إحنا وزهرنا قضايا اجتماعية

[salima]

عنوان الموضوع : إحنا وزهرنا قضايا اجتماعية
مقدم من طرف منتديات العندليب

السلام عليكم يا جماعة كيف احوالكم ؟ شكرا على المرور
اليوم كان الجو ربيعي ختكم مريلينا راحت عند صديقتها تعمل كمصورة بقينا فالحانوت نقسرو شوية صديقتي متزوجة بقينا نحكو تجي واحد الحاجة مرا كبيرة فالسن تستنى في بنتها تتصور ولما كملت بقاو يستناو فالتصاور يخرجو أنا وصديقتي نحكو على دخولي للمستشفى سالتني العجوزة راكي مريضة وأنا نقولها في قلبي لالا راحا فواياج دونونس قلتها إيه الحاجة بدات لونكيت شكيتها كانت كوميسير زمان ولما حكيتها شوية بدات تتتحسر ومسكينة مسكينة وتعزي فيا المفيد قلتلها الحاجة معليش حاجة ربي والحمد لله زهرنا هكذا انا كملت الكلمة والعجوزة هدت فيا يا بنتي لالا إجري على زهرك كاش ما دارولك قلتلها شكون وواش دارولي قاتلي ينتي سحروك روحي إجري على زهرك وردة كيما إنت ذبلوك وبدات تهدر إنخلعت إمرأة في سنها تامن بالشعوذة وحكات على بناتها وحتى جريت عليهم زوجتهم وكانو مراض والطالب الفلاني وأنا وليت نبخر من وذنيا وليت نشوف فيها كي وردية في فيلم الطاكسي المخفي تبخرني بالجاوي يتخبلو ارجال فالقهاوي
قولولي علاه كلمة الزهر مربوطة بالسحر ووعلاه النسا يامنو بالسحر اللي تقول حماتي سحرتني واللي تقول راجلي سحروه وااللي نقول ما تزوجتش سحروني
واش رايكم يا جماعة فاللي قلتو النقاش مفتوح شكرا وتبقى مريلينا في فيلم الطاكسي المخقي ما عندهاش الزهر وردية ماتت وخلاتني بلا زهر هههههههههه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اذا كان بمفهوم الزهر اقول لكي انكي مزهرة لان الله اختار عباده المؤمنين ليختبرهم ................والخير فيما اختار الله

__________________________________________________ __________

>>>> الرد الثاني :

المشاركة الأصلية كتبت بواسطة الواثق اذا كان بمفهوم الزهر اقول لكي انكي مزهرة لان الله اختار عباده المؤمنين ليختبرهم ................والخير فيما اختار الله

السلام عليكم اخي شمرا جزيلا على المرور
والله ما راني مقلقة من المرض او نقول ما عندي الزهر على العكس راني فرحانة رغم ما اعانيه والحند لله على كل شي وكاين ناس اكثر مني انا فتهم فالسبيطار صح أنا وحدة منهم مي كاين اكثر مني بزاف الحند لله ألف مرة مي مفهومنا غحنا الجزائرييت لما ما ندوش واش نحبو نقولو ما عندناش الزهر والزهر في نظر النساء يعني السحر
شكرا ربي يخليك

__________________________________________________ __________

>>>> الرد الثالث :

عَنْ سَعْدِ بْنِ أّبِي وّقَّاصٍ رَضِيَ الله عَنْهُ قَالَ: قُلْتُ يَا رَسُولَ اللَّهِ: أَيُّ النَّاسِ أَشَدُّ بَلَاءً؟ قَالَ: "الْأَنْبِيَاءُ ثُمَّ الْأَمْثَلُ فَالْأَمْثَلُ فَيُبْتَلَى الرَّجُلُ عَلَى حَسَبِ دِينِهِ فَإِنْ كَانَ دِينُهُ صُلْبًا اشْتَدَّ بَلَاؤُهُ وَإِنْ كَانَ فِي دِينِهِ رِقَّةٌ ابْتُلِيَ عَلَى حَسَبِ دِينِهِ فَمَا يَبْرَحُ الْبَلَاءُ بِالْعَبْدِ حَتَّى يَتْرُكَهُ يَمْشِي عَلَى الْأَرْضِ مَا عَلَيْهِ خَطِيئَةٌ"
فابشري يا اختي الكريمة.و انا على يقين انك راضية بقضاء الله و قدره فما من مسلم الا و ابتلاه الله سواء كان هدا في ماله او ولده او صحته.
قال صلى الله عليه وسلم :
عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم .
عن أبي هريرة رضي الله عنه: عن النبي صلى الله عليه وسلم قال ( ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه )
اكثري من الدعاء يا اختي و ان شاء الله فان الفرج ات.فالله على كل شئ قدير و اسال الله لك الشفاء العاجل

ملاحظة.لاحظت في ردودكي انك تناديني اختي و لكن في الحقيقة انا اخوك.و لكن لاباس.ههههههه

__________________________________________________ __________

>>>> الرد الرابع :

المشاركة الأصلية كتبت بواسطة sam000 عَنْ سَعْدِ بْنِ أّبِي وّقَّاصٍ رَضِيَ الله عَنْهُ قَالَ: قُلْتُ يَا رَسُولَ اللَّهِ: أَيُّ النَّاسِ أَشَدُّ بَلَاءً؟ قَالَ: "الْأَنْبِيَاءُ ثُمَّ الْأَمْثَلُ فَالْأَمْثَلُ فَيُبْتَلَى الرَّجُلُ عَلَى حَسَبِ دِينِهِ فَإِنْ كَانَ دِينُهُ صُلْبًا اشْتَدَّ بَلَاؤُهُ وَإِنْ كَانَ فِي دِينِهِ رِقَّةٌ ابْتُلِيَ عَلَى حَسَبِ دِينِهِ فَمَا يَبْرَحُ الْبَلَاءُ بِالْعَبْدِ حَتَّى يَتْرُكَهُ يَمْشِي عَلَى الْأَرْضِ مَا عَلَيْهِ خَطِيئَةٌ" فابشري يا اختي الكريمة.و انا على يقين انك راضية بقضاء الله و قدره فما من مسلم الا و ابتلاه الله سواء كان هدا في ماله او ولده او صحته. قال صلى الله عليه وسلم : عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم . عن أبي هريرة رضي الله عنه: عن النبي صلى الله عليه وسلم قال ( ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه ) اكثري من الدعاء يا اختي و ان شاء الله فان الفرج ات.فالله على كل شئ قدير و اسال الله لك الشفاء العاجل ملاحظة.لاحظت في ردودكي انك تناديني اختي و لكن في الحقيقة انا اخوك.و لكن لاباس.ههههههه

السلام عليكم اخي الله يخليك إسمحلي الإسم سامو عند بالي طفلة خويا السماح
شكرا على مشاركتك وردك الكريم راني الحمد لله صابرة مي الناس الي يوجعو اللي يتشفى في مرضي واللي يفولي سحور مرضوني الناس ماشي المرض
خويا ربي يبارك فيك على الإضافت اللي نوروني بارك الله فيك

__________________________________________________ __________

>>>> الرد الخامس :

اهلا ميري
واش حوالك اختي واش خبارك نتمنى تكوني سافا
وي ختي العزيزة الناس تكمل على الانسان كي يكون مريض و الكل مريض سواء مرض عضوي او مرض نفسي من حسد و غل و كره و و و وربي يعافينا من الامراض القلبية و النفسية والحاجة لي جي من عند الله مرحبا بيها
اما فيما يخص السحر هههههه هذي مكاش لي ميقولهالكش يقولونا انتوما حاجة ما تخصكم و علاه مزلتو هنايا مرات نكره كي يسقسوني نقوللكم حاجة نتاع ربيييييييييييييييييييييييييييييييييييي ماعندي ما نجير مرات نكره نتلاقا مع وحد الناس نفس الكلام نفس النظرات ههههه ربي يهديهم او يهدينا يمرضو
بالشفا عليك ختي ميري
مي رانا توحشنا دقدق راه مسقساش عليا اليوم راني زعفانة ولا واش رايك ختي ههههه