عنوان الموضوع : راني خايفة اعطوني رايكم
مقدم من طرف منتديات العندليب

السلام عليكم واش راكم والله راني حايرة بزاف انا اتخطبت من شهر تقريبا والان راني نتكلم مع خطيبي فالهاتف وظهرلي انسان مليح المهم انا من فترة غيرت رقم الهاتف انتاعي على جلوا لخاطر ماشي شبكة وحدة المهم هو يعرف الرقم القديم انا نحيت لبيس الاولى وعدت نهدر معاه بالجديد في هادو الايام اتصل بيا وقالي عندك 2 تليفونات وانا ماشي تاع تمسخير وهكدا ومخلنيش اندافع على روحي انا تخلعت وقتلوا كيفاش قلي متكذبيش عيطتلك البارح وسوناو لزوج انا غضتني عمري ومقدرش ومبعد قتلي اعطيني نومرو الي عيطت فيه سبتوا ماشي نمرويا اقلب نمرو تالي يعني هو الغالط والله راسي حيحبس يعني اتهمني على باطل وقالي هذي حاجة عادية بصح انا الي قلقتني هو تسرع انتاعوا وحكم عليا بلا ميخليلي فرصة ندافع على روحي وراني خايفة خاصة هذا زواج تقليدي ومعرفتوش من قبل


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يأ أختي إذا أنتي متأكدة بلي الرقم القديم عندك وكان مغلق

راجعي نفسك وتأكدي وين خبيتي الشريحة الثانية

لخاطر مشكيتش يتهمك في الباطل

أطلي منو الإعتذار ... وهذا الحل

لكن إذا اتهمك في الباطل وكذب ... متستاهليش واحد يلصق فيك حاجة مكانش

أعذريني أختي على هذا الأسلوب

لكن هذا الصح

لي عوده

__________________________________________________ __________

>>>> الرد الثاني :

أنصحك أن تقللا من إستعمال الهاتف
خليو رواحكم عزاز عند بعضاكم
هذا إذا كنتم عاقدين، لانه إذا كانت مجرد خطبة، فالهاتف ممنوع شرعا إلا لضرورة
و الضرورة ليست كل يوم

__________________________________________________ __________

>>>> الرد الثالث :

التمسي له الاعدار فما نسمعه من حكايات يجنن لكن ان بقي و تمادى و صار الموضوع شك ثم توسويس فانصحك خمي مليح حانوت مقفول و لا كرية مشومة ثم من الاحسن ان كي تعملي حاجة تعلميه لكي لا ندع مجال للشك

__________________________________________________ __________

>>>> الرد الرابع :

السلام عليكم و رحمة الله :
أضيف إلى نصائح إخواني : يجب أن تسامحيه لأنه اخطأ و هذا من غيرته طبعا ، و من الغيرة ما قتل ، إذا ساد الصدق و التسامح فإن الحياة تكون أجمل .....و الله الموفق.

__________________________________________________ __________

>>>> الرد الخامس :

الغيرة موجودة في كثير من الناس ولا تخافي من هذا الامر
ولو خبرتيه بأنك ترغبين الزواج منه ولاتريدين غيره ربما تخففين من غيرته
ولو تستطيعون الاستعجال في الزواج يكون الافضل
وفقنا الله تعالى لكل خير