عنوان الموضوع : صبغ الشعر باللون الاسود للعناية بالشعر
مقدم من طرف منتديات العندليب

صبغ الشعر باللون الاسود



السلام عليكم ورحمة الله وبركاته
اشحالكم بنات
ابغى اشاوركم
محتاره بشرتي بيضاء وحابه اصبغ شعري أسود بس بنات خالتي ماينصحوني يقولون اذا صبغتي هذا اللون ماتقدرين تصبغين بعده أي لون غير الاسود صحيح هالكلام
أرجوكم لا تطنشون ردو انتم خواتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرررررررررررا حبيبتي

__________________________________________________ __________

>>>> الرد الثاني :

هلا خيتو انصحش انش ماتصبغي شعرش اسود نهائيا
اسمعي قصتي انا شعري مو اسود فيه لون طبيعي اشتريت لي صبغه بني متوسط وصبغته وياليتني ماصبغته طلع شعري اسود اسود زي سواد الليل وانقهرت خليتها تقريبا سبعه شهور وبعدين صبغته اشقر فاتح تخيلي وشي وش صار لي
صبغ بس في الاماكن اللي رايحها منها الصبغه فهمتي علي يعني بس من فوق اشقر وتحت اسود تخيلي منظري كيف خخخ تقولي عجوز ادا تبغي تصبغي شعرش وانتي تقولي بشرتك بيضه انصحش تصبغي اشقر رمادي وخصلات ثلجي تطلعي شي
اتمنى اني افدتك
تقبلي مروري

__________________________________________________ __________

>>>> الرد الثالث :

حبيبتي انا راح انصحك لان الموضوع صار فيني قبل 3 سنوات

كنت صابغه خصل ومليت منها رحت صبغتها بالاسود وياليت ماصبغت

صار شعري كانه مفرود صار كانه اسلاك مو شعر

حتى رحت للمشغل اقص شعري وكوفيره اهبلت انتي شنو مسويه بشعرك

وقلت لها السالفه قالت لي اذا انتي تبين تصبغين شعرك ثاني مره اختري

بني شوكولاته اغمق لون من البني لكن لاتحطي اسود

جلست سنه متى راحت مني الصبغه لان شعري طويل ومتى رجع شعري لطبيعته

المهم اني حرمت اصبغ اسود وانصحك لاتصبغينه اسود ترى راح يلعب بشعرك

__________________________________________________ __________

>>>> الرد الرابع :

انا اعرف ان الاسود يبيلا سنة عشان تقدري تغيريه
بس للمعلومة الاسود حلو وخصوصا مع مكياج نعوم
والخيار لك وانا مع الاخت يلي نصحاتك بالبني عشان يمكن لو ماعجبك تقدري تغيريه

__________________________________________________ __________

>>>> الرد الخامس :

انتبهـــــــــــــــــــي لا تصبغين اسووووووووووود

((((((.....اصبغي بني غامق ويطلع اســـــــــــود بالراااااااحه ...))))))))

انا كنت صابغه اشقر وقبل كم شهر صبغت بني غامق وطلع اســــــــود يجنن ...