عنوان الموضوع : مستعجـــــــــــــــــل ارجو الرد تمت الاجابة
مقدم من طرف منتديات العندليب

هذا الموضوع على بالي ما هوش في القسم اللي يخصو و راني محتاجة ردكم بسرعة
عندي اخت زوجي عندها مدة تعاني من الحبوب يخرجلها في يديها و رجليها و الحكة الشديدة و راهي قريب عامين مع الطبيب نتاع الجلد في الولاية نتاعنا و ما دارولها والو قالها حساسية و لازم تبعد على ادوات التنطيف كما الجافيل و,,,,,, و راهي مبعدة علبهم و لكن ما كان والو و راهي تحوس على طبيب نتاع جلد يكون مليح في الجزائر العاصمة او من جوايه الحراش او الرغاية باه تروح هذي السمانة
و ثاني عندها عنوانين نتاع طبة اللي هو الدكتور عبد الفتاح في البليدة و الدكتور معيش في الابيار شكون اللي يعرفهم
و ثاني كاين اللي نصحها بالهاشمي شكون اللي جرب دواه

ارجوكم الرد في اقرب وقت و ربي يجازيكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

__________________________________________________ __________

>>>> الرد الثاني :

اختى انا خالتى قريب ماتت و الان راهى الداوى عندو و قالت بلى تحسنت و تانى خالتى واحدى اخرى عندها ميكروب فى القلب اخدت الجرعة الاولى و عاودت دارت التحاليل خرجولها صافيين و ماما حابة هى تانى تروح عندو و حسب ما فهمت الاخت عندها اكزيما

__________________________________________________ __________

>>>> الرد الثالث :

اختي لي سمعتي عليه نتع الرغاية يكون هو لي نعرفو انا وسمعت بيه بزاف
هو مليح انا نسيت اسمو بصح يظهرلي كاين غير هو في الرغاية وسمعت بلي يقولو مليح
انا واختي موالفين نداوو عند واحد ف بومرداس
امدالي نبيل Maladies de la peau , ongles , cuir
chevelu, epilation electrique , chirurgie dermatologique
عمارة 60 رقم 02 تعاونية 11 ديسمبر بومرداس
bt 60 N02 coopérative 11 decembre boumerdes
ااذا حبيتي رقم الهاتف نتع العيادة ديالو نعطيهولك فالخاص

سلام

__________________________________________________ __________

>>>> الرد الرابع :

السلام الله يشافيها اختي كاين طبيبة في القليعة ممتازة الناس كامل تشكر فيها رحت ليها عندي عامين 5انتاع الصباح اديت رقم 10 عندها غاشي كبير وتمد دوا غالي بزاف المهم راحلي عنوانها ورقم تلفونها راهي جاية في وسط مدينة القليعة قدام المدفع اللي موجود في الساحة العمومية بالتوفيق

__________________________________________________ __________

>>>> الرد الخامس :

شكرا على الردود و اتمنى المزيد