عنوان الموضوع : تعطير المنزل بطريقتى اهداء لام تاج وام اسلام ايه تجارب منزلية
مقدم من طرف منتديات العندليب


مساء الخير حبيباتى
حبيبتى ام تاج وام اسلام ايه والكل الي انتضر منى طريقتى بتعطير المنزل اسفه جدا على التاخير النت كم من مرة تروح ومع انشغالات الولاد بصح والله منسيتك حبيبت ام تاج علابالى زعفانه منى والصور موجوده في الجهاز ماشي بخل بصح الوقت الي مكانش راني نكتب والاولاد يتعبو فيا عادو يتعاندو على كل شيءمتل توم وجيري ههههههه ربي يعينى برك
المهم على طريقه التعطير بطريقتى واكيد كاين طرق احسن .اول حاجه لازم نسيق الدار هكدا باش الريحه تبقى لمده طويله بعدما نشف الرضيه اعزكم الله مباشرة ندير البخور هو مكانش احسن من البخور على الجمر ولانو مرات غير متوفر دايرا طاجين خاص بالبخور نقص النار على الاخير وندير فيه لبخور كاين انواع كثيرة عند العطار انا نشري من هدا يسموه بخور العين ضربه بضربع للحسد والعين عن تجربه

وهدا رائحه نتاعو تهبل وتمد لبعيد


ندير الاول قبل حتى يكمل وبعدها ندير الثانى للتعطير وهنا الارضيه بعدما نشفتيها اغلقي النافذه وخلي البخور نتاعك على نار هادئه صدقونى الريحه رايحا تبقى وتلصق انا جربتها مرة وخرجت مع زوجي والاولاد للمساء كي رجعت لقيت الريحه طيبه في المنزل تقولي لسع مسيقا ومبخرة هههههه
تاني ام تاج نستعمل هدو الانواع

وبصراحه النوع الي اشرت ليه بالسهم روعه تقولي فيه رائحه البخور وعندي استيس نديرها نحكم ورق الجغنال ونرش بيه هدا المعطر ونمسح بيه المرايا تولي تبرق والريحه ياي تهبل وتشد فترة
تاني نرش البوتشامو ونمسح بيه المابل تولي الريحه تفحفح هدي نديرها مرات برك
هدا واش تفكرت اكيد كاشما نتفكر نزيد نقلكم
هدا الحلوى اهداء خاص لام تاج موووووووووووووواح مادرشي على زعلك يا جميل

سلام حبيباتي













>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ماشاء الله عليك وَبَارِكْ الله فيك انا عندي بخور تخدمولي امي العزيزة بعود السرقين. والمسك والتار ،،،،،،،والخ.
وشكرا اختي على الفكرة واناواش تهديني. ههههههههه

__________________________________________________ __________

>>>> الرد الثاني :

واااااااااااااع وانا وينها قسمتي في الحلوة؟
فعلا البخور وخاصه تاع القارورة هاذيك كناها بخور عندنا منها وندير بيها تهبل
بصح البخور دار اختى متحبوش الله غالب
عندها حساسيه
بارك الله يكي على الشرح حبيبتي وجعلكي الله معطر بروائح الايمان

__________________________________________________ __________

>>>> الرد الثالث :

المشاركة الأصلية كتبت بواسطة أم إناس
ماشاء الله عليك وَبَارِكْ الله فيك انا عندي بخور تخدمولي امي العزيزة بعود السرقين. والمسك والتار ،،،،،،،والخ.
وشكرا اختي على الفكرة واناواش تهديني. ههههههههه

صح كاين الي يخدموه في الدار بصح يتطلب مواد بزاف ومنعرفهش خخخخخخخ انا نشريه من عند العطار وزوجي يحب رائحه البخور كي نحب نفوخ عليه نبخر يدخل غير يشكر فيا واش هادي الريحه الزينه خخخخخخ اقرب طريق الي قلب الرجل انفه خخخخخخخخخخخخخ
حبيبتى ام اناس شكرا على التواصل ونهدي لحنونتى واش تحب حلو ولا مالح واش تحبى شبيك لبيك

__________________________________________________ __________

>>>> الرد الرابع :

المشاركة الأصلية كتبت بواسطة لمسة حنية
واااااااااااااع وانا وينها قسمتي في الحلوة؟
فعلا البخور وخاصه تاع القارورة هاذيك كناها بخور عندنا منها وندير بيها تهبل
بصح البخور دار اختى متحبوش الله غالب
عندها حساسيه
بارك الله يكي على الشرح حبيبتي وجعلكي الله معطر بروائح الايمان

ههههههههههههههه حبيتى لموسه حقك في الحفظ والصون وين مانروحو الحلويات تبعنا في اي قسم منطلقو والو ههههههه
عندك الحق الي عندو الحساسيه ميقدرش يديرو ولا يديرو ويفتح الشبابيك باش الريحه تخف شويه
شكرا لكي وردتى الغاليه امين يارب مااحلاها بدعوه ولكي بالمثل

__________________________________________________ __________

>>>> الرد الخامس :

يعطيك الصحة رغم ان الإهداء رآه مخصص إلا لام محمد لكن راني حشرت روحي و دخلت هههه