عنوان الموضوع : السلام عليكم تم الاجابة
مقدم من طرف منتديات العندليب

موضوعي هو عن السكن مع اهل الزوج واااااااااااااعرة بزاف الناس الكل تعس فيك انا عندي 4 اخوة لزوجي راشدين و 4 بنات اغرهن عندها 24 سنة و هن غير متزوجات ربي يفرج عليهم المشكلة في ام زوجي ديما مشنفة عليا و تحب تدخل في اموري الشخصية مع زوجي و حتى الاكل متحبنيش نطيب اكلة اخرى ادا معجبتنيش وش طيبت لأن نختلفو في الاكلات فانا من و لاية غير ولاية زوجي و المنزل صغير جدا فيه 3 غرف و صالة فقط المهم راني في ضغط كبير و معرفتش كيفاش نفتح الموضوع مع زوجي و نخططو لمستقبلنا نطلب من السيدات لي غندهم خبرة يقولولي كيفاش ناقش زوجي في موضوع كيما هكدا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا أختي اصبري .راه مع الوقت زوجك يفهم روحو.أنا مثل ظروفك 4اسلاف و4بنات.و الضيق.صحيح الوقت الاول ماقدرتش على خاطر دار بابا واسعة بزاف و عدد افراد عايلتنا قلال.لكن مع الوقت3 سنين و أكثر تعودت و الله نحبهم أكثر من اخوتي و الضيق غير في القلوب.وراني نستنا في سلفي باش يقرر يتزوج و نخللو الدار.و ربي يفرج على كل واحد ضايقة بيه

__________________________________________________ __________

>>>> الرد الثاني :

ما عليك غير تصبري أختي وربي يفرجها عليك

__________________________________________________ __________

>>>> الرد الثالث :

المشاركة الأصلية كتبت بواسطة أم شروفة
يا أختي اصبري .راه مع الوقت زوجك يفهم روحو.أنا مثل ظروفك 4اسلاف و4بنات.و الضيق.صحيح الوقت الاول ماقدرتش على خاطر دار بابا واسعة بزاف و عدد افراد عايلتنا قلال.لكن مع الوقت3 سنين و أكثر تعودت و الله نحبهم أكثر من اخوتي و الضيق غير في القلوب.وراني نستنا في سلفي باش يقرر يتزوج و نخللو الدار.و ربي يفرج على كل واحد ضايقة بيه


أنا كي نشوف جامعية الله يبارك وماكتة بالبيت وعايشة كيفيك في الضيق ومع 8 إخوة وحامدة ربي والله نفرح، أختي الكريمة الله يسترك ويكثر من أمثالك، هاكا يديرو بنات الرجال الله يرزقك فيلا ما شي دار برك يا ربي

__________________________________________________ __________

>>>> الرد الرابع :

أصبري أختي
أكيد رايح يجي يوم وديري دار وحدك
وما تبقى غير الكلمة الطيبة
ربي يفرج عليك


__________________________________________________ __________

>>>> الرد الخامس :

وكي ماكيش قادرة علا المسؤولية علاه رايحة تخربي في دار الناس وتقطعي في روابط الاسرية!!!!