عنوان الموضوع : انوي بوقالة على العضو اللي يجي بعدك ثقافة الجزائرية
مقدم من طرف منتديات العندليب

اليوم جبت موضوع جديد ان شاء الله تتفاعلوا كامل معاه للحفاظ على التراث الجزائري
الموضوع يدور حول البوقالات كل واحد ينوي بوقالة على العضو اللي يجي بعدو
نبدا انا ونمد بوقالة اللي يدخل بعدي ويضع بوقالة يعني اللي وضعتها انا منوية عليه هو وهو يدير بوقالة اخرى وهكذا

وهاذي البوقالة تقول:
انت جوهرة ماكسبوها سلاطين ربي يحفضك من العين ويبعد عليك الحاسدين بجاه ربي العالي وبجاه الاولياء الصالحين



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله الله موضوع رائع كالعادة انا ما نعرفش بوقالات بصح لقيت هادي ونهديها للي بعدي
بسم الله بديت وعلى النبي صليت وعلى الاصحاب رضيت
*يا لي جايا من العين وبيدك مليتي السلة سبحان من اعطاك الزين وزاد في بهاك ذيك الحلة


__________________________________________________ __________

>>>> الرد الثاني :

اووووووو بارك الله فيك على الموضوع.........شكرا اختي الحلم الجزائرية على البوقالة
و بوقالة العضو اللي بعدي تقول
بسم الله بديت..و على النبي صليت......رشيت عتبة الباب بالزهر و الطيب..و سقيت كل الاحباب بالعسل و الزبيب..و كي نسيت جاني جواب كنت نستناه من عند البعيد.........و حكمتكم تقول..جد بالكثير..و اقنع بالقليل


__________________________________________________ __________

>>>> الرد الثالث :

شكرا و هادي للي بعدي عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.

__________________________________________________ __________

>>>> الرد الرابع :

وهاذي بوقالة للعضو القادم بعدي تقول:

حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.


__________________________________________________ __________

>>>> الرد الخامس :

بارك الله فيك اخي ابوا الالغاز و البوقالات و المحاجيات كام
لهدي بوقالة لي بعدي
يا ناس لملاح مدولي بنتكم و الا نطيح نموت..بنتنا شرطها غالي و مقامها عالي..مدوهالي و الا نشتكي بيكم لربي العالي