إرحمو من في الأرض يرحمكم من في السماء قضايا اجتماعية

[hanan]

عنوان الموضوع : إرحمو من في الأرض يرحمكم من في السماء قضايا اجتماعية
مقدم من طرف منتديات العندليب

السلام عليكم يا جماعة شكرا لردودكم الكريمة
اليوم نحكو على موضوع ما عندوش علاقة بتصرفات الأشخاص لأنو بعض الأعضاء راهم يشوفو إنوا أنا نجيب المواضيع السلبية فقط ونفضح فالناس وهذي مستحيل أنا في كل موضوع طرحنو من واقع المجتمع وتصرفات كلكم لاحظتموها المهم نرجعو لموضوعنا
إرحمو من في الارض يرحمكم من في السماء والرحمة للإنسان وللحيوان نحكو على الحيوان الكائن اللي خلقو ربي يأذي وإلا لالا خلقوا ربي وبث فيه الروح إحنا مسلمين ونعرفو الرحمة ودينا يطلبها علاه ما نرحموش المخلوق الضعيف لاحظت بعض الناس فالطريق قطة مثلا فايتة يضربها يركلها أو كلب حاشاكم يضربو فيه بالحجر حمامة أو عصفور يعذبوه حتى يموت ومرة شفت حاشاكم يوتوب حمار شعلوا فيه النار حتى وين مات بشاعة الصورة وعلاه هذي التصرقات مع كائنات لا حول ولا قوة لها وكاين اللي مربي حيوانات مهتم بيها كأنها واحد من البيت
أنا عندي قطة وكلبة حاشاكم وباركولي الكلبة نتاعي ولدت وجابت الله يبارك 10 شابين وكامل أعطيتهم إسماء ونوكلهم ونتهلى فيهم ويمرضو نديهم للطبيب وهذو اليمات البرد بدلتهم البلاصة نخاف يموتو من البرد والقطة ما نحكوش نكون نسيق حاشاكم نحكي معاها تقول تفهملي تبدا تعيط وتفهم كل شي وزيد هي والكلبة بزاف متفاهمين ما يدابزوش ممكن بزاف منكم يقولي تربية الكلاب حرام او ماشي مليحة مي الكلبة هذي لقيتها مريضة كانت راحا تموت دوايتها عند طبيب وتهليت فيها ومن بعد خليتها عندي ضرك محال نقعد بلا بيها
اللي عندو حيوان يحكينا عليه أو يعطينا رأيو في الموضوع والرحمة مع الحيوان شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلام مريلينا
حنا عندنا كلب مي للحراسة فقط مي نتهلاو فيك يروح للطبيب عندي اختي هيا لي تتهلا فيه بزاااف تقول وليدها وي علينا بالرئفة بالحيوانات فهمي كائنات مثلنا ربي يهدينا على سواء السبيل
شكرااااا ميريليناااا

__________________________________________________ __________

>>>> الرد الثاني :

المشاركة الأصلية كتبت بواسطة اميرة الجزائر2010 سلام مريلينا حنا عندنا كلب مي للحراسة فقط مي نتهلاو فيك يروح للطبيب عندي اختي هيا لي تتهلا فيه بزاااف تقول وليدها وي علينا بالرئفة بالحيوانات فهمي كائنات مثلنا ربي يهدينا على سواء السبيل شكرااااا ميريليناااا

السلام عليكم أختي اهلا كيف الحال ؟ نستعرف بيها اختك انا تاني الكلبة نتاعي والقطة خط احمر ماناكلش ونوكلهم نكون مريضة على جالهم نوض ونوكلهم و ندوشلهم كل شي وندخل للدار كي نروح للطبيب ونجي يتوحشوني يجو يجروا عندي ههههههههههه هوما عائلتي والكلبة نتاعي من نوع لبيد بول قباح بزاف ههههههه يعني ماكانش دصارة راهي القارد كورد نتاعي ههههههههه شكرا اختي والرحمة لازمة هذو مساكن حيوانات ضعيفة شكرا

__________________________________________________ __________

>>>> الرد الثالث :

صدقيني احسدك على اختيارك للمواضيع ( الحسد المحمود ) ههههه

احنا ماعندناش اصلا نخاف منهم ههههههههه

احنا عندنا العصافير ماشي مربينهم لالا يجوا لينا وحدهم على خاطر حوشنا كبير وعندنا اشجار يجوا ياكلونا العنب هههه

وثاني في موسم الحصاد ماما دير حساب طبسي كبير انتاع قمح وتنثروا في لاتيراس يجوا كامل زواوش الجلفة لينا هههه وكي ديري اي حركة يطيروا يفكروني في الحمام الي في الدول الاوروبية الا قدرت نصورهم ونديرهم في قسم الصور هههه

شكرا على الموضوع

__________________________________________________ __________

>>>> الرد الرابع :

انا عندي عمي عمره اكثر من 90 سنة يسكن في البادية "" احنا نقولولها العرب "".........كان عندو حمار عزيز عليه احنا روحو نحاولو نركبو عليه يشوفنا والله مانسلكوها لايركب عليه احد الا هو ....................في عرس ابنه دار الحمار حشاكم في حايطة "يعني قطعة ارض حولها صور" باش الاولاد ما يزعجوش الحمار ونهار العرس الحمار ضاقت روحو بدا يصك ضرب المحراث كان مربوط بيه مات ................كي جا عمي يشوفو لقاه ميت بدا يبكي عمي ورجع الى البيت وراهو العرس الناس تضحك و......و.................هو يبكي حتى ابتلت لحيته ووقف العرس خلعنا كل الحضور من اجل الحمار وسكر على روحو في دارو رجع العرس تعزية للحمار ................ولينا نقولو عرسنا ولا حمار عمي هه

__________________________________________________ __________

>>>> الرد الخامس :

المشاركة الأصلية كتبت بواسطة ضوء الخيال صدقيني احسدك على اختيارك للمواضيع ( الحسد المحمود ) ههههه احنا ماعندناش اصلا نخاف منهم ههههههههه احنا عندنا العصافير ماشي مربينهم لالا يجوا لينا وحدهم على خاطر حوشنا كبير وعندنا اشجار يجوا ياكلونا العنب هههه وثاني في موسم الحصاد ماما دير حساب طبسي كبير انتاع قمح وتنثروا في لاتيراس يجوا كامل زواوش الجلفة لينا هههه وكي ديري اي حركة يطيروا يفكروني في الحمام الي في الدول الاوروبية الا قدرت نصورهم ونديرهم في قسم الصور هههه شكرا على الموضوع

السلام عليكم اختي أنا نحسدك غلى جو نتاع داركم نموت على الحوش والشجر والعصافير الله الله ترد الروح راني مت بالغيرة منك بدليلي السكنى أرواحي لتيبازة وسلفيلي داركم فالربيع صوريهم نستناهم غيرتيني أنا ما نخافش الحيوانات عندك نخاف من الحشرات نعيفهم أما الباقي نورمال الفيران نصيدهم ههههههههههه تقولي أنا قطة هههههه والكلبة نتاعي وقطتي هوما عينيا وضرك ولاد الكلبة حاشاك عوضوني على العائلة الكبيرة أنا عايشة أنا ويمى برك هوما عمرولي وقتي شكرا اختي