عنوان الموضوع : إستفسار حول الطلب الخطي للـــ enpei اعلانات التوظيف
مقدم من طرف منتديات العندليب

السلام عليكم ورحمة الله تعالى و بركاته اما بعد
انا تسجلت في الموقع الالكتروني الخاص بالمدرسة الوطنية التحضيرية لدراسات مهندس و قالولي لازم تبعض الملف ثاني وعندي استفسار حول الطلب الخطي ممكن تعطوني نموذج عليه ولكان ممكن اعطوني العنوان لهذه المدرسة ونكتبوا وحدي
و شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

Winkom wlh Urgent !!

=========


>>>> الرد الثاني :

خويا أول حاجة مبروك عليك البكالوريا و صح رمضانك

ثاني حاجة خويا لازم الحضور شخصيا في المدرسة لأنك راح تخضع لفحص طبي أولي

ثالثا : الطلب الخطي كيما تروحوا ثما هوما يعطوكم نموذج تكتبوا عليه ثما

بالتوفيق

=========


>>>> الرد الثالث :

شكرا جزيلا خويا وكي نروح ندي معايا الملف ولا لا ؟
وممكن تعطيني العنوان نتاعهم باه نروح ؟

=========


>>>> الرد الرابع :

ايه لازم تديه معاك لأنك رايح تدفعوا

العنوان هو المدرسة التحضيرية رويبة ، كيما تلحق لمحطة الخروبة اركب في الكيران نتاع رويبة و كيما يقول ليكول قلوا كاين و ذرك يحبسلك هذاها لأنهم يفوتو عليها في الطريق

و لا كيما تحب أهدر مع الريسيفار قلو حطني كيما ليكول

ربي يوفقك خويا ، و نوصيك راجع ملييييييييييح مليييييييييييييييييييييييييييح

=========


>>>> الرد الخامس :

أممممممم وبالنسبة للطلب الخطي نروح ثم يعطوهلي نعمروا ثم و نقلبولهم ولا كيفاه ؟
يعني كي نوصل ثم يعطيوهلي و يقولولي عمروا هنا ؟



=========


العنوان : المدرسة التحضيرية لدراسة مهندس . صندوق بريد رقم 05 الرويبة - الجزائر-

غير توصل للدزاير ساهلة ناس كامل تعرفها

و الملف لازم تجيبوا معاك

بالتوفيق اخي

مع العلم انا نهار الثلاثاء الجاية في الليل نمشي مع العلم أنا من ولاية باتنة

صحا فطورك


ايه بالضبط يعطوك واحد تعمروا و يفهموكم كيفاه تعمروه و كاين نموذج ثما تبعوه

redjeb.youcef

نتا رحتالها صاي ولا كيفاه

أنا رحتلها العام لي فات و فوتت الكونكور لكن ما نجحتش للأسف

ما كنتش محضر

بالتوفيق

redjeb.youcef

من أي ولاية أنت

قتلك من تبسة هاذي المرة الثانية

ههههههههههههه راني صايم الله غالب
redjeb.youcef
حاب نسقسيك نتا ياخي رحت لسطيف تاع القوات الجوية

شكرا جزيلا خويا الباهي يوسف صحا رمضانك و صح فطورك !
والأخ حمزة شكرا جزيلا انا من ولاية سطيف بالاك نتلاقاو ثما...صح فطوركم

المشاركة الأصلية كتبت بواسطة nadjib màk
شكرا جزيلا خويا الباهي يوسف صحا رمضانك و صح فطورك !
والأخ حمزة شكرا جزيلا انا من ولاية سطيف بالاك نتلاقاو ثما...صح فطوركم

إن شاء الله ولكن قلي عندما أصل إلى سطيف هل يوجد النقل إلى عين أرنات أرجوا ان ترشدني