عنوان الموضوع : ياناس سلفتي رايحا تهبلني مشكلتي
مقدم من طرف منتديات العندليب

صحا فطوركم
اقراو مليح ومن بعد احكموا اعليا ونشالله نلقا الحل عندكم
انا نسكن مع سلفتي في الطابق الثاني وعجوزتي في الاول .........انا عندي زوج ابيوت وكوزينا وسلفتي بيت وكوزينا راهي امهبلتني متحبش تخدم دالتها تع الميناش خاصتا الددروج حالفا اعليهم غير انا الي نخدمهم وهيا مدير والو مينداك تمسح الكولوار برك بصح انا مفهمتش كيفاه ااندير منقدرش انقوللها نوضي وخدمي ماشي انخاف منها وانما مرانيش حابا لقدر ايطيح ونداوس امعاها
مينداك منحبشس انسيق ونستناها ادير دالتها ومن بعد كي نشوفها حابسا ونشوف ادنيا ادودت انوض ونخمل كع الحالا
اما اعجوزتي هيا متحبش ادخل روحا الا في حالا وحدا ادا سلفتي مكانتش في ادار وانا مخملتش الحالا يعني الدروج اتنوض وتقولي وعلاه الدنيا هكا .............واش اتفسروا هادا
الله يستركم اعطوني الحل
وقولولي الله يستركم كي راني نخدم في دالتها اسكوا راهم دايريني جايحا ولا وشنوا خاصتا ان عجوزتي اجي وتقولي اخدمي هادي وديري هادي ومسحي امليح وهيا ماتقوللها والوا ....واش راهم دايريني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ها كبري قلبك واربحيهم بالنية حتى يفتح ربي وشتا اديري.

__________________________________________________ __________

>>>> الرد الثاني :

اخدمى الخير تجدى الخير إن شاء الله وربى ميضيعش اجرك

__________________________________________________ __________

>>>> الرد الثالث :

شوفي كيما تقول يما ربي يحفظها
الدروج حبيتي اديريهم ديريهم راهي دارك اذا راكي حابة تشوفيها نظيفة ما حبيتيش خليهم راهي دارك اذا راكي حابتها تدوود
بصح يا اختي ما تهدري معاها لا والو
ربي يقدر الخير

__________________________________________________ __________

>>>> الرد الرابع :

الحل ساهل جدا كي تكون دالتك اخدمي خاطياتك خليهم من بعد ابن كل شيء
حاجة وحدة إذا هدرتي تقلقي و كل الناس معاك تتهول و زوجا ايضا
و إذا سكتي تقلقي انت برك و الناس الباقي لا ركزي على زوجك
شوفي في اي دار مشاكل انتاع الخدمة موجودة ادعي في رمضان ربي افرج علينا اكل
خلي قلبك بيض ترتاحي

__________________________________________________ __________

>>>> الرد الخامس :

حبيبتي كاين مشاكل اكبر من هادي لدا حبيبتي الله يكون في عونك ونقولك اخدمي ما تبخلس لا البالي ولا النشاف رايحين يلسقو في يدك دقيقة ونتي مكملة وخلاص ونحيها من بالك
وربي يفرج عليك والديري الدار