عنوان الموضوع : وش ديري نهار الجمعة ادخلي نقلك تجارب منزلية
مقدم من طرف منتديات العندليب

السلام عليكم مرحبا بكم اخواتي في موضوعي اليوم حبيت ندير موضوع نتناقشو فيه على النهار الجمعة وهو اليوم المعروف بلي ربة البيت تنظف فيه الدنيا تسياق و مسحان غبرة و و ترتيب و و و و و ..... وانا درت هاذ الموضوع باه تقولنا كل وحدة كيفاه تبدا ووش دير كل ربة بيت نهار الجمعة على قداه تنوض بواه تبدا وش تنضف وكيفاه باسكو كل وحدة والطريقة تع التنظيف تاعها و ممكن ادا كان تمدلنا نصيحة تعطينا فكرة تعطينا دبارة وهكذا نستفيدو كل و خاصة المقبلين على الزواج نتمنى نلقا تفاعل ولو بحاجة بسيطة للاستفادة لا اكثر و شكرااااااااااااااااااااااااا
وانا راح نبدا الاولى

اولا: لازم مايبقا حتى واحد في الدار باه ما تقلقييييش من اللي رايح و اللي جاي

تانيا :هزي الدراوات تع السرير و القش و اي حاجة رح تغسليها حطيهم في الماشينا باه ماتبقيش رايحة جاية و تخمجي الي نضفتيه
تالتا :هزي الزرابا و انفضيهم مي البرا ماشي في الدار لداخل ماكاش تتعمرلك غبرا و كان عندك طيراس طلعيهم للقايلة و كان معندكش انفظي النافذة و انشريهم و لا بالكون ومبعد انفظي غرف النوم وسيقيهم و امسحي الغبرة تع السرير و تع الخزانة و التلفزيون و امسحي الزجاج و زجاج النوافذ باسكو النسا كي تجيك تروماركي كلش حاجة ماتفوت باه في الطريق وهوما مروحين يمقصووووو

رابعا :وهاكدا تكوني كملتي جزء كبير من التنظيف
وخامسا :ودركا يالفحلة ترجعي الزرابي ولحوايج الي هزيتيهم و تفرشي السرير و مبعد دوري تمسحي الغبرة تع البيبليوتاك و لي كادر و لي فاز و و و و و دركا اهل البيت قريب يجو لازم تزربي تكملي الكوزينة و الدوش
وسادسا:اغسلي لماعن تع الفطور و امسحي خشب تع الكوزينة و والثلاجة و الكويزنيار و سيقيها ولمعي الزجاج تاع النافذة و تع خزانة المطبخ وباينة رح تلقاي الكسكس طاب طفي عليه و روحي نظفي الدوش واغسلي الفايونس تاعو و لمعي الزجاج و سيقيه و اخرجي
اخيرااااااااااااا كملتي
وبيانسيير انتي راكي تعبانة
بصح مازااااااااااااااااااالك تجهيز الغدااء
وبعد الغداء تغسلي المواعن و دخلي القش الي شاح طبقيه و حديه و رجعيه لمكانو و روحي ديري نسمة اتفرجي على حريم السلطان
وشكراااااااااااااااااااااااااااااا اتمنى التفاعل




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلااااااام
هههههههههههه عجبني الموضوع
لكن للاسف انا يوم الجمعة استحالة ندير فيه ميناج ولا مسيح لانو اليوم الوحيد اللي يقعد فيه راجلي في الدار بحكم انو يخدم باقي الايام
لذلك يوم التعب تاعي انا هو الاحد

__________________________________________________ __________

>>>> الرد الثاني :

هههههههههههههههههه عجبتيني كي قولتي روحي اتفرجي حريم السلطان

__________________________________________________ __________

>>>> الرد الثالث :

بارك الله فيك
عجبني الموضوع
مشكوووووووورة

__________________________________________________ __________

>>>> الرد الرابع :

السلام عليكم
ههههههههه مليحة تاع روحي شوفي حريم السلطان ههههه
بصح نورمالمون الجمعة الوحدة تريح شوية ماشي تدير الميناج وديجا وين صرات بالجمعة الدار تفرغ ؟؟؟
بالعكس حنا نهار الجمعة واحد ما يخرج
صحيتي على الافكار تااعك ^^

__________________________________________________ __________

>>>> الرد الخامس :

ههههههه حنونتى والله انا تانى كنت ندير الميناج نهار الجمعة مش عارفة وعلاه مع انى مش خدامة ولاولادى يقراو مزالو صغار كنت كل يوم جمعة نوض بكرى ونسيق وندير الفطور طعام وندوش ولادى وندوش انا وراجلى تانى ومنبعد نغسل الحوايج وهكذا منحبسش قع وحد النهار قالى راجلى راكى تقلقينى وعلاه النهار لى نصبح فيه ونريح من تعب الخدمة تتفكرى فيه كلش عندك الايام كلها الا الجمعة خلينى نريح وزيد لى حب يزورنى من اهلى اواهل زوجى يجينى بنهار الجمعة لانو ولادهم يقراو والكبار خدامين يلقاو الدنيا مقلوبة ههههههههههه مالا بدلتو نهار الخميس واذا حبيت نخرش انا تانى نخرج بالجمعة لذا الجمعة هو نهار الراحة والتحواس ............