من قال انهم لا يشعرون ولا يفهمون مجتمع
عنوان الموضوع : من قال انهم لا يشعرون ولا يفهمون مجتمع
مقدم من طرف منتديات العندليب
السلام عليكم ورحمة الله تعالى وبركاته
قال الله عز وجل في كتابه الكريم يقص علينا اروع وجمل القصص فعلا من القصص القرئانية قصة سيدنا سليمان عليه افضل السلام والهدهد والنمل
ذلك خير دليل على ان الحيوانات تحس وتفهم كل شيء وتتكلم بينها سوى ان الانسان لا يستطيع فهمها
هل لديك حيوان أليف في منزلك ؟ هل تحب الحيوانات
انا شخصيا اعشق الحيوانات وخاصة القطط كنت املك هرا صغيرا يا سبحان الله يفهمني وانا احس بذلك لدرجة انني في مرة من المرات توسوست قلت بالاك به مس لاني كي نقوله امشي يروح ههه حطيت الرقية ونشوف معاه نلقاه قعد وبقا يستمع ههههه
ايضا وبطريق الصدفة جاب خويا الصغير كناري بيضاء كنت معارضة لهذا قتلوا انا منحبش الطيور في القفصوبعد مرور الايام تعودت عليها خاصة انا اللي نضفلها ونبدللها الماء والاكل شيئا فشيئا تعودت هي عليا وليت منخليهاش وحدها نجيبها للغرفة معي وين نرقد في الصباح ساعات نتأخر في النوم تولي تزعق وحد الصوت خلاف التزفار وتشوف نعايا ههه قتلك نوصي يا راقدة كي نفطن تحبس وتشوف معايا تقول راهي عبد تهز راسها وتشوف والان وانا اكتب الموضوع راهي فوق كتفي تشوف مع الميكرو ومعايا هههه حتى انني عندما نحطلها الاكل نخبط بصبعي على مكان الاكل تهبط طول تاكل تفهم
والشيء اللي حيرني كي تشوفني حزينة تقرب لجهة القفص وتبقى ساكنة وقريبة مني يا سبحان الله ويا ولي لوكان قربت للقفص تجبدلي شعري وتلعب بيهيا الحنونة يا الحنونة سبحان الله حيوان رقيق ويحس
وانتم هل تحبون الحيوانات ؟ ام لا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مرات الحجر والشجر نحسو بيه ويحس بنا .................والحيوان يألف بطبعه الذي يخالطه كثيرا والذي يوفر له الاكل والمشرب والدفئ...............
تذكرت هذا المقطع
https://www.safeshare.tv/w/wHtKbBBgxf
__________________________________________________ __________
>>>> الرد الثاني :
فيديو مؤثر جدا جدا
__________________________________________________ __________
>>>> الرد الثالث :
السلام عليكم
موضوع رائع بارك الله فيك ربي يخليلك القطة والكناري ردي بالك تاكلها القطة
انا عندي قطتي وين نروح تروح معايا ولما نحكي معاها تفهمني كيما قتطتك وندوشلها وعندها سلاك صغير لشعرها نحبها بزاف نحسها جزء مني ولما كنت فالسبيطار قتلهم خلصولها طاكسي جيبوهالي نشوفها ويا ويلهم وصيت على اكلها وعلى تدواشها والله اختي لما نكون مريضة ونبكي من الوجع تجي تقعد قدامي وتحك راسها عليا كاللي تقولي اسكني يا الحنونة والله نحبها بزاف
وزيد كانت عندي كلبة ولدتلي 10 جراو الله يبارك كامل سميتهم وتهليت فيهم وكبرتهم شويا حد وين المرة اللي فاتت كنت مريضة بزاف مديتهم وليد عمي يتهلى فيهم كنت مريضة اا مدهم وباعهم بكيت عليهم من قلبي وبقاولي تصاورهم برك كي نتفكرهم نبكي تقولي ولادي تودرولي وااااااااااااااااااااع الله لا يربحو وليد عمي قتلو قدام ربي ما نسامحكش وخضني فيهم
انا نحب الحيوانات ومن مدة لقيت كلب مريض جبت و للدار عالجتو وسمنتو شويا ايا طلقتو راح نحب نربي الحيوانات حاجة اكيدة.
__________________________________________________ __________
>>>> الرد الرابع :
المشاركة الأصلية كتبت بواسطة مريم الصابرة 
السلام عليكم
موضوع رائع بارك الله فيك ربي يخليلك القطة والكناري ردي بالك تاكلها القطة
انا عندي قطتي وين نروح تروح معايا ولما نحكي معاها تفهمني كيما قتطتك وندوشلها وعندها سلاك صغير لشعرها نحبها بزاف نحسها جزء مني ولما كنت فالسبيطار قتلهم خلصولها طاكسي جيبوهالي نشوفها ويا ويلهم وصيت على اكلها وعلى تدواشها والله اختي لما نكون مريضة ونبكي من الوجع تجي تقعد قدامي وتحك راسها عليا كاللي تقولي اسكني يا الحنونة والله نحبها بزاف
وزيد كانت عندي كلبة ولدتلي 10 جراو الله يبارك كامل سميتهم وتهليت فيهم وكبرتهم شويا حد وين المرة اللي فاتت كنت مريضة بزاف مديتهم وليد عمي يتهلى فيهم كنت مريضة اا مدهم وباعهم بكيت عليهم من قلبي وبقاولي تصاورهم برك كي نتفكرهم نبكي تقولي ولادي تودرولي وااااااااااااااااااااع الله لا يربحو وليد عمي قتلو قدام ربي ما نسامحكش وخضني فيهم
انا نحب الحيوانات ومن مدة لقيت كلب مريض جبت و للدار عالجتو وسمنتو شويا ايا طلقتو راح نحب نربي الحيوانات حاجة اكيدة.
ههههههههه اها قطي مسكين مات منيش مربيتهم مع بعضاهم كون او كلاها وخلص هههه
والله الحيوانات نحبهم بزاف والخيول كذلك نوت عليهم نروح ديما لمعارف لنا ونشوفهم والكناري ديتها معايا هاد العامين كي نروحوا في العطلة الصيفية لجيجل هههههههههههههه موحال نأمن عليها عند عيد لانه اكي تعرفي العايلة كل تروح
ربي يخليلك لقطيطة ان شاء الله
بارك الله فيكي على الرد شكرا جزيلا
__________________________________________________ __________
>>>> الرد الخامس :
بارك الله فيك موضوع جميل............ذكرتيني بنعجتي في صغري.....كانت أحبها كثيرا و هي كانت تحبني اكثر و اليوم اللذي بعناها بكت.......لانها لا تحب مفارقتي.....و لا تاكل الا اذا أطعمتها أنا.......و الله العظيم بكت النعجة......عندما اتذكر ذالك الموقف اتحسر حيوان و يحس مثلنا.....
رد مع اقتباس
