عندي بزاف ما دخلتش للمنتدى وما شاركتش ...ولكن اليوم ومنذ حوالي نصف ساعة كنت اتجول مع بعض الاصدقاء ورأيت منظرا والله غير قعد في راسي ...عليها حبيت نكتب موضوع
شفت ثلاث اطفال ظهرلي انهم اخوة اكبرهم لا يتجاوز ربما عمره ال12 والاصغر ربها 8 سنوات يحملون حقيبة وثيابهم ممزقة ... توقفو عند احد اعمدة الهواتف العمومية ويستنشقون الغراء الذين وضعوه في اكياس حليب والله تشوف منظر محزن جدا والادهى ان الناس لي يفوتو يقعدو يضحكو
ولي ما قدرتش نحملها جازت عليهم سيارة درك وطني وشافوهم عادي حتى انهم ما توقفوش ولا قامو بأي شيء بقو متفرجين كما كنا نحن منتفرجين
حبيت نفهم هادو اذا اوليائهم سمحو فيهم والا متوفيين ... ما يستحقوش الرعاية من الدولة ... لوكان ما شفتش بعيني سيارة الدرك والله مانكتب هاذ الموضوع ... حتى كانت معهم دركية أليس هذا ضمن اطار عملهم ؟
على العموم ربي يفرج عليهم ويصلح احوالهم
سلام
وين راهي رعاية وحماية الطفولة ؟ من قضايا الساعة
رد مع اقتباس
