عنوان الموضوع : كيفاه ندير؟؟ تم الحل
مقدم من طرف منتديات العندليب

السلام عليكم ورحمة الله
عمري 22 سنة عاملة والحمدلله،عملي هو المشكلة من لي بديت نخدم الناس كامل حارت فياـتخرجت من لقيت الخدمة من ترسمت ثم ثم،وللأسف كامل يولوا يطمعوا حتى اقرب الناس ليا،ما نعرف غير انا نتحسس ولا صح،بابا من لي بديت نخدم دايلي الشاك وهو لي يتصرف عاذ الشي نورمال حتى انا ما عنديش شكون لي يجبدلي دراهمي بالصح ماعنديش حق التصرف فيهم،صح لي نقولو عليها يجيبهالي بالصح انا نبغي لوكان يعطيهملي في يدي،عندي عمتي محتاجة نبغي نعاونها بالصح ما نلقاش في يدي دينار،هاذ المرة كان عرس قريبتي بغيت نشري ملابس جديدة قتلو قالي ما عنديش راني نبني،هاذ البنيان بدا غير من لي بديت أنا الخدمة،غريب والله،تخيلو ما يجبدليش على الزواج خلاص لي يجي ليه يقولو لالا بنتي مازالت صغيرة والادهى والامر انو يتبدل عليا نهار لي يجي واحد يخطب،عمرو ماقالي نسمع غير من برة ولا خطرات يجو لمكان عملي،انامارانيش نلوم فيه ولا نقول لياه بالصح شوية على الاقل يدي دراهم يخليني شوية نخمم في مستقبلي،آخرتها رايحة نتزوج وندير الدار،لي يشوفو يتساءل علاه ماراهش باغي يزوجك ويحيرو كي مايلقاوش عندي دورو باه نتحرك،والله غير نشوف لي ماراهمش خدامات خير مني،يلبسو خير مني وعايشين خير مني،الحمد لله على كل حال بالصح دايمن نتساءل وعلاه؟؟،خطرات نقول ياليتني ماخدمتش والله غير كنت هانية في راسي،اذا تناقشت معاه دايمن يقولي الناس كامل ناديين غير باباك للي لا،واذا قتلو مرة هاذ الشهر راني محتاجاتو يقولي خلي مازال الحال حتى نسلك من الدين،ياربي وينتا يسلك من الدين؟؟
قولولي راني غالطة كي نقولو عطيني دراهم؟؟
وياهل ترى انا بنت عاقة على حساب هدرتي؟؟
كيفاش ندير معاه؟؟
والله غير راني حايرة
ربي يفرج عليا وعليكم وعلى كل مؤمن
شكرا لنصائحكم مسبقا




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم

اختي هاذ الشئ صاير في بزاف بيوت اللي تعاني من راجلها و اللي تعاني من باباها لكن نصيحتي ليك اصبري عليه ما تخسريهش على جال الدراهم مهما كانت و الاباء هاذو عقليات مثلا انا ابي حنا خدامين 03 فالدار و هو ولو 1000 دينار ما يقبلهاش كاش الا اذا حبيتي تشري حاجة من عندك ديما يقولنا هنو من رواحكم يكفيني اما ابوك فلابد يجي النهار وين يتغير و بالاك راه محتاجك غير طولي بالك عليه..............bonne chance

__________________________________________________ __________

>>>> الرد الثاني :

في مثل هذه الأمور

يبقى في الأخير أباك

ولا تستطيعين فعل أي شيء

أخبري امك أن تقول له بطريقة حضارية أن يعطيك مرتبك

__________________________________________________ __________

>>>> الرد الثالث :

يا أختي للأسف كاينين بزاف رجال لي تفكيرهم هكذا

اهدري معاه وقولي نصرف معاك في الدار واذا جاتك

كاش حاجة واحتجت راني هنا منبخلكش

بصح الشاك نتاعك يقعد عندك وزيد كيفاه معندكش الوقت

باه تسلكي خمي مع روحك

هو ابوك معليش تعاونيه مي باه يدي كلش انا منقبلهاش

حاولي تنحيلو الشاك واسلكي نتي هاذ المرة مديلو نص

وخلي ليك نص ذك يغضب شهر زوج يخضع لأمر الواقع

وادعي ربي يهديه ويرزقو

__________________________________________________ __________

>>>> الرد الرابع :

راكي سير و متاكدة 100/100 بلي راه يصرف فيهم ع البنيان كيما قالك ؟؟
ممكن راه يخبيلك فيهم و ماشي حاب يقولك
سينون نقولك اصبري و خلاص و تفكري بلي حتى هو نحى من لحمو باش قراك و رباك
مالقري علابالي صعيبة باش تتقبلي الامر




__________________________________________________ __________

>>>> الرد الخامس :

الحاجة الأولى أطلبي منو مصروف لاحتياجاتك الخاصة و م هاداك المصروف اقتصدي... و ابداي أطلبي على أشياء ضرورية و ما تكذبيش.. مثلا طبيب الأسنان أو الأمراض الجلدية.. فيما بعد لشراء أشياء ممكن أك ديريها تروسو حتى لوكان حاجة تبانلك تافهة...

ثانيا , حاولي أنك تفهميه أنك كبرتي و هذي مهمة حاولي تكون يماك مستكلفة بيها.. ياختي إن اقتضى الأمر حبسي الخدمة