عنوان الموضوع : كيفاش ندير معاه؟؟ تم الاجابة
مقدم من طرف منتديات العندليب

السلام عليكم ورحمة الله تعالى وبركاته
أنا بنت عمري 22 سنة نخدم في مكان شوية بعيد على دارنا،تقدم لي واحد الراجل رفضو بابا المشكل أنو صامط كل يوم يستناني كي نكمل الخدمة ويولي يتبع فيا حتى وين نركب يروح،المشكلة انو ماشي يسكت لالا يبدا يهدر في واحد الهدرة تضر في القلب(خطبتك بقالي غير الخاتم،ان شاء الله تكوني حلالي،غير انا لي نديك...)وزيد مخبر كامل الغاشي للي يشوفو يولي معاونو في الهدرة عليا هما ،الصح الصح أنا نكرهو ونعيفو ونتقزز منو ما نعرف علاه خاصة كي ما يستحيش ويهدر هذيك الهدرة،أنا والله العظيم ولا مرة التفت ليه ولا هدرت معاه وربي يشهد مانرفدش راسي في الطريق على هكذاك صابها عليا،عييت معاه والله انا ستحيت وهو ما بغاش يستحي خطرات نبغي نهدر معاه نقولو خطيني ومن بعد نحشم،أنا ختكم قولولي واحد كيما هذا واش ندير معاه انا زعما نحترم الناس ومشاعرهم بالصح هذا ما شكيتش لا فهم سكاتي احترام،يحرق فيا نورمال كي يشوفوه لغاشي مورايا واش يقولو يرحم باباكم
راني نستنى في ردودكم وربي يخليكم ويوفقكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وأهلك وين راحو أختي؟؟؟؟
خبري والدك أو أخوتك وهوما يتصرفو معاه



__________________________________________________ __________

>>>> الرد الثاني :

مكانش رجال في الدار!!!!!!!!
قولي لخاوتك و والدك هوما يديرو حل باهي
و ايلا زاد صحح وجهوا و بقا بقلق فيك روحي اشكي
ربي يهدي بعض الشباب

__________________________________________________ __________

>>>> الرد الثالث :

قولي لاهلك واذا مكانش ارفعي بيه قضية لوكيل الجمهورية تاعكم وبعدها رديلي لخبر
حتى انا قريبتي كان واحد مهبلها في الطريق وبعد ما شكات بيه تربى ولا كي يشوفها يبدل الطريق

__________________________________________________ __________

>>>> الرد الرابع :

السلام عليكم
أختي الكريمة هناك شباب ميسحاوش من ربي و من الناس. و ان شافك الناس وهو يسمط عليك أعرفي بأن الاكثرية منهم يلعنون هذا النوع من البشر أو من الكلاب التي تلهث وراء كل فتاة. نظن أنك توجهيلو كلمة بانك لاتريدينه و تكرهينه و تحشميه أمام الناس ممكن يعرف قيمتو قدام الناس. و اذا منعفتش قوليها لباباك أو خالك او خوك و اذا منفعتش اشكي بيه عند الشرطة.
ربي يحميك من الذئاب الضالة و يحمي جميع الناس.

__________________________________________________ __________

>>>> الرد الخامس :

هنا يكمن دور والدك وأخوتك
دعيهم يلقنونه درسا