عنوان الموضوع : تفشي ظاهرة تعدد الزوجات بالجلفة تم الحل
مقدم من طرف منتديات العندليب

بسم الله الرحمان الرحيم

صحا يا جماعة تعدد الزوجات في وقتنا هذا ولا ظاهرة كبيرة و ماشية ياسر بين الناس و عندها اسباب كثيرة بصح الواحد ماعادش فاهم علاه هاذ الشيء قع؟
اللي يقول ماني زاهي في حياتي و اللي يقول مرتي مجابتليش الذرية و اللي يحوس على خلفة البنات و اللي يحوس على الذكورة و اللي عشق وحدة و حاس باللي حياته كاملة عقبها تعبان مع انه كان عايش احسن عيشة و اللي عشقت في واحد قد بيها و اللي تحوس على الدراهم و اللي و اللي و اللي .....
انا اللي حابة نفهموا علاه الناس ماعادش تخمم قبل لا تضر انفسها ولا بعضهم البعض
علاه الراجل ماعادش يحس بمرته ؟ و علاه المراة ماهيش حاسة براجلها ؟ و الاهم علاه الوالدين ماهمش حاسين بولادتهم ؟و خصوصا الاباء باعتبار انهم هوما اللي يعاودوا في الزواج؟
المشكلة انه ماكانش اللي راه حاس بهاذ الاطفال و المراهقين و الشبان و الشابات اللي يتاثروا بحاجة كيما هاذي و الكل حاب يعيش حياته
هو صح ربي حلل في الشرع اربع زوجات بصح ثاني ربي قال في كتابه فيما معناه شدوا نساكم بالمعروف ولا سرحوهم باحسان ،ربي مقالش اظلموهم معاكم ، ربي ماقالش عذبوا ولادتكم و زوجاتكم
علاه مايحاولش كل راجل عنده مشكلة انه يتفاهم مع زوجته ؟علاه ما يقويش ايمانه بدل ما يلجا للحرام و مباعد يقول لازم نصحح خطئي ؟ و الاهم هاذ البنات اللي راهم طايحين على رجال متزوجين علاه مايديروش لروحهم كرامة و يحافظوا على شرفهم و دينهم و يرضاو باللي كتبهالهم ربي
ولا لازم يعفسوا على بنات جنسهم ؟ لوكان تكون هي في بلاصة الزوجة الاولى وش تحس؟ تقبلها على روحها ؟ بصح خسارة مهما قلت و هدرت في هاذ الموضوع ما يفهم فيها الواحد والو
علابالي كثرت عليكم الهدرة بصح ماذابيكم تشاركوني بآرائكم لانه هاذي صح مشكلة ستاهل الواحد يعطيها من وقته و يحاول يفهمها

و السلام عليكم و رحمة الله تعالى و بركاته



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

إنــّها طبيعة كلّ الرّجال
الكل يرغب في الزّواج بأكثر من اثنتين
والكلّ يتحجــّج بأتفه الحجج
والكل لم يجد عشاء ليلة مع زوجته وأولاده ويقول بأنـّه يرغب في الزواج ثانية لأنــّه يستطيع التــّوفيق بينهما أو بينهنّ

****
إذن فمن تتزوّج تقتنع أوّلا بفكرة التـّعدّد ثمّ تقبل أو ترفض الزّواج لكي لا تندم مستقبلا
Bonne Continuation


__________________________________________________ __________

>>>> الرد الثاني :

شكرا على اهتمامك بالموضوع اختي دموع الحياة

__________________________________________________ __________

>>>> الرد الثالث :

استسمحكم بهذه المداخلة البسيطة:
قد أباح الله تعالى للرجال تعدد الزوجات حيث قال الله تعالى في كتابه العزيز : ( وإن خفتم ألا تُقسطوا في اليتامى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا ) النساء/3 .
وليُعلم أن التعدد له شروط :1- العدل 2- القدرة على الإنفاق على الزوجات
ومن حكم تعدد الزوجات:

 1-التعدد سبب لتكثير الأمة 2-تبين من خلال الإحصائيات أن عدد النساء أكثر من الرجال ، فلو أن كل رجل تزوج امرأةً واحدة فهذا يعني أن من النساء من ستبقى بلا زوج ، مما يعود بالضرر عليها وعلى المجتمع 3- من الرجال من يكون قوي الشهوة ، ولا تكفيه امرأة واحدة ، ولو سُدَّ الباب عليه وقيل له لا يُسمح لك إلا بامرأة واحدة لوقع في المشقة الشديدة ، وربما صرف شهوته بطريقة محرمة4-التعدد ليس في دين الإسلام فقط بل كان معروفاً عند الأمم السابقة 5-وقد تكون المرأة من أقارب الرجل ولا معيل لها ، وهي غير متزوجة ، أو أرملة مات زوجها ، ويرى هذا الرجل أن من أحسن الإحسان لها أن يضمها إلى بيته زوجة مع زوجته الأولى ، فيجمع لها بين الإعفاف والإنفاق عليها ، وهذا خير لها من تركها وحيدة ويكتفي بالإنفاق عليها .
ذكرت أن على من ستكون زوجة ثانية أن تضع نفسها مكان الأولى كذلك فلتضع الأولى نفسها مكان عانس تحن إلى العيش في كنف رجل يسترها مثل باقي البنات
ويبقى على الزوجة الصالحة أن ترضى بحكم الله وعلى الزوج الصالح أن لايتعسف في إستخدام هذا الحق
وتقبلوا تحياتي


__________________________________________________ __________

>>>> الرد الرابع :

شكرا على الطرح الرائع و الحساس الذي يمس بسكان و لايتي الحبيبة

__________________________________________________ __________

>>>> الرد الخامس :

الجواب الشافى هو هنا فى طرحك للموضوع

" و الاهم هاذ البنات اللي راهم طايحين على رجال متزوجين علاه مايديروش لروحهم كرامة و يحافظوا على شرفهم و دينهم و يرضاو باللي كتبهالهم ربي
ولا لازم يعفسوا على بنات جنسهم ؟ لوكان تكون هي في بلاصة الزوجة الاولى وش تحس؟ تقبلها على روحها ؟ بصح خسارة

مهما قلت و هدرت في هاذ الموضوع ما يفهم فيها الواحد وا"لو