عنوان الموضوع : سرقولي البورتابل استفسار
مقدم من طرف منتديات العندليب

السلام عليكم
سرقولي البورتابل وحابة نبلوكي البوس ( رقم الهاتف )
ممكن تعطوني رقم وكالة جيزي نعيط عليهم ؟
وقولولي ماهي الوثائق المطلوبة باش نسترجع رقمي من جديد
الله يحفظكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لا حول ولا قوة لا بالله

المهم مسرقوكش انت

الوكالة والله على حسب الولاية

باه تبلوكي لبيس

لازم تديكلاري في الكوميسارية ومنبعد تقدري تبلوكي

عادي ولو الهاتف تاعك نوع جيد ممكن الشرطة تساعدك

المفروض
المهم الحمد لله مسروقوكش انت هههههههه
سلام


__________________________________________________ __________

>>>> الرد الثاني :

انا من ولاية عنابة ودكلاريت
والهاتف نوع ايفون
ان شاء الله نلقاه
ادعيولي خاوتي

__________________________________________________ __________

>>>> الرد الثالث :

اه عنابة ام اسف لا اعرف رقم الوكالة

بعون اله يرجعولك الهاتف

عموما حمد ا لله على سلامتك انت
والهاتف اله يخلف




__________________________________________________ __________

>>>> الرد الرابع :

روحي بلغي الشرطة ( طبعا ليس لاسترجاع هاتف لانهم لن يجدوه ولن يبحثو عنه اصلا ) بل لو هاتفك يقع في ايدي ارهابيين او مهربين وتولي في مشاكل في المستقبل


اسالي عن المركز التابع لحيكم وروحي مع باباك احسن او خوك
وخودي معاك بطاقة تعريف والاحسن لو تاخدي ( الرقم التسلسلي للهاتف ) تجدينه في الكرتونة

ومبعد روحي لجيزي قوليلهم يحبسو الشريحة وخودي معاك الكونترا وبطاقة تعريف .......... ويعطيوك شريحة جديدة وبنفس الرقم ب 50 دج

5 الاف فقط


__________________________________________________ __________

>>>> الرد الخامس :

عيطي لجيزي 777 قلهم يبلوكلك لابيس