عنوان الموضوع : بدون عنوان مجتمع
مقدم من طرف منتديات العندليب

السلام عليكم ورحمة الله وبركاته
اول موضوع ليا في هاد المنتدى
اليوم جبتلكم موضوع خلوا كلشي و ارواحي معاي شوية نشوفوا بعض الناس كيفاش ايخمموا و كيفاش يت
عاملوا مع بعض المواقف
كامل نعرفوا بلي الموت حق و كلنا رايحين نفوتوا عليها مهما طال بينا الحال
اتصدمت بناس بزاف كأنهم ماش مستوعبين معنى الموت، حاسبينها مجرد لعبة .. و خلاص كلشي انتهى
و ما فكروش بلي كاين بين الحضور أم فقدت ابنها و بنت فقدت أباها و زوجة فقدت زوجها...ما أعطوا اعتبار لأ
ي واحد فيهم و تصرفوا بكل برودة قلب
و هذا بعض ما شاهدت عيني...و لم يصدقه عقلي للاسف الناس اتروح اتعزي وناس اتروح
اتاجر في الذهب وتخطب وتضحك وتاكل
مرة في الخرجة نتاع الدار تلاقينا جوارينا سلمنا عليهم وكملنا المشية
معاهم ومن بعد واحدة فيهم نطقت قاتلنا شفتو كي بغا ربي يكشفو
موتو مع مرتو الزاوجة اللي تزوجها على زوجتو
ومن بعد نطقت الثانية قاتلها ايه قاتلى جارتى فلانة والله يستاهل الموت واكثر
ومن بعد عاودت لخرى قاتلها اييه شفتى الرجال اكل كيف كيف واحد مافيهش لامان انا كون راجلى يتوج عليا
نقتلو بيديا مانستناش رحمة ربي تنزل عليه
سبحان الله الراجل ميت وهم يمنشرو فيه

للاسف هدا كثير في المجتمع نتاعنا
ربي يهدينا ان شاء الله باش نعتبروا من الموت و نتفكروا بلي لازم نكون مهيئين في أي لحظة لهاد الرحلة المجهولة الزمان و المكان ... اللي في مقدورنا هو فقط و فقط الحقيبة اللي راح نهزوها معانا... هي برك
نقدروا نتحكموا فيها واش نحطوا فيها و واش مانحطوش
)كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَا الْحَيَاةُ الدُّنْيَا إِلَّا مَتَاعُ الْغُرُورِ


اذا كان الموضوع مخالف بلغو باش يحذفوه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كل نفس ذائقة الموت

__________________________________________________ __________

>>>> الرد الثاني :

فعلا عندك الحق ونزيدك اصبحت بعض العايلات تنوع في الاكل وتعمل الطواجن والسلطات بانواعها ووووو.ناس ماتلهم الميت وعندهم الوقت ينوعو في الاكل ....سبحان الله

__________________________________________________ __________

>>>> الرد الثالث :

ابتعادنا عن الدين ولّد هذه العادات الهجينة القبيحة يلزمنا انقلاب جذري على كل العادات البالية والرجوع الى الشرع.....

__________________________________________________ __________

>>>> الرد الرابع :

النت على حق ومعك في كل حرف منذ ايام قليلة فجعت وزوجي في وفاة جدته ووفاة زوج خالتي
ورأيت من المظاهر من يندى الجبين شعرت أن القلوب بردت ولم يعد للموت معنى ولا حتى دروس تقتدى
حتى عندما يأتي الامام ليلقى الدرس تجدي النساء تجمعات بين قيل وقال وليتها موضوعات مهمة

الله المستعان

__________________________________________________ __________

>>>> الرد الخامس :

لاحول ولا قوة الا بالله