عنوان الموضوع : مشكلتي مشكلتي
مقدم من طرف منتديات العندليب

السلام عليكم
أريد أن أقرأ اقتراحاتكم فبما يخص مشكلتي
اليوم فتحت الفيس بوك تاع أختي في عمرها 15 سنة لقيت العجب و لي غاضتني اكثر هو أنو عندها أولاد الحي و لي تقرا معاهم و لقيت وليد عمي باعثلها أنفيطاسيو راني مشوكيا راني حاسة فضحتنا و جابتلنا العار كيف لا و عائلتي محافظة أنا أبلغ من العمر 28 سنة و لا أقبل صداقة الرجال ولا أختي لي في عمرها 26 سنة ، خويا يقرا في الجامعة يظل يعس فيها يظل عندها في ليسي لوكان يسمع بيها يقتلها أما عن الوالد و الأخ الأكبر فحتما سيقيمون الدنيا و يقعدوها
سألتها عن سبب هذا التصرف قالت لي كامل بنات حينا عندهم صديق و يظلوا يحكوا عليهم غير أنا نحس يضحكو عليا أملا درت هكذا و راني نادمة و لكن أنا ماقنعتنيش كيفاه نتقبل ندمها بهذه البساطة و هي فضحتنا قدام الجيران و العايلة
ماهي الطرق التي يجب أن تتخذها من أجل الابتعاد عن هؤلاء الشباب لي راني حاسة راهم يضحكو على عايلتي ككل ؟
فيما يخص النت تموت و مانخليهاش تستعملها
في الأخير ربي يخليكم خاوتي ادعولي انا و أختي ربي يرزقنا الزوج الصالح عاجلا غير آجلا و لأختي هذي ربي يهديها و يوفقها في دراستها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختك في حالة مراهقة وفي فترة حساسة وعندها فراغ عاطفي علبيها ادات طريق اخر

حاولي تنصحيها وتوعيها اقتربي ليها اكثر حاولي تفهميها

احكيلها قصص قولها فلانة خرجت الطريق وفي الاخرة كانت نتيجتها هكذا

حملي بعض الدروس تتكلم عن عذاب القبر او يوم الحساب او الصحوبية وقوليها اروحي تسمعيهم معايا


ربي يهديها يا اختي


ياااااااااااااااااااارب يرزقك انتي واختك الزوج الصالح اختي توكلي على ربي سبحانو

اكثري من الاستغفار والصدقة

__________________________________________________ __________

>>>> الرد الثاني :

ادا تقدري من الافضل قطع الانترنيت

__________________________________________________ __________

>>>> الرد الثالث :

السلام عليكم ما تقطعيش الانترنات ولا تهجمه ديرها صديقتك وتقريب منها بشكل كبير مادم راكي كبير تقدري ببسطة تكون قدوتها إذا كسبيتها

__________________________________________________ __________

>>>> الرد الرابع :

متنسايش راهي في سن المراهقة وكيما راكي تشوفي نظرة المجتمع المتخلفة لي خلاتها دير هكا
مازالت صغيرة متقطعيش عليها لانترنت صاحبيها جيبيها ليك بسياسة ونعتيلهاش بشوي ماشي فرد ضربة وان شاء الله يصلحها ربي ويهدينا كامل امين وربي يرزقك بزوج صالح

__________________________________________________ __________

>>>> الرد الخامس :

اقطعي هذا الانترنت .............الله يرزقكم الزوج الصالح......................الله يهدي أختك الصغرى إلى طريق المستقيم...............