عنوان الموضوع : يرحم والديكم عاونوني رايحة نهبل تم حل المشكلة
مقدم من طرف منتديات العندليب

السلام عليكم ورحمة الله وبركاته
*نحن اربع بنات وابي وامي الله يحفظهم عندي اختي الثانية ديما تحس بالنقص والكره منا نحنا وخاصة من ماما الله يخليهالنا اختي هذي الثانية تكره اسمها بالرغم من اسمها فاطمة وهو اسم بنت الرسول صلى الله عليه وسلم وتقول لماما وعلاش سميتيني بهذا الاسم الغير لائق هي عمرها 18 سنة وتقرا في الجامعة سنة ثانية بيولوجيا . ما نقدرش نوصفلكم المعاملة اللي يعاملوها بيها بابا وماما اي حاجة تطلبها كاشتا من آخر الدنيا يجيبوهالها وتاني هي تغير من اختي الكبيرة
* ثاني حاجة المهمة هي انها تشتم ماما يعني كيما نقولوا نحنا تسبها وحد السب واحد ما يقدر يسمعو ولا يهدروا ضرك حبيتكم تدبروا عليا وتقولولي وش ندير ليها قريب نجن ونهبل ماما ليل ونهار وهي تبكي وما تقولش لبابا الامور اللي تقولهملها اختي هذي ماما راي مرضت من اختي بلييييييييييييييييييز عاونوني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سمحيني على الكلمة اختي

لكن اختك لازملها اعادة تربية ...مش ممكن انها تكون متعلمة وتقرا فالجامعة ومثقفة وتقوم بامور كيما هكذا

يجب ان تكون التربية قبل التعليم


__________________________________________________ __________

>>>> الرد الثاني :

يا أختي شيراااااااااااااااااااااااااااز والله عيينا ماما كون تشوفيها ضرك والله غير تبكي وكلامك راهو صحيح اختي

__________________________________________________ __________

>>>> الرد الثالث :

اختي شيراز انت عندك ***** خلي نتكلم معاك شوية

__________________________________________________ __________

>>>> الرد الرابع :

المشاركة الأصلية كتبت بواسطة لميس 28
يا أختي شيراااااااااااااااااااااااااااز والله عيينا ماما كون تشوفيها ضرك والله غير تبكي وكلامك راهو صحيح اختي

علاش تبكي امك ..والله امر محير ما وصلنا اليه ..انا لوكان نعلي صوتي على امي تقطعلي راسي تعبير مجازي..لكن فيه طرق اخرى ممكن تغضب مني وماتكلمنيش وحتى تستطيع انها تضربني ..هي امي ومن حقها هذا ....وكي ماقدرتش عليها امك علاش ماخبرتش ابوها ربما عندو حل معاها

ياك راهي بنت والبنت ضعيفة حسب رايي مشي كيما الولد يدير رايو


__________________________________________________ __________

>>>> الرد الخامس :

حبيت تسقسيك برك ، الاب وين راهو الدور نتاعو ، ما يزقيش عليها كامل ، لازم الاب اهنا يتدخل ...بالاك الطفلة راهي تشوف في روحها حاجة ناقصة فيها بالنسبة ليكم ... تقبلي تحياتي