عنوان الموضوع : أختي جميلة و لا أحد خطبها مشكلة
مقدم من طرف منتديات العندليب

السلام عليكم

عندي اختي اكبر مني راهي في سن الزواج جميلة بمعنى الكلمة


جوزت الباك 4 سنين وماداتوش

وهدا العام داتو


وراهي الآن في الجامعة

مشكلتها ان لديها معجبين كثر

لكن لا احد يتقدم لخطبتها


يا جماعة كي نمشي معاها فالطريق كامل الناس تشوف معاها

سؤالي للي مالقيتلوش جواب

علاش يشوفو معاها الناس للي يعرفوها لقراب منها


ومايتقدموش لخطبتها ؟؟


يا شباب علاش تشوفو مع وحدة ونيتكم ماشي لحلال

راهي الآن في الجامعة ورحت معاها كدا مرة وعندها معجبين بزاف

هل لانها في البداية فقط نتاع السنة الجامعية على هدي واحد ما تجرأ باش يتقدم ليها

او مادا


صراحة مشكلة محيرتني

وراني خايفة على اختي من العنوسة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

المشاركة الأصلية كتبت بواسطة مشكلتي

راهي الآن في الجامعة ورحت معاها كدا مرة وعندها معجبين بزاف

هل لانها في البداية فقط نتاع السنة الجامعية على هدي واحد ما تجرأ باش يتقدم ليها

او مادا


مافهمتش
هل تريدين أن يخطب الطلبة أختكي وهي في السنة الأولى بعد 20 يوم من انطلاق الدراسة؟؟؟
أضن أن الوقت مازال مبكر
وربما الشخص الذي نصيبها لن يكون من الجامعة أصلا
كل شئ بالمكتوب

__________________________________________________ __________

>>>> الرد الثاني :

مازال العمر أمامها وكلشيء بالمكتوب لم يأتي نصيبها بعد
ومشكورة على اهتمامك وخوفك على أختك

__________________________________________________ __________

>>>> الرد الثالث :

الزواج قسمة ونصيب و لا ندري مع من يجمعنا قدر الله أو نتوفى ونحن عزاب قولي لها تترك الأمور تمشي و عندما يأتي نصيبها لا يأخذه غيرها

__________________________________________________ __________

>>>> الرد الرابع :

اذا كان عندها دين و أخلاق أنا سأتي أخطبها ههه

نقولك أختي ذرك الشباب اغلبهم اللي يشوفو في الطفلة تعجبهم بزاف بصح ما عندهمش الإمكانيات باش يتقدم

و ثاني ذرك أغلب البنات اللي يكون عندها زين زيد شوي تتكبر على الشباب ذرك هو علابالو بيلي كيما هذي لازم تكون حاجة كبير باش

تروح تخطبها سينو يرجعوك من الباب أما اذا ما كنتش من نوع هذو راح يجيوها الخطابة ان شاء الله

ربي يرزقها و ايانا الازواج الصالحين

__________________________________________________ __________

>>>> الرد الخامس :

مازال ما كتبش ربي

وقلت هي ااول سنة مازالت في الجامعة كيفاه تتزوج وهي اول جامعي