عنوان الموضوع : مساعدة سياحية من فضلكم للسياحة
مقدم من طرف منتديات العندليب

السلام عليكم و رحمة الله و بركاته
ارجو ان الجميع بخير
في العطلة الربيعية لهدا العام فكرت عائلتي بالذهاب الي الجنوب :غرداية ’ وادسوف و بسكرة
ولاننا لم نذهب هناك من قبل فكرت في طرح هدا الموضوع لاطلب من من يعرفون هذه المناطق ان يتكرموا بأعطائي اسماء الاماكن السياحية التي يمكننا زيارتها هناك

وشكرا مسبقا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

و عليكم السلام و رحمة الله تعالى و بركاته
اختي نبدالك من مدينة بسكرة و ان شاء الله مانكونش توخرت عليك
نبداو من الدخلة تاعها بعد ماتفوتي مدينة باتنة راح تلقاي مع دخلة بسكرة مدينة القنطرة و هي مشهورة بجبالها العالية و الرائعة الي تقعدي تسبحي في ربي و انت تشوفي فيها و تلقاي فيها أيضا اشغال الحرفيين اليدوية من الفخار و الملابس التقليدية و اعمال السعف
و طول بعد مدينة القنطرة و انت تشوفي في التحف و الزخارف الفخارية يعني ماتزربيش روحك و تشري

في مدينة بسكرة كاين حديقة الحيوان في بلعياط "هي حديقة متواضعة لكن غاشيها عظيم " و من ثم روحي لمتحف الشهيد شعباني ترحمي على الشهداء

و زيدي روحي لمدينة سيدي عقبة باش تزوري و تترحمي على من كان له الفضل في اسلامك بعد الله و من هناك روحي لمدينة تهودة كاين آثار للبناء القديم اين قتلت الكاهنة عقبة ابن نافع رضي الله عنه و من ثم امشي لمدينة سريانة "احكمي الطريق فقط" تشوفي البني القديم تاع البساكرة و هي مدينة فلاحية رااااااااااائعة
من ثم اما تروحي لبسكرة او تكملي الطريق لشتمة و اسئلي على المدينة القديمة بناء قديم تاع البساكرة بالطين و تلقاي الحائط عرضه ميترا باش يبعد السخانة و تلقاي السواقي ووووو
و زيدي روحي لمدينة مشونش زوري متحف العقيد سي الحواس و من ثم روحي لواد الخناق مناظر طبيعية رااااااااااااااائعة و زيدي اضربي طلة على مصنع الفخار و اشري حويجات للذكرى تلقايها رخيصة شوية

من مشونش كملي لبنيان بلاد الشاوية الأحرار و من ثم اطلعي لغوفي
و يا سلام على غوفي و les balcon de goufi تلقاي وين كانو يسكنو جدودنا لكن يلزم عليك توجدي رجليك باش تهبطي للواد تحت لانك كون ماتهبطيش ماعندك وش شفتي
و كي تروحي لبسكرة يلزم عليك تاكلي دوبارة اما حمص او فول او "ميلانج" يعني مخلطة و كولي شخشوخة و محجوبة و زيدي روحي لشرقي كولي فاست فود و باتيسري رووووووووووووووووعة و هادو تلقايهم في طريق الزاب "الشارع الرئيسي"

و ماتنسايش تروحي لبلاد ولاد زيان جمورة و برانيس مناظر روعة و تقدري تكملي من فم لأريس طريق ملتوية و لكنها راااااااااااااااااائعة و كي توصلي لأريس تلقاي بلاد الشاوية البرد في الطقس و الكرم عند الناس و قمم الجبال مغطية بالثلوج

حاجة اخيرة نقولهالك على البساكرة هوما ناس ملاح و حلوين و يقومو بالبراني و يحبو العنانبة ياسر و تلقاي الأمان التام في بسكرة ماعندو ما يخوفكم

عطلة سعيدة و كاش ما تفكرت راني نزيد نقولك

__________________________________________________ __________

>>>> الرد الثاني :

نسيت نقولك السوق الشعبي كاين زوج اما
الزقاق
او البخاري

__________________________________________________ __________

>>>> الرد الثالث :

انا زرت بسكرة مرة عجبتني بزااااااااف و ناسها طيبين بتنا في الفندق جميل و اسعاره معقولة و المكان اللي عجبني اسمو منبع الغزلان فيه سد و جميل ,,,,,, لم نزر عدة اماكن هناك لضيق الوقت نتمنى ان شاء الله نزيد نزورها

__________________________________________________ __________

>>>> الرد الرابع :


__________________________________________________ __________

>>>> الرد الخامس :