عنوان الموضوع : عاونوني ربي يخليكم مشكلة
مقدم من طرف منتديات العندليب

السلام عليكم و رحمة الله و بركاته
انا بنت 20 سنة رحت العرس مع خالتي شافني واحد عجبتو خطبني االحمدلله كل شي كان لاباس بيه هو شافني 2 مرات يعني نهار العرس و شافني في خطوبتنا المهم المشكلة انه يحب يحكي معايا في السكـايب حنا قرينا الفاتحة يعني عنده الحق يشوفني لكن كل مرة يقولي ديري الكاميرا و كي نبدا نحكي معاه يقولي تبدلتي مرة يقول ضعفتي مرة وجهك تعبان كل مرة يحسسني مش انا نفس الانسانة لي شافها وعجباتو ما نعجبوش خلاص قالتلي اختي انه ممكن انا ما نبانش مليحة في الكاميرا قالتلي البسي مليح واعدلي روحك ونفس المشكل المهم وليت نتهرب منه ما وليتش نحب نحكي معه واحيانا كي نحكي معه نقولو ما نديرش الكام هو يبقى يصر عليا وكي نديرها يبدا يعلق ما عرفت وكون ما ندريهاش يزعف هو انسان رائع كل شي فيه مليح لكن خايفة نخسروا نقول كون ما نديرش يزعف مني و كون يشوفني في الكاميرا بالاك ما نوليش نعجبوا وللا يبدل رايه واش الحل


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

عليكم السلام ورحمة الله وبركاته
أنصحك بالإطلاع على الموضوع
حُدُود العًلاقًة بَيْنَ المَخْطُوبِين ..
بالنسبة لإستعمال مكالمات الفيديو
لا انصحك بها فيوجد برامج لتسجيل مكالمات الفيديو
كما لا يمكن ضمان الخصوصية في النات
فقد يتم قرصنة المكالمة
راجعي الموضوع:
تحذير من فيروس يلتقط صورك بكاميرا الكمبيوتر
و
[فضيحة]ملفات خطيرة تكشف مشروع prism أكبر مشروع تجسس امريكي {فيس بوك،جوجل،ابل،ياهو،مايكروسوفت}


__________________________________________________ __________

>>>> الرد الثاني :

صراحة هدرة بزاف و لاكام كيما راكي تقولي ، متعجبنيش آبدآآآآآآآآآآآآآآآآ

متزيديش تهدري و لا تحليلو لاكام ، وهدرة تكون نادرة
واذا سقساك على سبب قوليلي خويا حذف ***** و بابا مبغاش يخلص نت و ابداي

هدرة بزاف ولاكام تفسد العلاقة
وربي يوفقكم و يجمعكم على الحلال

__________________________________________________ __________

>>>> الرد الثالث :

خليك من لاكام
اذا حاب يشوفك يجي ليك

__________________________________________________ __________

>>>> الرد الرابع :

ماتزيديش تهدري معاه فالكام وخففي شوي من الالتقاء بخطيبك

__________________________________________________ __________

>>>> الرد الخامس :

ختي ضك انت تقعدي غير تشوفيه فالكااام ونقولوا بطل ميزوجش بغيد الشر انا نقلك اخطيك