أصلا رغبتي و كنت حابة ندرس الطب مي ربي كتبهالي مع أنو كنت من المتفوقين

المهم دخلت نقراها رغما عني و لقيب بزاف غاشي كيفي لي ماساعفهمش الحال في دراسة تخصص الطب و غيره
المنافسة فيها كانت كبيرة مي الله يبارك كاين لي يماجوري
احنا عندنا أساتذة ملاح و عندهم ضمير و الأكيد الكل ماش كيف كيف تاني دخلوها بزاف غاشي مي دركا صفاوهم قعد غير لي قادر و كاين لي هرب منها

مي نقولك لي متفوق جامي لايغلب فيها بويسك ماهيش حاجة تاع حفاضة الكثير فيها فهامة و كاين لي مطلع ب 16 ربي يبارك

يبقى في التخصص تخصص السنة الثانية ان شاء الله مات و لا أنفورماتيك على خساب رغبتك و تانيك معدلك مانعرف في باب الزوار على أي أساس سخرو و تانيك ي جامعة باب الزوار دخلوها بمعدل كبير بارابور لجامعات لخرى دليل على أنو شهادتها خير

المهم خويا دير لي يخرج عليك و المادة لي تحبها لأنو البنة في لقراية هي حبها و تكون مرتاح فيها هكا تقدر تحقق طموحك و تروح بعيد و علاه لالا

انا تاني السنة عاودت الباك ليبر و حققت معدل خير من لي فات مي راني نخمم نكمل قرايتي خير و نقرا الرياضيات لي هي المادة لي نحبها و نغرس حبها في الطلبة ككل و نصير أستاذة متوفقة و ربي يقدرني ان شاء الله

ربي يوفق خويا و انتا زيد شارشي مليح و خمم و سقسي تاني مليح و استخير ربي سبحانه و لي فيها خير ربي يقدمهالك

حكيت بزاف علابالي مي ربي يوفقك و ينجحك

موفق.

مبرووووووك عليكم النجاح في البكالوريا



لي عودة,,,

أنا طالبة في السنة الأولى mi

بالنسبة للدراسة أسهل مما تتصور

خاصة لمن كانوا يدرسون في شعبة الرياضيات==أنا تحصلت فيها على 15

كما أنها ممتعة كثيرا رغم أنني لم أكن أريدها في البداية ...


أي استفسار أنا في الخدمة

المشاركة الأصلية كتبت بواسطة حنين مسلمة
أنا طالبة في السنة الأولى mi

بالنسبة للدراسة أسهل مما تتصور

خاصة لمن كانوا يدرسون في شعبة الرياضيات==أنا تحصلت فيها على 15

كما أنها ممتعة كثيرا رغم أنني لم أكن أريدها في البداية ...


أي استفسار أنا في الخدمة

ماهي المواد والنقط اللتي لازم اركز عليها مشان اخذ معدل عالي ؟

أنا طالب إعلام آلي سنة ثاثة ونصيحتي لك كالتالي
شعبة الرياضيات واإعلام الآلي شعبة جد رائعة ولها مستقل وأقصد طبعا في حال توجهت لتخصص إعلام آلي وهو تخصص يحتاج الى مجهود فردي كبير يجب عليك بذله , كما أريد ان اشر الى شء مهم وهو الرياضيات فكما سبق وقلت انت انك تحب الرياضيات ولاتمل منها , هذا شيء جميل ولكن الرياضيات في الثانوية شيء مغاير تماما للرياضيات في هذا التخصص خاصة في السنة الأولى وربي يوفقك ان شاء اه وأي استفسار أنا في الخدمة

hadjer hadjora .... معدلي ف الباك قريب من معدلك و مسحقك تنصحيني
مي قالي لازم 1000 مشاركة باش تقدر تبعث رسالة !

بالنسبة للمواد الأساسية

هنالك ANALYSE==MATHS تحليل :

متتاليات ،دوال،تكامل... عندها علاقة بما درسته في الثالثة ثانوي

ALGORITHME==info برمجة بلغة باسكال

بالنسبة للدراسة فقد اعتمدت كثييييييييييييييييييييييرا على الانترنت

exo7 +YOUTUBE...

لانني كنت اعمل واعدت البكالوريا..

أي أنني لم اكن احضر كثيرا لكن نجحت ولله الحمد

وإذا كنت تريد التفوق فعليك بالحضووور

بالتوفيق

المشاركة الأصلية كتبت بواسطة boughaba mohamed
أنا طالب إعلام آلي سنة ثاثة ونصيحتي لك كالتالي
شعبة الرياضيات واإعلام الآلي شعبة جد رائعة ولها مستقل وأقصد طبعا في حال توجهت لتخصص إعلام آلي وهو تخصص يحتاج الى مجهود فردي كبير يجب عليك بذله , كما أريد ان اشر الى شء مهم وهو الرياضيات فكما سبق وقلت انت انك تحب الرياضيات ولاتمل منها , هذا شيء جميل ولكن الرياضيات في الثانوية شيء مغاير تماما للرياضيات في هذا التخصص خاصة في السنة الأولى وربي يوفقك ان شاء اه وأي استفسار أنا في الخدمة

نعم اخي ادرك انه رياضيات الجامعة رياضيات متقدمة مو تاع الثانوية++ عندي افكار عليها