تأنيب الضمير يقتلني بعدما كان هو من يهددني بالقتل

[admin]

عنوان الموضوع : تأنيب الضمير يقتلني بعدما كان هو من يهددني بالقتل
مقدم من طرف منتديات العندليب

السلام عليكم جميعا
آسفة جدا لازعاجكم و لكن وحده الله يعلم ان ما بداخلي لا اجيد قوله الا هنا
جديدي هو اني بعدما كنت خائفة منه و خبرت اهلي و بحكم انا جيران تحدثنا مع اهلو و عرفنا انو فعلا مرض بعد خطبتي لانو اهلو كانو قالولو خلاص رايحين نتحدثو مع اهلها لكن كان كذب لانو هو اللي كان يصرف على عرس خوه و خافو ينشغل بنفسو يعني على قولو استغلوه ..
و ايضا وقت اللي حب يرجعلي بعد مدة انا رفضت الحديث ليه و هو اعتبرها رفض و انا فعلا كنت منزعجة لدرجة لا تطاق لاني سمعت بعلاقتو السابقة ببنت الجيران الاخرى و ايضا كل كلمة يقلي تبعدي نقتل روحي و حتى معايا كان كل يوم بحال يقلق دون سبب و يرجع دون سبب ؟
و فعلا ابتعدت لانو الاهم حسيتو جرني الى علاقة بطريقة او باخرى و حافظت على كرامتي و كرامة اهلي و ابتعدت

هو اقام الدنيا و خاصم اهلو و هوما قالولو ماكش راجل على خاطر لوكان جات شارياتك توقف معاك و تصبر و هاذي الكلمة قتلاتو و قتلتني حاليا ....

قولولي كنت قادرة نصبر على واحد يبعث اختو تسال عن رايي بخطبة و من بعد 6 اشهر ما يدير والو ؟؟و حتى بعد ما اقطعت الكلام معاه انا قبلت بالخطيب الآخر بعد عامين انتظار و ما دار والو ؟؟؟؟؟؟

كنت قادرة نصبر على واحد يهددني بقتل نفسو كل لحظة في حال انسحبت ؟؟؟
كنت قادرة نصبر على واحد بعد عمر و هو يجري ورايا نعرف لي كان على علاقة بجارة اخرى و وصل تأثر نفسيا كي خلاتو و تزوجت ؟؟؟؟

هو عرسو بعد اسبوعين .... و هو و اهلو حطو اللوم عليا لي قبلت بغيرو و استشفاو فيا كي بطلت من اللي خطبني

هو لليوم يقول انو لازم يشوفني و قلبو معمر و دمرتلو حياتو و مازال و راح يبقى يحبني و انو الكل اسغلو و و و و

انا غيرت هاتفي و ما بقاش يهدد و الا يبعثلي حتى في كلمة لكن قلبي راح ينفجر

هل فعلا اني جرحتو ؟؟؟؟؟؟؟؟؟
هل انا فعلا تسببت بعذابو ؟؟؟؟؟؟؟؟
لو اخرى بمكاني كانت تصبر ؟؟؟؟؟؟؟

حاسة قلبي و عقلي راح يصيبهم الجنون هل فعلا كنت قاسية
قولولي الصح و ادعولي بالفرج




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ضروك انتي واش باغية تفهمي راه غايضك هو راح يتزوج خلاص ماراهش طفلة باه نقولو حتمو عليه الزواج برضايتو راح خطب و راح يتزوج.انتي ماغلطيتش السيد بعث اختو من بعد راح اسكت واش راح تستنايه الدهر كون نقولو رجع هدر في هذا المدة معليش مي باه هو يجي يهدر وقت مابغى و يروح وقت مابغى يا اختي ماكيش لعبة بين يديه و ماتقدريش تدخلي لدماغو تعرفي واش راه يخمم.و حاجة وخدخرا انتي تخطبتي هو دار لبنت الجار معنتهى بغا يحرقلك اعصابك و قلبك و لا كيفاش.انتي ممكن عجبك مي هو يا اختي الي غلط هو ماراهش فاهم روحو امالا كيفاش راح تفهميه و راح تصبري عليه.كاين شي ناس هوما يديرو الغلطة و منبعد يقعدو يلومو.انتي ماعندك ماديريلو الحل راه بيديه و اذا صح يبغيك و ماراهش قادر ينساك حرام عليه الطفلة الي راح يتزوج بيها راه رايح يضيعلها حياتها و هي ماعندها حتى ذنب.

__________________________________________________ __________

>>>> الرد الثاني :

السلام عليكم أختي
إنت ضرك واش حابة هو من البداية ممكن الإنسان هذا حبك حب عير طبيعي وإنت ضغطت عليه إنت وهلو من جهة الراجل رجع عندو حالة نفسية من كثرة زعافو منك رجع يهدد وخلاص وكان قادر يديرها ما تستهنيش بواحد خلاص مرض من راسو المشكل الآن إنت هو راح يتزوج ربي يوفقو وإن شاء الله يلقى العوض عند زوجتو
إنت الآن كان صح تحسي روحك غلطت معاه إدعيلو ربي يهنيه في حياتو وكاني حقيقة انا راني شفتها في موضوعك اللي فات وفهذا إنت تحبيه وزعافك منو لما عرفت بعلاقتو ببنت الجيران وخطبتو وضرك زواجو نانا وقلك كانك تحبيه من الاحسن تنسايه لأنو راح يتزوج ومن الأفضل بعدي التفكير إنك ظلمتيه من بالك راحا تتعلقي بيه وهو يتزوج ويدير دارو وشكرا


__________________________________________________ __________

>>>> الرد الثالث :

وش راح نقلك الاخوات جاوبوا
الله يهدي وخلاص

__________________________________________________ __________

>>>> الرد الرابع :

اختي انا اللي فهمتو انك بين عقلك و قلبك ! نهار بطلتي حكمتي عقلك و كان عندك الحق حسب اللي حكيتي .. درك قلبك لي راه يحكي
نقلك حاجة واحده شدي في ربي سبحانه عمرك ما راح تخيبي و راح تفرج ان شاء الله

__________________________________________________ __________

>>>> الرد الخامس :

السلام عليكم ورحمة الله وبركاته
اختي الفاضلة الزواج او الارتباط هو استقرار وهدوء ومدة ورحمة {والخطوبة هي تمهيد لذلك} فاذا كنتي في فترة خطوبتك تعانين الامرين ..بلا سبب يبعد ويرجع بلا سبب؟؟ فاين هو هذا الاستقرار ...انت لم تجرحيه بل هو من جرحك عن ققصد او عن غير قصد...اختي الفاضلة
رجل زوااجه بعد اسبوعين من امراة ويكلمك ويقول انه لا يستطيع ان يستغنى عنك؟؟؟اختي الكريمة لا يوجد شي تصبرين عليه ولا يوجد شيء يعذبك ضميرك من اجله{ما اخطانا ما كان ليصيبنا واصابنا ما كان ليخطانا}
اطوي هذه الصفحة من حياتك,{ولا تعيري اهتمام لمن يشمت بفسخ خطبتك من خطيبك السابق ..فهم مرضى النفوس}
انسي كل شيء ولا تفكري بشيء اشغلي نفسك بامور تهمك وتستهويك واتركي كل شيء وراء ظهرك
وتذكري دائما ان الطيبون للطيبات والخبيثون للخبيثات
انا نقلك مثل خليه بيناتنا {قعدان اكاك ولا صاحب اعور}