عنوان الموضوع : قصيدة باللهجة الجزائرية الحرة ... رؤؤؤعة لاتفوتكم من اللهجة العامية
مقدم من طرف منتديات العندليب


السلام عليكم
قصيدة جميلة قريتها عجبتني نقلتهالكم
انشاء الله تعجبكم


نصحوني مرة صحابي بالزواج ... و قالولي بركاك من التعواج
 راهي رايحة تديك المواج ... إذا بقيت فالعزوبية
بقيت نطلع في الحساب ... و لقيت كلامهم صواب
 و في الغد بعثتلهم نواب ... يطرحوا لأهلي القضية
بابا وافق في الحال ... و قال نجيبوا بنت الخال
 و يما جاها في البال ... يخطبولي وحدة بدوية
 تفاهمنا على بنت المدينة ... قالو فاهمة ورزينة
 راهي تمخمخ في الكوزينة ... وتطبخ طبخات زينة
 عولنا وقصدنا الدار ... حاملين في يدينا النوار
 ودرنا وحنا زوار ... قاصدين بنت معينة
 الخال في بنتو شكر ويزيد ... قارية وما تركتش المسيد
 وصحيحة كي الحديد ... بنت العلم والتربية
 قلت واش هي الشروط ... راني صرت ليكم مربوط
 ومالي عندكم محطوط ... ونزيدلكم الشهرية
قالي يا وليدي سجل ... 20 صباط باش تبدل
و 50 سروال مفصل ... و يكونو ضيقين شوية
 وزيد كيلو ذهب صافي ... تجيبو وانت زاهي
 والشنتوف ما هو كافي ... راني درت فيكم مزية
 بنتي راهي غاية وشريفة ... ما تتركش يدها خفيفة
 20 خاتم في القفيفة ... تحطهم في يدها هي
 وسلسله غاليه ما تنساش ... والمليون لازم يكون معاك
 والحايك مرمة لازم تلقاه ... وتقدمو لبنتي هدية
 قالي يا السي موووح ... بلاك تنسى خيط الروح
 باش يزيد لبنتي الروح ... تبقالك ديما حية
تشريلها عشر كباش ... والدجاج مشوي ما تنساش
 وزيدلها مترا قماش ... هادي حاجة رمزية
 بنتي ما تضربش النشاف ... ومن الحمام تخرج بالتلحاف
وشعرها جيبلو حفاف ... وتزور sa mère كل عشية
 الطفلة نطقت ملهيك ... يا بابا لازم تنهيه
 يتركني نحكم فيه ... ويمشي معايا بالنية
 قالي الشرط ما خلاص ... نقراو الفاتحة قدام الناس
 قلتلو راني لباس ... ومنين نهرب يا خويا
 درنا العرس نهار الخميس ... وكثر فيه الهراج والتهراس
 المطرب يخلط على الناس ... والدرباكي يعفس تعفاس
 والجمهور راهو نعاس ... والبراح يبرح شوية
 جابو العروسة للبيت ... كي شفتها من الخوف بكيت
 شعرها على الطابلة محطوط ... وراسها من الشعر مزبوط
 رافدة معاها عشر قطوط ... تلعب لعبة هزلية
 لقيتها مركبة قطع غيار ... شعرها وحواجبها ولشفار
 و كي ضحكت كل شيء طار ... هادي ماركة عصرية
 قالت لازم نبقى حرة ... ويماك لازم ترميها برة
 وما تكثرش معايا الهدرة ... أنا طفلة متحضرة
 قلت يا امرة لازم تفهمي ... ترفدي حوايجك و اخطيني



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ههه اضحك الله سنك ونزيد عليها اذا سمحت
اذا كنتو هاك يالبنات ...ريحو عندو مواليكم وديرو مزية
الزواج عمرو ولكان هاك ....لخاطر الشروط ولات مزيرية
حتى الراجل ثاني ملام ....يحسب روحو يشري في حورية
لا احنا فرسان ولا امراء......والاميرة ماهي انت ولا هي
الزواج الصالح عندو بناء....ساسو الدين والاخلاق وزين النية







واذا مالقيتوش يالرجال ....شوف بعيد كاشما تلقى سورية .
ههههه

__________________________________________________ __________

>>>> الرد الثاني :

بارك الله فيك

__________________________________________________ __________

>>>> الرد الثالث :

المشاركة الأصلية كتبت بواسطة الواثق
ههه اضحك الله سنك ونزيد عليها اذا سمحت
اذا كنتو هاك يالبنات ...ريحو عندو مواليكم وديرو مزية
الزواج عمرو ولكان هاك ....لخاطر الشروط ولات مزيرية
حتى الراجل ثاني ملام ....يحسب روحو يشري في حورية
لا احنا فرسان ولا امراء......والاميرة ماهي انت ولا هي
الزواج الصالح عندو بناء....ساسو الدين والاخلاق وزين النية







واذا مالقيتوش يالرجال ....شوف بعيد كاشما تلقى سورية .
ههههه

السلام عليكم ورحمة الله
اهلا باخي وبالغالي الواثق كيف حالك ان شاء الله بخير
امممممممم راك وليت شاعر ههههه
جميل ما اضفته اخي الكريم بارك الله فيك
احتراماتي لشخصك الكريم


__________________________________________________ __________

>>>> الرد الرابع :

المشاركة الأصلية كتبت بواسطة نورالدين5
بارك الله فيك

السلام عليكم ورحمة الله
اهلا باخي نورالدين نورتنا بوجودك في الصفحة
اشكرك جزيل الشكر على المرور الطيب وردك العطر وفيك بارك الرحمن
احتراماتي


__________________________________________________ __________

>>>> الرد الخامس :

صح لسانك
ه هايلة عجبتني