عنوان الموضوع : الطول مشكلتي مشكلتي
مقدم من طرف منتديات العندليب

اليوم حيبت نفرغلكم قلبي


اييه انا تعقدت من طولي .. صدقوني وليت موسوسة من طولي

أنا عمري 19 سنة و طولي 170 م راني حاسة راني طوييييلة بزااف خصوصا و البنات لي حولي وصحاباتي اقصر مني

ديما نحس باحراج فالثانوية و درك راني رايحة الجامعة

ما تضحكوش عليا انا ساعات نشوف روحي نقول الله يبارك عليا طولي متناسب مع وزني و تعجبني روحي فالدار


مي كي نخرج برا الناس غير يهدروا ما يراعيوش شعور الآخرين . مثلا صحاباتي ديما يقولولي انت طويييلة بزااااف

و يقولوهالي بطريقة تعجب و كاني طولي زوج ميترات ماش غير الطول حتى الوزن يقولولي انت رقيييييقة بزااف

و الله نشحم ما نلقاش واش نقول من الحشمة مع انو وزني 60 يعني راه متناسب مع طولي بشكل كبير



ما تصوروش كيفاه خلاوني موسوسة عدت نحس في روحي انا العملاقة في هذا المجتمع لي طويل علاه و لي قصير علاه

عقدوووني من طولي

قوليلي انا طويلة لهذي الدرجة يعني البنت اذا كان طولها 170 راهي طويلة بزااااف

الله يخليكم هذا امر جدي ما تقصروش و لي حاب يستهزا غير ما يردش


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ما تقلقيش روحك, تاع الليسي مازالو صغار شوي في العقلية

كي تطلعي للجامعة ضرك يولي كلشي عادي,

ثمة كاين الطويل خلاص , القصير و المتوسط, الناس الكل عايشة مع بعضاها نورمال خلاص

انتي قولي الحمد لله راكي في الليسي, عندي بنت خالي ف المتوسطة, وقيلة طولها 180 سم ولا أكثر شوي

مسكينة راح يهبلوها

صح فطورك

__________________________________________________ __________

>>>> الرد الثاني :

بصراحة من سمات الجمال

الطول

والكثير يفضلون الطويلة

راهم غايرين منك برك


__________________________________________________ __________

>>>> الرد الثالث :

طولك طبيعي جدا مع العلم ان كل من ينتقدك في الظاهر تجدينه يتمنى ان يكون مثلك في باطنه ثم إنك في مرحلة نمو متسارع ثم سوف يتوقف قريبا .... أقراي قرايتك و أخطيك من الغاشي الراشي فإرضاء الناس غاية لا تدرك


ربي يهديك الناس راهي تبكي على الطول تاعك و انت تشكي منو و أديري على بعض البنات قتلتهم الغيرة و قتلهم الجهل و التخلف

__________________________________________________ __________

>>>> الرد الرابع :

170 الله يبــــارك

__________________________________________________ __________

>>>> الرد الخامس :

نورمال أختي بالعكس طول من سمات الجمال