قولولي راني غالطة كي نصحتها؟ تم حل المشكلة

[kamiliya]

عنوان الموضوع : قولولي راني غالطة كي نصحتها؟ تم حل المشكلة
مقدم من طرف منتديات العندليب

عندي بنت عمي وصاحبتي من الصغر تعرفت على واحد بوليسي من نهار عرفاتو وهو عقابها تخرجي معايا وركبي معايا الطوموبيل و.........بصح هي ضدو ومن مشكل صغير يدير مشكل وشهر شهرين يتفارقو ويولي يرجع وتسامحو ومرات هي ترجع انا قوتلها خطيه بصح هي شادة فيه وكي تقولو اخطبني يدير الف سببب ؟
قاتلي قولي كيفاه ندير باش نخليه يجي يخطبني قتلها عيطيلو وقوليلو جاو يخطبوني وشوفي واش راه يقولك وكي عيطت ماهزش بعثت ميساج ماردش وظلت تعيط مايريبونديش وهادو يومين ما كان والو
انا دبرت عليها بصح خفت نكون فسدت عليها كلش ؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لعله متزوج قولي لها أن تتأكد من هذه النقطة بالذاااااااات لكي لا يحدث لها ما حدث لي.

__________________________________________________ __________

>>>> الرد الثاني :

شكرا على ردك اختي الحنان المفقود
هي ما علابالهاش لكان مزوج ولا لا كيفاه تعرفو؟
قوليلو لحوايج لي يبينوه مزوج باش نسقسيها

__________________________________________________ __________

>>>> الرد الثالث :

عندك الصح كي قلتيلها هكا كون جا بعينو يجي ليها كان جا خطبها و راكي تقولي راه خدام معنتها واش راه يستنى و لا راح يديرلها العرس في الهيلتون و لا الشيراتون و راه يلم في الدراهم و ديجا ماراهي عارفة عليه والو و زيد الي يبغي وحدا صح و باغيها لدارو والله مايقلها ركبي معايا في الطونوبيل و مازال حتا ماخطبها قولي لبنت عمك تستنى واش يقلها و لا تنحيه كامل من دماغها هو واش راه خاسر هدرة تيليفونات و كون ساعفاتو كون حتا خرج معاها الحرام راه يجيهم ساهل و حتى و يخسرو دراهمهم مي حاجة الحلال راهي تبانلهم صعيبة بزاف هاذو ناس الي مايبغوش يتحملو المسؤولية

__________________________________________________ __________

>>>> الرد الرابع :

المشاركة الأصلية كتبت بواسطة soha1987 شكرا على ردك اختي الحنان المفقود هي ما علابالهاش لكان مزوج ولا لا كيفاه تعرفو؟ قوليلو لحوايج لي يبينوه مزوج باش نسقسيها

يا ختي المتزوج يطلب يخرج ويروح لأي مكان....
يعني طلباتو غريبة

قد كان يقول لي من كنت على علاقة به : اختاري يوما وأذهب فيه أنا وأنتِ إلى أمي لكي تريها وتراك .....هذا بعد طلبه في أن معه وأن نذهب لكي نتناول وجبة الغداء و....

يا أختي قولي لها تسأل عنه
وترى بطاقة هويته
تسأل عنه في أي مكان قد يكون فيه وأين يسكن أيضا
أرجوكي لا أريدها أن تنصدم كما صدمت

__________________________________________________ __________

>>>> الرد الخامس :

شكرا سوسو على الرد انا قتلها كيما قلتي كي كانت معاه في العام لول بصح ماسمعتش هدرتي وهادو ثلاثة ايام ما عيطلها وما بعث ميساج قاعدة حدا الموبيل تستنى والله شفتني هادوهما الرجال لي مايحشموش
حنونتي الحنان المفقود على معلوماتو هو عطاها النهار الاول كي جاها لبارمي وبطاقة الشرطة تشوفهم وقاتلي قعدت نحفظ ماش نقرا وتقارن بينو و بين لفوتو بصح ضرك تقلب عليها مرات يسيبها كي تعيطلو ما فهمت والو المسكينة