عنوان الموضوع : العودة إلى الطفولة مجتمع
مقدم من طرف منتديات العندليب

السلام عليكم يا جماعة كيف احوالكم؟ صحا رمضانكم ربي ياقبل منكم ومنا الصيام والقيام
يا جماعة لو نتناقشو على اوضاعنا الآن كشباب وكفتيات الكل يوافقني إنو الناس واحوالهم تبدلو وكل شي رجع صعيب الثقة ماكانش والإخلاص رجع عملة صعبة وتعب الدنيا تعبنا وعيينا كلنا كبار وصغار وإحنا بانفسنا تعبنا رواحنا لأانو نجرو مور امور تافهة ونجرو مور متاع الدنيا لانو المجتمع والناس فرضو علينا نسايرو الوقت لأانو لو ما تاكلش ياكلوك لو ما تجريش على خبزتك يدوهالك ولو ما تكونش واعي وقادر على شقاك الناس يشوفوك غبي
بعد التعب هذا هل مرات تشتاقو ليمات الطفلوة تشتاقو للبراءة تشتاقو للنفس الطاهرة اللي في داخلكم وإنتم اطفال اكيد لازم نكبرو لكن كبرنا في جيل صعب علينا الحياة وممكن البعض منا كرهها لأنو الحلاوة نتاعها راحت خلاص
أنا يمات نتوحش طفولتي وماشي مرات دايما ماكناش نعرفو الحيلة اللي حتى ما يعرفهاش الناس يعلموهالو نتوحش الكونفيونس الي كنا دايرينو وحتى ما نعرفو كلمة كونفيونس اللي جا نروحو معاه نشرو حلوة والجار ندخلو دارو نلعبو مع ولادو الذكور الآن محال الصراحة انا كبرت وندمت وإنتم اللي في قلبو حسرة يقولها واللي فرحان لانو كبر يقولنا ممكن نلقاو عندو امل للسن نتاعنا ولحياتنا النقاش لكم صحا فطوركم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

المشاركة الأصلية كتبت بواسطة مريم الصابرة
وعليكم السلام ورحمة الله وبركاته


ومن لا يحن لطفولته ؟؟................البراءة ولا مشاكل ولاهم يحزنون هه

__________________________________________________ __________

>>>> الرد الثاني :

المشاركة الأصلية كتبت بواسطة الواثق
ومن لا يحن لطفولته ؟؟................البراءة ولا مشاكل ولاهم يحزنون هه

السلام عليكم اخي الواثق كيف الحال؟
اكيد الطفولة عندها طعم خاص قولي هذاك إنت اللي فالصورة صحا فطورك

__________________________________________________ __________

>>>> الرد الثالث :

المشاركة الأصلية كتبت بواسطة مريم الصابرة
السلام عليكم اخي الواثق كيف الحال؟
اكيد الطفولة عندها طعم خاص قولي هذاك إنت اللي فالصورة صحا فطورك

ههه نعم كانت صارعتني الشمس كنت سنة 4 ابتدائي

__________________________________________________ __________

>>>> الرد الرابع :

المشاركة الأصلية كتبت بواسطة الواثق
ههه نعم كانت صارعتني الشمس كنت سنة 4 ابتدائي

السلام عليكم خويا ههههههههههه الله يبارك كنت طبوز سمين هههههههه ربي يحفظك خويا إن شاء الله الصولا ملاح يبقاو ذكريات والله شابين هايلين الله يبارك

__________________________________________________ __________

>>>> الرد الخامس :

انا احب اعيد طفولتي مع اولادي
انا كثير ااحب المستقبل واحب اكتشاف معنى الامومة يارب يرزقني الزوج الصالح والذرية صالحة واعرف الامومة بحلاوتها وصعوبتها مع تربية الاطفال . اعشق الاطفال حتي الجنون .