عنوان الموضوع : هل أنا معقدة كيما يقولو عليا ؟ مشكلة
مقدم من طرف منتديات العندليب

بسم الله الرحمن الرحيم
السلام عليكم ورحمة الله وبركاته



والله ماني عارفة منين نبدا

.....
المهم ، أنا متخرجة من الجامعة ونخدم فالإدارة ، متدينة وحجابي شرعي
بداو الناس يخطبوني من كنت نقرا فالثانوية ، لكن فهاذيك المرحلة كنت رافضة الزواج ونكره جنس آدم
من بعد كي قريت فالجامعة تفتحت عقليتي شويا وليت متقبلة هاذ الموضوع
بصح المشكل تاعي كلما يجيني واحد نشرط عليه أمور نشوفها من حقي، وتبان أمور بسيطة وفي صلاحو هو
نشرط يكون يصلي فالمسجد جماعة ، خاصة صلاة الصبح والعشاء
أنا عقليتي تقولي : اللي ما يفرطش فالفجر وكون حريص عليه ما يفرطش فيك
هذا الشرط الأول ، وسبحان الله اللي جاوني كاااامل ما ينوضوش للفجر ، ولا ينوضولو ساعااااااات
يعني خطرة فالسمانة ولا فالشهر
أنا مع يقولولي هكذا يطيحو من عيني ونحاوزهم مباشرة
ولاحظت بلي كي نرفضو ويروح يعجبني الحال بزااااااف تقول جبل وتنحى على ظهري !
عايلتي وصحاباتي يقولو عليا معقدة ومستحيل تتزوجي بهاذ التخمام
وكاين شيخ سقسيتو عل هاذ الحالة ، قالي نتي بالاك تحتاجي ديري رقية مادمت تفرحي كي ترفضيهم
قالي سكنك جني مسلم من صغرك ولازم ترقي
بصح انا ما نحبش نروح عند الراقي ، لعدة أسباب :
ـ في وقتنا صعب تلقى راقي ثقة ، شخال من خطرة نسمع بنات تخدعو فيهم ، لقاوهم مشعوذين بعدما راحو ليهم
ـ ديما نتساءل : ياخي الراقي مسلم ماهوش معصوم ، رايح يقرا عليا قرآن وينوض
وانا ثاني مسلمة عادية مانيش معصومة ، ونقدر نقرا على روحي ، مالا ما عندها حتى معنى اني نروح لراقي
وأصلا الله هو الشافي


المهم راني عارفة طولت عليكم
حابة تنصحوني
ورحمة على والديكم الردود اللي فيها سخرية واستهزاء لا داعي لها
ورحم الله من عرف قدر نفسه



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شرطك هذا في زوجك المستقبلي هام جدا وإذا ظفرت به كوني له عونا في ذلك

__________________________________________________ __________

>>>> الرد الثاني :

أختي هذه الشروط التي تضعينها مجرد تهرب من المسؤولية لا أكثر و لا أقل.
موضوع صلاة الفجر فالزوجة هي التي تساعد زوجها على ذلك حتى و لو كان لا يصلي اصلا.
فكم من رجل كان ظالا تاركا للصلاة و لكن عندما تزوج اصبح ملتزما اشد الالتزام بفضل زوجته.
و العكس صحيح فقد يكون محافظا على صلاته و لكن عندما يتزوج ينقلب على عقبيه و ايضا بسبب الزوجة.
الزواج سنة و يقول الحديث" من رغب عن سنتي فليس مني".
موضوع الرقية لا داع منه فانت حالتك واضحة و هي التهرب من موضوع الزواج او عدم نضوج فكرة الزواج في رأسك .
و للاسف مهما تقدم بك العمر فلن تزداد هذه الافكار الا سيطرة على عقلك.
و بما انك قلت عن نفسك محافظة فتستطيعين رقية نفسك بنفسك افضل.
صححي المفاهيم الخاطئة في راسك و توكلي على الله فالعمر يمضي و لن ينتظرك.
أرجو أن تكون وصلت الفكرة.

__________________________________________________ __________

>>>> الرد الثالث :

السلام عليكم اختي
هي مش معقدة لكنك مش عادية صراحة الراجل ينوض للفجر او لا هل هناك دليل شرعي إنو اللي ما يصيليش الفجر ما راهش مسلم أختي هنا نرجعو ليك لو حاطة شروط على الصلاة نقولو كعلاه تخدمي وين الإختلاط ووعلاه تركبي فالكار وين كاين الرجال غير معقول أختي هكذاك كل واحد حر من حقك يكون زوجك مسلم لكن توصلي لدرجة تفرحي لما تحاوزيهم ما راكيش عادية أختي ولو يجوك غير اللي ما يصولهاش في وقتها معناها تقعدي بلا زواج من راي رقي روحك او كان مرض نفسي شوفي طبيب نفسي لأانو راكي غالطة وبزاف
يا اختي الرجل تتشرطي عليه دينو وصلاتو اما دخلي روحك في علاقتو مع ربي وتتشرطي عليه كذا وكذا يا اختي نظن مسش من حقك لانو قادرة طيحي في راجل يدير واش راي ديري ويشكك في ديانتك لمعلك ودراستك فالجامعة
اختي شوفي طبيب نفسي موفقة

__________________________________________________ __________

>>>> الرد الرابع :

أنت لست معقدة اشرطي وزيدي وياليت كلّ النساء يشترطن شرطك واشترطي أن يكون حافظا للقرآن
وتعاونا على الحياة من أجل الآخرة
كوني سعيدة ....

__________________________________________________ __________

>>>> الرد الخامس :

الله أكبر عليك يا بنت الناس والله اشتقت أن اسمع لمثل هذا وكم تمنيت أن ترفض المرأة الخاطب لنقص دينه لا لنقص ماله أو نقص جماله
والله أنا اشكرك من أعماق قلبي بالرغم من أنني لست ممن يصلي الفجر دوما ولست مواضب على كل شيئ لكن والله والله والله أحترمك احتراما لا يوصفـ، بارك الله فيك يا أختاه لأول مرة أسمع أن فتاة تطلب من الخاطب شيئا ليس لها ولكن للخاطب نفسه ولربه والله أكبر عليك، ستجدين من يعارض أفكارك كونه لا يصلي الفجر أو أنه لا يصلي أصلا لكنني وبكل صراحة أهديك تحية مع خالص الاحترام والسلام والدعوات بأن تجدي رجل أصلح من الصلاح وأنقى من النقاء وأكثر الله من أمثالك، هكذا سيتسابق الخطاب على حب الله وطاعته والصلاح من أجل الظفر بزوجة المستقبل العفيفة الطاهرة الحافظة لدينها وعرضها لا كما تطلبه العديد من فتيات هذا الزمان من بيت مستقل، سيارة،إلخ فترى شباب اليوم يتهافتون على كسب المال حتى وإن استدعى الأمر لكسب المال الحرام ومن تم شراء سيارة أودي أو مرسيدس أو لبس سروال محرود أو أي شيئ فان من هذه الدنيا وكل هذا ليظفر بزوجة لا تصلح لشيئ

مع العلم أنه يمكنكي أن تجد رجلا لا يصلي الفجر وتشجعينه على ذلك بعد الزواج، ومع ذلك طلبك أكثر من منطقي والمعقدون هم من يوقولن عنك معقدة وأظن والله أعلم أن الإمام يلزمه رقية بدلك أنت

ان شاء الله تجدي رجلا كما تريدين يا أختاه والله المعين