عنوان الموضوع : مشكلة اختي مشكلتي
مقدم من طرف منتديات العندليب

السلام عليكم
مشكلة اختي هادي و نحكيها من الاول و ياريت تعاونوني
تعرفت اختي "عمرها 24 سنة و تدرس مات انفورمتيك "على واحد اسباني "26 سنة " كي زرنا دار جدي فالمغرب من عامين و من داك الوقت و هي تحكي معاه ليسونسيال انا و امي نصحناها تبعد خير ليها بصح هي راسها يابس حتى الطفل هذا جا للدزاير شحال من مرة على جال يشوفها ليسونسيال مبعد اكتشفت بللي راهو من هاذوك اللي ماعندهمش ديانة " ملحد ولا كيفاه يقولولهم " بعدت شوي مبعد رجع يعيطلها و..
ومبعد حاب يخطبها جات امو و هي مغربية عايشة في اسبانيا حكات معاها بصح مستحيل على خاطر ماهوش مسلم و بعد مدة "شهرين و نص " رجع و اسلم هنا فالجزائر و رجعت أمو حكات معاها .قالت اختي للطفل هذا اختي احكي مع بابا ليسونسيال كي بابا كي خاوتي رفضوه رفضا تاما حتى بابا قالها لوكان تدي هاذا ماكيش بنتي على خاطر هذا قلتيلو ادخل الاسلام ماشي قلبو اللي اقتنع و مانمدش بنتي للاسباني و الحضارة و التقاليد و كيفاه تعيشي و شوفي كيفاه لابس و موشم و.. و..و..و.. اختي و الطفل هذا راح يمرضونا هو ماحبش يروح و يخطينا لصق كي المرض " مايعرفش حتى يهدر العربية مليح ؟؟"
و هي مالقيناش معاها حل مرة تقول ننتحر و مرة تقول نروح معاه كل مرة كيفاش. ديناها للراقي ماكان ديناها للطبيب ماكان تقول هبلها و لا نومها مغناطيسيا ماعلابالهاش غي روحها واش تدير و امو مرضتنا كرهتنا في حياتنا تعيط لامي و تقولها واش دارت بنتك لولدي راه هبلو ماحبش يرجع للدار و سحرتوه ...
في دارنا مابقاش معيشة من المشكل هذا بابا ديما يتقابض مع ماما يقولها ريقلي بنتك لا نقتلها و خاوتي راح يهبلونا انا و هي و اختي الصغيرة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

3ilaj nta3 problm howa
min bnt rahi haba wald wbabaha ma9blch
mn b3d mardat hadi tafla w..étt
tsafi rahi haba tatjawz b wald
wlaho a3lam
خويا هادا هو تخمامي شوف بلاك يعرفوا خير مني في ردود
+@

__________________________________________________ __________

>>>> الرد الثاني :

في رأيي زوجها و تهناو منها

خير من ديرلكم كاش فضيحة في الدار

راهي كبيرة و مسؤولة على أراءها

كي تعيش معاه اي تفيق لعمرها

__________________________________________________ __________

>>>> الرد الثالث :

سبحان الله و هل اطلعوا على قلبه و رأوا إن كان إسلامه صادقا أم لا ؟ لعلكم كنتم سببا في دخوله الإسلام و هدايته فلا تكونوا سببا في رجوعه إلى إلحاده
مادام أسلم فهو يحل لها ، سبحان الله أيهم أحسن أن تتزوجه و تتحمل كامل المسؤولية أم تهرب و تجلب لكم العار أو تنتحر ؟
ملاحظة : لا تقولوا تعاطفت معه لأن فيه دما قد يكون أندلسيا



__________________________________________________ __________

>>>> الرد الرابع :

شكون سحر شكون .... حلها لازم تزوجوهم و هوما يدبروا راسهم

__________________________________________________ __________

>>>> الرد الخامس :

الحداثة حلها باين زوجوهالو خير ما يكبر المشكل وتعودو في حوايج أخرى لا قدر الله ما تلقاولهاش حل أفرضي راهي دارت في روحها كاش حاجة ممباعد باباك كيفاش راح يعيش مع عذاب الضمير وكيما قال الأخ وليد راهي كبيرة وتعرف ما يصلح بيها معادش تحتاج شكون يوجها وفي الأخير هاذي مجرد آراء لأنه الحاجة الكاتبة راح تصرا