عنوان الموضوع : كيف اكره او انسى من احببته ثم تخلى عني تم الحل
مقدم من طرف منتديات العندليب

قصتي اختصرها لكم بايجاز هناك بنت احبتني و احببتها حتى النخاع و نويت الزواج منها طبعا بعد موافقتها و ضحيت من اجل تحقيق هذا الحلم ولما اوشك على التحقيق رفضت هذه البنت الزواج مني وتغيرت معاملتها اتجاهي و جعلتني احس انها فعلا لاترغب في غير انني لم استطيع هضم هذه التصرفات و لم استطيع الابتعاد عنها لاني احبها بصدق رغم تصرفاتها الاستفزازية فهل استطيع ان اكرهها او انساها وما هي الطريقة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

باين عليك حبيت ها صح .وبلي اول مرة تحب.....نقلك اذا قيمت الحاجة اكثر من اللي تستاهل تقتلك وتودرك من حالك ......وتولي انت بالذات بلا قيمة ...لازمك موقف جدي منها وانمت اللي تعرف مصلحتك
على بالي بلي هدا الشي صعيب واذا بقيت تقول انو صعيب ما عمرو ما يتبدل
اما اادا خليتها في بالك برك باش تقول لنفسك انك راح تكون خير منها ونلقى للاها الي خيرمنها ..هنا صحتلقى روحك تتحرك
شغل روحك باي حاجة
دير في بالك اولا لازم تفكر وتبدى باش تنساها ومتفكرش فيها لانك توحشتها
شغل روحك بجماعة من الصحاب امشي معاهم واسهر معاهم و و و وعلاش لالا منتدى الجلفة كاين ولا واش ؟*
كثر من الكلام مع اصحابك وعائلتك ونكت معاهم واضحك ولازم تحاول كل مرة تضك ...صدقني هذا الشي نفس الروح
والاهم ماجيبش سيرتها والا حاجة تفكرك بيها .مؤقتا
وماننساش نوصيك من اي محاولة في اي مصادقة فتاة اخرى بهدة الفترة لان افكارة لاتزال مشوشة
وانشاء الله نسمعو اخبار طيبة عليك

__________________________________________________ __________

>>>> الرد الثاني :

شكرا اختي على نصائحك القيمة ولكن اذكرك ان عمر حبي لها طويل ولا يمكن نسيانه بهذه السهولة بل سبق لي ان حبيت حبين قبل الزواج مدة كل منهما 06 سنوات ولكنهما باءا بالفشل

__________________________________________________ __________

>>>> الرد الثالث :

انا اسمحلي بصح بقاتلي حاجة وحدة نقولهالك نتا ماراكش نورمال ياعمو بقاتلك وحدة من الزوج ياتروح ترقي وتجري على روحك ماشي موحال راك مدوزي يا تروح للطبيب النفسي بالاك عندك مشكل نفسي و الله والله ماقصدي نجرحك بكلامي هذا والله حابة مصلحتك و مصلحة ولادك و مرتك والله راني دايراتك في بلاصة بابا و راني حاطة روحي في بلاصة بناتك وربي شاهد بلي مشكلتك دايما نفكر فيها و ندعيلك في الغيبية بصح باه تكون في هذا السن و ربي منعم عليك بكامل هذوك النعم المرة و الاطفال و الرزق الله يبارك و تروح تذل روحك لوحدة ماتجيش مامبا في مقام ظفر مرتك و تقولي بلي راك نورمال انا منامنهاش هذي .................
قولي الصح الصح و بالمنطق فهمني اذا كانت عندك النية باه تنساها مستحيل تسقسينا كيفاه و انت ادرى كيفاه تنساها دير النيف و اتفكر بلي خاينة و لعابة و بلي انت في سنك هذا المفروض تكون عندك اولويات و اهتمامات تنسيك حتى باه تخمم في عمرك لا حتى تخمم فيها يا عمو الواحد راهو يكبر ماشي يصغار و مذبيه يزيد يتقرب من ربي و يرضيه و يلم ولادو من حولو باه يصبهم في كبرو ماشي اخر سبولة قطع صباعو شحال و انت تكبر و تربي و شحال و انت القدوة ليهم و الامان ليهم و الشخصية القوية الي يضربو بيها المثل و يفتخرو بيها في الاخير و بسبب نزوة تخسر كامل صورتك قدامهم و تخليهم يشوفوك ظلمة يا عمو افطن افطن لروحك ولا راهي عاجباتك روحك و انت في هذه الحالة من الضعف و الاستكانة اسمع كلام الله تعالى و افهم هذه الاية "لا يغير الله ما بقوم حتى يغيروا ما بأنفسهم " لوكان متنويش نتا بينك وبين روحك و بينك وبين مولاك تبدل حياتك للاحسن و تردها كيما كانت و لا خير و الله ماكان حتى واحد في هذي الدنيا يقدر يبدلهالك حتى واحد و لا حتى حنا يا لوكان ننصحوك ليل و نهار ................................ علاه راك حاصر حياتك في هذ المشكل افطن وشوف النعمة الي راك فيها قبل ماتروح منك و تولي نادم ................................ و في النهاية نقولك زيد اتقرب من ربي كثر من هكا و ارقي رقية شرعية عند الامام و ربي يهدينا و يهديك يا رب ........................

__________________________________________________ __________

>>>> الرد الرابع :

ظوكا اذا كيما راهي تقول دانا و, انت مزوج و راك تحب في وحده ...

الله يهديك آ عمو ,,

روح للجامع اتوضى و صلي زوج ركعات و ادعي ربي يرجعك للطريق الصواب

و مانستغربش أنها بدلت معاملتها معاك ,,

نورمال عادي جدا قع

الي مافيهش خير في دارو ,, مافيه خير في حتى واحد ,,

و الي بمرتو وولادو ,, راح شاف في وحدوخرا ,, والله يستاهل واش يصرالو

مع احتراماتي

عموما

ربي يهدي الجميع ,, و الله يصفي القلوب

__________________________________________________ __________

>>>> الرد الخامس :

ضننتك مراهقا او شابا تذوق الهوى......وعلاه تفكرني بعمر العلاقة والعلاقات الاخرى ؟؟واش تقصد نقلك لازم تشد فيها وتحللها وتبعها وتهبلها ؟؟؟ كيما نسيت الاخريات انسى هديتاني ........وبصراحا يعطيها الصحة هدى الطفلة عرفت صلاحها.........................وفي رايك علاقة من هدا النوع واش تسميها ..انا في بالى حاجة؟