عنوان الموضوع : يابنات مهم قبل اي خلطه او منتج لصحة بشرتك
مقدم من طرف منتديات العندليب

يابنات مهم جدا قبل اي خلطه او منتج تستخدميها



الموضوع جدا عجبني لانه مهم ومفيد
>>>>>>اولا .... تفتيح لون الشفايف <<<<<


يلي ودها تفتح لون شفايفها لازم من الضروري ترطبها طول اليوم ... مب تستخدم منتج وعقب تقوول المنتج اخرطي من خلص اسمرت شفايفي مره ثانيه

لو المنتج فتح شفايفج .. معناته اكييد رطبهن لج لانه مافي تفتيح بدون ترطيب .. واذا وصلتي للنتيجه المطلوبه او حتها 50% منها ايي دورج تحافظين عليها

وحاولو تتجنبون تلعبون بشفايفكم باسنانكم لانها تسمرها اكثر

ترطيب ترطيب ترطيب يلي تبا نتيجه الخلطه او المنتج ... حتى الفازلين ظلمتووه وقلتوو انه يسمر .. حافظو على الترطييب يا جماعة الخير
ثانيا .. تفتيح الاماكن الحساسه يلي ماخذ هوس الاغلبيه
كل شي نبغي نفتحه .. ما نبغييه يرد يسمر صح ؟؟
[img]q=tbn:ANd9GcSQ9_hZrqAio64JQm3fxe2vpALzPckX7uKiVO5W _n1AAH-0wfwggg[/img]
قلنا انه احتكاك الملابس يولد السماره وخاصه الغير قطنيه ... وهاي ازمة يلي عايشه طول عمرها ويا الملابس الداخليه وما تفكر تريح نفسها منها لو ساعتين

يعني المنتج او الخلطه كيف بتعطي مفعولها وانتي من صوب ثاني تحاربينها وتردين السماره لنفسج ؟؟!!
حتى الاماكن الحساسه يبالها ترطيب خفيف بزيت زيتون او كريم مخصص لها او اي شي مفيد



.. البسي شي قطني .. الحين في بناطلين وشورتات قطنيه داخليه مشدوده ما تبين لاي شي انتي لابسه ملابس داخليه ولا لا .. لانها استرتش

يعني وحده استخدمت زيت زيتون وتقول مب مفييد ... بذمتكم زيت زيتون مب مفيد منو ينكر فوايده ؟؟ ومنوو ينكر انه كريم الجلسريد والجليسوليد مب مفيد ؟؟؟

انا وربي شاهد علي من قمت البس شورتات قطنية وودرت الملابس الداخليه واستمريت بالترطيب وربي ماكملت 5 شهور الا صارت المنطقة نفس لون جسمي بالضبط صح مب افتح بس نفس الوون حتى صوب الفخذ راحت السماره

الترطيييب شي ضروووووووووري للخطوط البيضه وللسماره وللجفاف حتى للشعر وللنظافه



ثالثا ... بشرة الوجه <<< في خلطه كاتبتها اخت حبة بطاط مع حليب بالخلاط

الكل يعرف انه البطاط مفيييد جدا جدا للبشره وعن تجربه اقولها .. ومكعبات ثلج ماي وردمنو ينكر انه مفيد ؟؟

انا استخدمتها اسبوعين اول اسبوع كله تطلع لي حبوب ...

وبثاني اسبووع ما اشوف حبوب بالعكس نظاره وحيويه

اي شي يسحب الدهون بالبدايه لازم تطلع حبوب .. يلي تستخدم خلطات لتقشر بشرة اللوجه ضروري ترطبينها وبتبعدين عن اشعة الشمس عقب التقشيير

ويلي تستخدم الخلطات ضروري تسوين تنظيف بشرة خفيف في البيت

.. لانه خلايا الجلد الميته تعتبر حاجر وما تسرب المواد المفيده للبشره وتغطي على جلد البشرة الحيوي .. هالخطوة ضروريه ولا الخلطه مامنها فايده ..


رابعا ... الشعر ... والترهلات الصدر والوجه زيوت وحاله ومادري شوو ...

بالاخير تلاقين البنت ما تغسل شعرها الا بماي حار او دافي ... اكبر غلط نرتكبه

الماي الحار يزيد من سقوط الشعر .. على الاقل بعد ما تغسلينه وتنضفينه بماي حار قبل ما تطلعين رشيه بماي بارد ... حتى بشرة جسمج محتاجه لماي بارد

على فكره .. الماي الحار يزيد من ترهل الصدر وبشرة الويه يلي تعانين من الترهلات ... عقب الماي الحال رشي المكان ضروووووووووري بماي بارد ضرووووووووووري مب شرط ثلج بس يكون بارد مب دافي باارد

الماي الحار يجمع الدم فييه لكن البارد يثبته ويشده

صاحبات الشعر الدهني .. الزيوووت بتزد من سقوط الشعر .. لا تستخدمينها عالفروه .. لو قصدج تعالجين التقصف استخدميها على اطراف الشعر بس ابتعدني عن الفروه ... ولو قصدج التغذيه والنظافه .. حطي الزيووت على الفروه مع التدلييك لكن حذااري تكملين اكثر من نص ساعه لانه شعرج دهني فبتزيدين تساقط شعرج جذا ...

التعب انج لازم تغسلينه كل يوم حاولي تخليه شوي جاف من الدهوون مب تروحين للاستشوار وتحرقينه عسب تجففينه .. من الدهوون يعني تغسلينه بالشامبو يوميا ..
خامسا... الصبر <
مافي وحده اتيي وتقولي الخلطه
مفيده من اول مره ... ولا وحده اتيي وتقوول الخلطه مب مفيده وهي استعملتها مره وحده بس


يا جماااااااااعه الخير يلي يبغي الحلو يصبر على مره ...

مثلا السنه يلي طافت مريت على موضوع وما فكرت اجرب الخلطه يلي يبالي اصبر عليها شهر ونص .. لاني انسانه مب صبوره .. واليوم رديت ولقيت نفس الموضوع

لو بديت فيها ما كنت خلصت عمري ؟؟ ولا اترييت سنه بدون حل لمشكلتي

لكن مشكلتنا الحلول السرييعه .. يلي نتائجها بسرعه تروح ..

افضل الخلطات يلي تعلاج مشكلتك بالتدريج ..
جماااعه الخير ... الصبر ثم الصبر ثم الصبر .. ولا انج اتيين السنه اليايه وتدورين الحل وهو كان بايدج



ترانا ضلمنا وايد منتجات ووايد خلطات .. بسبة اشيا وغلطات تافه نرتكبها ..


ربي يوفقكم انشاء الله وتستفيدون من كل شي تستخدمونه


منقووووووووووووووووووول لاجل الاستفاده

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ايه والله ياالغلا

ومايلتزمون الله يسلمهم تقولين لهم حطي شويه من الكريم كل يوم

تقوم تحط نص العلبه بيوم واليوم الثاني تخلص ع الباقي وتقول لك خلص انتي نصابه

وكميته قليله ومافادتني دائما تحصل انه ناس تجيب برميل كريم ومانه فايده وشي بسيط

وكميه قليله لها فايده اكبر الصبر مهم بس نحن في عالم السرعه كل شي يبوه

بين يوم وليله الصبر حلو ومثمر

شكرا لك ع الموضوع القيم

الله يوفقك ويبارك فيك

سلام

__________________________________________________ __________

>>>> الرد الثاني :

شكرا حبيبتي فعلا موضوع جميل
شكرا لمجهودك نبهتيني على هواي امور

__________________________________________________ __________

>>>> الرد الثالث :

نور الله قلبك

__________________________________________________ __________

>>>> الرد الرابع :

سبحان الله

__________________________________________________ __________

>>>> الرد الخامس :