عنوان الموضوع : الكنة......الرجل الجزائري بين امه وزوجتة!!!!!!!!!! من المجتمع
مقدم من طرف منتديات العندليب

السلام عليكم
من الامثال الشائعة عندالاسرة الجزائرية _الي عطى بنت ينسى رقادها_
بمعنى الي تزوجت بنت ينسى ان تنام عنده..ولكن ما نلاحظه في الوقت الحالي
ان الاية انقلبت واصبح من زوج ابنه ينساه...
المهم وعلى كل حال اخواني الكرام ان ما لفت انتباهي هو ظاهرة تغير الابن تجاه اسرته عموما
وامه بشكل خاص فور تزوجه مباشرة وهذا من ارض الواقع شهدته بل وعايش تفاصيله في اكثر من عائلة
وانا هنا امام اشكاليتين/موجه للرجال
1_لماذا ينساق الابن وراء زوجته دون تفكير ودون ان يتذكر كم عانت عائلته من اجله.بل والاسود يسمح لزوجته اهانة امه امامه
ونعت اخواته بصفات لا يحملها عقل ولا دين ولا منطق...مع تاكده بانه زوجته ظالمة
اْ_هل هو تفادي لشجاره مع زوجته وتفادي المشاكل معها على حساب امه!!!!!!!؟؟؟؟؟
ب_هل هو حب لزوجته؟ان كان كذلك فماذا عن امه وزوجته الظالمة؟
ج_هل لانه ديوث والعياذ بالله؟
...........................
بانتظار اي احتمالا اخرى من عندكم
2_لماذا تكرهه الكنة _زوجة الابن_ اخوات زوجها وامه دون حتى ان تعرفه.بمجرد دخولها تتصرف بعداء تجه اهل الزوج وكانهم اعداء لها
وان كانت من الممكن ان تكون غيرة تجاه اخواته البنات؟ فلماذا تكره اخوانه الذكور والده وامه؟؟؟؟؟؟؟؟؟؟؟؟؟
لماذا تكرهين ام زوجك ايتها الفتاة الجزائرية بالله عليكي قولي لي فقط لماذا؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وعليكم السلام اختي امينة ...والله كي قريت موضوعك حسيت بلي راكي مجروحة من طرف الكنة ...بصح نقولك اختي حاجة لو كان من الاول الراجل كي يتزوج يستقر وحده افضل من اثارة المشاكل لأنو كل واحد وطبعه وزيد تاني كاين بعض الكناين يحبو يعيشو بحرية كيما كانو في دار باباهم وكي ميلقوش الحرية يبدو يدمرو وهكدا تولي المشاكل ...الكنة كي تكون مع العايلة لازم نعطوها الحرية في حياتها ادا حبيناها تكون غاية معانا علخاطرش انا راني نشوف عكس واش قلتي اختي مع احتراماتي مي كل واحد وظروفه..والصبر في كلتا الحالتين واجب وزيد تاني لازم منظلموش بعضانا وخلاص

__________________________________________________ __________

>>>> الرد الثاني :

مشكورة الاخت رهام
ولكن صدقيني عندي الكثير الكثير من الامثال على هذه الوتيرة
ومازاد الطين بلة هو انهن كلن منفردات بمنزل خاص ولكن الاذى يلحق اهل الزوج
والله لو كانوا مع بعضاهم كوزينة وحدة ودار وحدة نتقبل انوا يكون هناك مشاكل
لكن والله العظيم اختي رهام هن بمنزل منفرد تما ما ....لكن اذاهم يصل الى اقصاه

__________________________________________________ __________

>>>> الرد الثالث :

و عليكم السلام و رحمة الله
اختي في كل مكان كاين الصالح و الطالح و في هذه الحالة مالازمش التعميم لانه كاين اللي عايشين حياة هنيئة و لله الحمد و كاين اللي حتى و هوما بعاد و المشاكل متكملش
و انا نشوف ان الدور الاساسي هو للابن يعني الزوج يحاول بذكاء انه يتفادى المشاكل بنصحه سواء لاهله او لزوجته و انا نفضل ان الشخص يستقر بعيد عن الاهل اقصد في بيت منفصل الا اذا كان الوالدين وحدهم او كان هو اللي قايم بالعايلة و الصبر الصبر الصبر في كلشي و هو مفتاح الفرج

__________________________________________________ __________

>>>> الرد الرابع :

وعلاش مانتكلموش اشوية على ظلم اهل الزوج امه واخواتاته للكنة فهدا ايضا موجود وانا شخصيا عشت هاته الحالة ولليوم راني دايرة داري وما يحبونيش وايحاولو دائما باش اتكون كاينة مشاكل بيني وبين زوجي كي ايشوفونا املاح ايغيرو ايموتو على العموم الناس اشكال الوان تاني كاين عائلات مشاء الله كي ايزوجو اولادهم يزيدو يتحابو العجوزة تعتبر حب كنتها من حب اوليدها واتحبها من قلبها ادن مستحيل الكنة تكره اعجوزة اتحبها ولا كيفاش وتاني راجع للعادات لكل عائلة وطريقة العيشة انا اؤيد وبشدة من يريد السعادة مع زوجته وكسب رضا والديه عروسته لازم من دار باباها لبيتها مباشرة البعد ايجيب العز والقرب ايجيب الكلام و لا واش رايكم

__________________________________________________ __________

>>>> الرد الخامس :

والله معاك الصح يا اخت زهور الفل على هكدا قلت للاخت امينة كل واحد وظروفه ومدام راهم عايشين في بيت منفصل ويديرو فالمشاكل معناها بلي مراهومش عارفين يعيشو حياتهم وخلاص ...انتي واش عليهم يا امينة خلوهم بعاد عليكم احسن الباب لي يجي منو الريح سدو وستريح وهني راسك