الطعنة تأتيك من اقرب الناس تم الحل

[hanan]

عنوان الموضوع : الطعنة تأتيك من اقرب الناس تم الحل
مقدم من طرف منتديات العندليب

السلام عليكم
نعم تجيك من الناس اللي قراب منك بعد اكمال دراستي وبحكم انني احب الطبخ والحلويات قمت بتكوين في الحلويات العصرية والتقليدية والحمد لله راني نخدم les commandes للاعراس والحفلات عندي اختي طبيبة واستاذة مع بدايتي في هاد العمل من المنزل وطبعا في المستقبل القريب اود فتح محل في منزلنا اتفاجىء بالطعنات التي تأتي من اختي الاستاذة اللجامعية بخلتني في كوموند انا قريت في المرة الاولى عند مرا في دارها بصح للاسف وصفاتها تمد فيهم ناقصين وساعات مهمش مضبوطين خاصة بعد تكويني الثاني الذي اتضحت معه الفكرة حول الغش في الوصفات بين قوسين الناس تحب الحرام ومتحبش الغاشي يوصللها وفي واش في وصفة حليوات راهي تبيع فيها وتبيعها مغشوشة المهم بعد ما بديت شنت عليا هاد الانسانة حرب ولكن الحمد لله كل واحد ورزقه وهذا مآمنة بيه هاذي برانية ودارت هكدا معليش مي المشكل اللي راهو من لحمك ودمك اللي ينهش فيك اختي تنهش فيا تهرب في الزبونات وتدلهم على المرا اللي قريت عندها سمعتها تتكلم مع صديقتها وتقولها اختي راهي صغيرة مازالت معندهاش خبرة روحي للمرا يعني الطفلة حبت تخدم عندي القاطو هي تهرب في الزبائن مي معلبيش ربي هو اللي ياخذلي حقي الناس خاوتها تعاونهم وهاذي تحطم فيا هذا كان جواب على السؤال اللي طالما سألته وعلاش ماجابتلي حتى زبونة لانه الاستاذات الجامعيات يخدموا ومعندهمش وقت في هاد الخصوص ويديروا الكوموند بزاف وهي ماشاء الله معارفها كثر
حسبي الله ونعم الوكيل مع العلم انني عندي عامين وانا نخدم والمرا اللي بعثتها عندها غشاشة تغش في المقادير وكي واجهتها بالامر قاتلي واش دخلك فيا انت حسودية تحسدي فيا وعلاش تحوسيني نجيبلك الزبائن جيبيهم وحدك يا سيدي مش مجابتش راهي تهرب فيهم حسبي الله ونعم الوكيل نحس بقلبي قاعد يتحرق


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم اختي
كالمي روحك وإهداي وبالعقل إستغفري ربي
وما توكليش ربي عليها هذي اختك مهما كان
هي صح غنو غلطت غلطت وما يهمش مقدار الخبرة لأنو انا ايضا درت واش درت وتعلمت عند مرا ولكن لاحظت الغش وإنو ما تحبش نتعلمو كيفاها مع الكمبيوتر وإضافات من عندي تعلمت امور بزاف والحمد لله لكن انا صحتي ما تخلينيش نخدم عندي معارف بزاف ويجوني للدار ونرجعهم ما نقدرش نخدم القاطو فيها تعب بزاف لو قريبة ليا نبعثلك حتى تقوليلي خلاص ما نخدمش إعتزلت
هي من المفروض اختك ما ديرش هكذا إنت ختها اقرب الناس ليها وهي تحفزك باه تنجحي فالمجال هذا
إنت من رأي احكميها وأهدري معاها وشوفي علاه دير هكذا
يعني غريبة إنو تخلي ختها وتروح تبعثهم للغريبة
احكي معاها وشوفي كلامها كان حتى كلامها فيه انانية خليها ربي يهديها هذا واش تدعي وخليها اختك مهما صار
اما جملة تجيك الضربة من الأهل راني شابعة ضربات ومن أقرب الناس ليا النفوس تبدلت
ربي يهديها


__________________________________________________ __________

>>>> الرد الثاني :

المشاركة الأصلية كتبت بواسطة مريم الصابرة السلام عليكم اختي كالمي روحك وإهداي وبالعقل إستغفري ربي وما توكليش ربي عليها هذي اختك مهما كان هي صح غنو غلطت غلطت وما يهمش مقدار الخبرة لأنو انا ايضا درت واش درت وتعلمت عند مرا ولكن لاحظت الغش وإنو ما تحبش نتعلمو كيفاها مع الكمبيوتر وإضافات من عندي تعلمت امور بزاف والحمد لله لكن انا صحتي ما تخلينيش نخدم عندي معارف بزاف ويجوني للدار ونرجعهم ما نقدرش نخدم القاطو فيها تعب بزاف لو قريبة ليا نبعثلك حتى تقوليلي خلاص ما نخدمش إعتزلت هي من المفروض اختك ما ديرش هكذا إنت ختها اقرب الناس ليها وهي تحفزك باه تنجحي فالمجال هذا إنت من رأي احكميها وأهدري معاها وشوفي علاه دير هكذا يعني غريبة إنو تخلي ختها وتروح تبعثهم للغريبة احكي معاها وشوفي كلامها كان حتى كلامها فيه انانية خليها ربي يهديها هذا واش تدعي وخليها اختك مهما صار اما جملة تجيك الضربة من الأهل راني شابعة ضربات ومن أقرب الناس ليا النفوس تبدلت ربي يهديها

صح تجيك غريبة بصح انا نعرف السبب علاش يتعاملوا معايا هكدا يشوفي معايا ديما نظرة دونية منذ صغري وكنت قد كتبت موضوع بالاك عندي عامين ديما يحطو من قدري في كل مناسبة انا لو راهي صاحبتي منديرلهاش هكذا البراني كي يدير هكذا نعطيه عذر اما انه من لحمي ودير هكذا رح يفقدوني الثقة في كل شيء اذا منفعتيش اختك متضريهاش هل انا مخطئة ؟
حياتي جحيم بدون ان اذكر واش صاري فيا حاسة روحي عمري 50 سنة من الهم اللي تابعني في كل مراحل عمري طفولة ومراهقة وبعد المراهقة
شكرا اختي مريم على ردك الطيب

__________________________________________________ __________

>>>> الرد الثالث :

واش راكي كاميلا
لحسد يكون من اقرب الناس ليك سوغتو في وقتنا والله يعسو ياسر انتي ماتعمريش راسك وصمتيها نتي اخدمي خدمة متقونة وباهية وخدمي بنيتك درك تشوفي ربي كيفاه يزيدلك في رزقك ولي خلق مايضيع اما اختك حطيها فالثقيل وهاديك الجاست درتها لروحها المهم نتي كوني معاها مرا ونص
ربي يرزق ويكثرلك من خيرو يارب
في امان الله

__________________________________________________ __________

>>>> الرد الرابع :

المشاركة الأصلية كتبت بواسطة كاميلا صح تجيك غريبة بصح انا نعرف السبب علاش يتعاملوا معايا هكدا يشوفي معايا ديما نظرة دونية منذ صغري وكنت قد كتبت موضوع بالاك عندي عامين ديما يحطو من قدري في كل مناسبة انا لو راهي صاحبتي منديرلهاش هكذا البراني كي يدير هكذا نعطيه عذر اما انه من لحمي ودير هكذا رح يفقدوني الثقة في كل شيء اذا منفعتيش اختك متضريهاش هل انا مخطئة ؟ حياتي جحيم بدون ان اذكر واش صاري فيا حاسة روحي عمري 50 سنة من الهم اللي تابعني في كل مراحل عمري طفولة ومراهقة وبعد المراهقة شكرا اختي مريم على ردك الطيب

لالا كاميليا ماتقوليش هاك نتي ديري الثقة في عمرك ماتخلي لا ختك ولاخوك ولاا مك ولاباباك يزعزع ثقتك ديما قوي ثقتك بربي والله ماينفعنا واحد غير ربي ومن بعد نفسك انتي حافظي على روحك يلالا

__________________________________________________ __________

>>>> الرد الخامس :

المشاركة الأصلية كتبت بواسطة soha1987 واش راكي كاميلا لحسد يكون من اقرب الناس ليك سوغتو في وقتنا والله يعسو ياسر انتي ماتعمريش راسك وصمتيها نتي اخدمي خدمة متقونة وباهية وخدمي بنيتك درك تشوفي ربي كيفاه يزيدلك في رزقك ولي خلق مايضيع اما اختك حطيها فالثقيل وهاديك الجاست درتها لروحها المهم نتي كوني معاها مرا ونص ربي يرزق ويكثرلك من خيرو يارب في امان الله

وشراكي لاباس ؟ سهى انا اكي تشوفي الحمد لله راني مزالي شعرة ونولي منديرش ثقة في العلاقات الانسانية والاخوية حاسة راسي رح يتربق كل براني دار فيا حاجة راهو مسامح دنيا وآخرة مادارولي والو اذا كان الدخلاني هكدا