عنوان الموضوع : العجينة المورقة بالصور ومن مطبخي المطبخ الجزائري
مقدم من طرف منتديات العندليب

السلام عليكن أخواتي
اليوم حبيت نوريلكم طريقتي في صنع العجينة المورقة وإن شاء الله تنجحو فيها وبربي يعود ما كانش عندكم فيها مشكل واللي حابة شرح أكثر أنا في الخدمة فقط ادعولي في ظهر الغيب بصلاح ذريتي وزوجي
اولا نحضر العجينة
كيلو فرينة + 8 قرصات ملح + 3 ملاعق أكل زيت + ماء ولازم العجينة ما تكون شوية يابسة لانها من بعد تطلق روحها وتتعبك غلفيها بكيس نايلون وحطيها في الثلاجة ترتاح ربع ساعة وممكن أكثر إذا كنت مشغولة.






ثم تحضري زبدة التوريق أي نوعية متوفرة والكمية ترجع لك ممكن تستعملي في كيلو فرينة من 500غ إلى كيلو زبدة حسب واش رايحة تعملي بيها أنا هنا استخدمت نص كيلو لأاني حابة نعمل مملحات وكوكا . تقطعي الزبدة كيما الصورة وتحطيها على جنب




يتبع.....................


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :



__________________________________________________ __________

>>>> الرد الثاني :

في انتظار بقية الوصفة


__________________________________________________ __________

>>>> الرد الثالث :

نخليكم الآن مع الخطوات بالصور وأي استفسار لا تترددوا








يتبع...............

__________________________________________________ __________

>>>> الرد الرابع :

نزيدو نطرحو مرة أخرى ونطبقو بنفس الطريقة وهادي تسمى الدور الاول ونخليوها ترتاح في الثلاجة 20د في الصيف وفي الشتاء على طاولة العمل ما كانش مشكل





ونكرر هاد العملية 3 مرات أخرى في كل مرة نخليها ترتاح

الور الأخير رايحين نطبقو مرة وفوقها الأخرى ماشرة





وهنا الشكل النهائي


العجينة من الداخل لما نقطعه

ا

يتبع......................

__________________________________________________ __________

>>>> الرد الخامس :

استخدام العجينة
الكوكا:
قطعي العجينة إلى 4 أقسام خذي قطعة واطرحيها على الطاولة


أعدلي الأطراف بالموس وزيدي قصيها في الوسط تماما


احشي نصف واحد بصلصة الطماطم واللحم المفروم والفرماج والزيتون أو حسب الرغبة واللي موجود عندك وحطي فوقها الطبقة الثانية ثم ارسمي فوقها خطوط مائلة وحددي المربعات بلا ما تقطعي ادهنيها بالبيض وحطيها تطيب نص طياب ونحيها وقطعيها مربعات مكان الخطوط اللي عملتيها ورديها للفرن تكمل الطهي


[IMG][/IMG]

هنا نص طياب وجبدتها من الفرن حتى نقطعها



وهنا لما كملت الطياب


يتبع...................