عنوان الموضوع : طرق امنه لعلاج تساقط الشعر لشعر جذاب
مقدم من طرف منتديات العندليب

طرق امنه لعلاج تساقط الشعر



دي بقى مجموعة من الوصفات اللي بتساعد في علاج تساقط الشعر.. إنتِ اختاري اللي يعجبك

وصفة الزعتر

المكونات:
نبات الزعتر
ماء بارد
الطريقة:
يطحن نبات الزعتر لغاية ما يبقى ناعم جداً وبعد كده تاخدي منه ملء معلقة
كبيرة وحطيها في ملء كوب ماء بارد عادي، وغطيها وسيبيه لمدة يوم ثم صفي
المية من التفل واستخدمي المية دي في تدليك فروة الرأس بس بلطف، كرري هذه
العملية كل يوم قبل النوم لمدة شهر.


وصفة عصير الفجل

المكونات:
فجل
زيت خروع
الطريقة:
دي طبعا مافيش أسهل منها وهي عبارة عن إنك تفرمي الفجل في الخلاط وبعد كده
تاخدي العصير ده وتمزجي معاه كمية قليلة من زيت الخروع وادهني بيه فروة
رأسك واستمري في استعمال الوصفة دي كل يوم لمدة شهر.

والوصفة دي فايدتها إنها بتساعد على إنبات الشعر المتساقط.

وصفة الزنجبيل وزيت السمسم

المكونات:
زنجبيل
زيت سمسم
عصير ليمون
الطريقة:
هاتي زنجبيل طازج وقشريه واعصريه وبعد كده خدي منه معلقة أو معلقتين
واخلطيها مع ثلاث ملاعق كبيرة من زيت السمسم مع نصف معلقة صغيرة من عصير
الليمون وامزجيها مع بعض جيدا، وبعد كده دلكي بيها فروة شعرك، كرري هذه
العملية حوالي ثلاث مرات في الأسبوع لمدة شهرين.

وصفة الزيت الثلاثي

ودي عبارة عن مجموعة من الزيوت اللي معروفة باسم الزيت الثلاثي

المكونات:
زيت الخروع
زيت اللوز المر
زيت الزيتون
الطريقة:
امزجي مقدارا متساويا من زيت الخروع واللوز المر والزيتون مع بعض داخل
زجاجة، وبعد كده خدي شوية من مجموعة الزيوت دي ودلكي بيها فروة رأسك لمدة
عشر دقائق قبل النوم، وبعد كده سرحي شعرك بمشط ذي أسنان متسعة، وبعد كده
غطي شعرك بإيشارب مصنوع من القطن لغاية الصبح، وبعد كده لكِ الحرية إن إنت
تغسلي شعرك بنوع شامبو مناسب إو إنك تسيبيه من غير غسيل.
والوصفة دي ميزتها إنها بتقوي الشعر من جذوره وتمنع تساقطه وكمان بتمنع
ظهور القشرة، ولو فيه قشرة بتشيلها، كرري هذه الوصفة لمدة شهر، وبعد كده
في الشهر التاني استمري في استخدام نفس الوصفة بس بدل كل يوم خليها يوم
ويوم، وبعد كده كرري العملية دي مرة كل شهر.

وصفة إنما إيه

الوصفة
دي بقى إيه.. مافيش كده، وده لأن -زي ما إنتِ عارفة- السبب الأساسي في
تساقط الشعر هو نقص في المواد الغذائية وخاصة فيتامين (أ) فالوصفة دي
مخصوص لكده، وده لأن الجرجير والجزر والخيار بيحتووا على فيتامين (أ)..
مكوناتها:
خيار
جزر
جرجير
الطريقة:
والوصفة دي مش هتحتاج منك غير إنك تاكلي كل يوم خيارة وجزراية بقشرها لأن القشر ده هو اللي فيه الفيتامين، ونصف حزمة جرجير.
وعلى فكرة الوصفة دي لو استخدمتيها مع وصفة الزيت الثلاثي هتجيب نتيجة إنما إيه.

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك حبيبتى ويعطيك الف عافيه
ننتظر جديدك المميز

محبتى

__________________________________________________ __________

>>>> الرد الثاني :


__________________________________________________ __________

>>>> الرد الثالث :

جزاك الله الف خير

__________________________________________________ __________

>>>> الرد الرابع :

مشكورة كتير يا اختي على الوصفات الله يعطيكي العافية

__________________________________________________ __________

>>>> الرد الخامس :

يعطيك العافيه على الوصفه عزيزتي