عنوان الموضوع : ما فهمتش عقليه زوجي ؟سؤال موجه للرجال خاصة...
مقدم من طرف منتديات العندليب

السلام عليكم اخواني في الله

اردت ان استشيركم بخصوص امر مهم ..مند 10 ايام تقريبا حدث مشكل بيني و بين عائله زوجي بسبب سبي من طرف اختي زوجي بكلمات نابيه و وقف اب زوجي و زوجي معي لعلمهم بالظلم الدي اتعرض له من طرف حماتي و بناتها من سوء معامله ...الخ المهم زوجي الان يعلم جيدا انه يستحيل ان ابقي معهم في نفس البيت او على الاقل نفس الكوزينه و اوصلني ارى ليت اهلي و قال لي ابقي هنا حتى اشتري لوازم متل فريجيدار و طابونة لانك حامل و يجب ان تتغذي جيدا و حالتك الصحيه متدهورة بسبب القيء و الوحم

انا اليوم في بيت اهلي و زوجي لا يتحدث ابدا عن الموضوع و يتناساه متلا البارح راح للبحر عادي جدا ورغم ان ابوه نصحه بكراء منزل لانه يحبنا و يريد راحتنا انا و ابنه و طفلنا القادم

لكن سي زوجي قاعد يماطل يماطل و مادار والو ..و زيد ميش حاب يكري رغم انه مقتدر ماديا و مبذر لاقصى درجة يشتري اشياء تافهة باغلى الاموال و لا يفكر ان يدخر النقود لشراء بيت و يائس انه يكون عندو بيت

صرف اكتر من 240 مليون لترميم بيتهم و الدار ميش دارهم دار جدو والاعمام و زوجاتهم و اولادهم و العمات عايشين معانا الفوق و التحت كي الباطيمه و كل يوم مناوشات و صاري الباطل بيناتهم على اتفه سبب وواحد ماهو مداير مستقبلو ولا دارو

انا عييت من هاد المعيشه ...و خايفة لا نكمل حياتي كيفهم و مستحيل نربي ولادي مع ناس كيفهم و هو قاعد يتمسخر مادارلي حتى حل رغم انو متاكد من الحقيقة و فاهم كل شي

كل يوم يجي يديني من الخدمه و يزورني و كي نجي نحكي معاه يقميني على هاد الموضوع و قاعد يهرب من المشكل انا حاباتو يكري باه نستقلو و نعيشو مستراحين بالمودة و الرحمه و نربي وليدي كيما راني حابه على الخلق و الدين و باه يتعلم يتحمل مسؤوليتو شوي يبركا ما يفسد في الدراهم في الاوريجينال و العطور و التحواس و كرشو و التفاهات


ارجوكم ربي يستركم خاصة الرجاﻻ دبروا عليا وش ندير و كيفاه نتعامل معاه راني حايرة

خاصة الرجال لانكم تفهموا بعضكم

و اجركم على الله ادعولي بالفرج عاجلا و ليس اجلا



اخوتي راهو عيطلي و بدا يدير في لي بروبلام و قالي بركيت ما نشريش وش قتلك انا ما نصرفش على زوج ديار

راهو حبسلي راسي و شوكاني و الكارثة انو هدر توال الاب تاعي و ابي كل يوم يسقسيني وواش دار فيها

وش ندير


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لازم نتي تكوني صارمة شوي
قوليلي حابة داري وحدي


هو بالاك مش حاب يخلي يماه و متردد بصح نتي قوليلي نحب نعيش هانية فداري و ولادكم فالمستقبل ان شاء الله


و ربي يصلح لحوال

__________________________________________________ __________

>>>> الرد الثاني :

اختي لازم تكوني صبورة قادر هو يكون يخمم في كاش حل ونتي ما علابلكش انا امراة متزوجة ونعرف بلي الرجال كتومين بزاف تكلمي معاه غير بلعقل او لحنانة او راح توصلي لشيء الي بغيتيه الرجال ما يحبوش المعاندة و خشانية الراس قوليلو مالاويتش الدواس او المشاكل بلاخص كي راكي حامل القايلو سبب او سبب او سبب مي كلش بالحيلة ردي بالك تخرجي على طوع راجلك وباذن الله تتحل مشكلتك

__________________________________________________ __________

>>>> الرد الثالث :

rabi yehawan 3lik nechalah

__________________________________________________ __________

>>>> الرد الرابع :

السلام عليكم

انا دوما في هاته المشاكل اتساءل اين دور الاولياء

من الافضل ان يتكلم معه اباك اواخوك الاكبر

واكييييييد انتي حاولي دائما تناقشيه في الامر

ربي يصلح الاحوال

__________________________________________________ __________

>>>> الرد الخامس :

المشاركة الأصلية كتبت بواسطة sali-sali
السلام عليكم

انا دوما في هاته المشاكل اتساءل اين دور الاولياء

من الافضل ان يتكلم معه اباك اواخوك الاكبر

واكييييييد انتي حاولي دائما تناقشيه في الامر

ربي يصلح الاحوال



لا اريد تكبير الامر الى ان اخبر ابي لاني اخاف من تكبير المشكله

شكرا حبيبتي