عنوان الموضوع : سخرية أقاربي تم الاجابة
مقدم من طرف منتديات العندليب

السلام عليكم

انا متزوجة منذ عام والحمد لله هانية من ناحية الزواج مشكلتي تكمن في اقاربي فتقريبا كلهم يسخرون مني لاني تزوجت في الدوار منطقة بعيدة عن العمران انا ولو اني لم يعجبني سكني هناك لكن والله تقبلت لاجل زوجي العزيز لاني احببته كثيرا......المشكل لا ادري لماذا دائما يتعمدون السخرية مني بطرق مباشرة او غير مباشرة و كأنو الدوار جاهم حاجة عمرها ماصرات وكلي درت حاجة عيب كي تزوجت لتم وكل وحدة واش تهدر وحدة تقولي لاه طيشتي روحك ووحدة تقولي تعلمتي تطيبي بالحطب ولخرى تقول ماعندكش حتى وين تخرجي تدوري و تحوسي ........ماتقيسكمش الشمس.......وهادي غير البارح وحدة قريبتي سقساتني وين نسكن كي جيت نجاوب سبقتني امها قالتلها ما تلقايهاش فالانترنت غير ماتحوسيش *وهادو غير شوية من لي راني نسمع فيه*
الصراحة نلقى روحي في موقف محرج ومانلقاش واش نقول حتى نصيب روحي نبررلهم ونقولهم اني مانقعدش فيها وووو
وهوما على هادي يحوسوا اني نتبهدل على خاطر زعمة لقاولي نقطة الضعف وانا مانعرفش نرد الرد الملائم عليهم
من فضلكم قولولي رايكم
مشكورين مسبقا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي طيشي عليك وماتعيشيش للناس راهم مايخليو حتو واحد في عقلو
المهم يلقاو حاجة يلتاو بيها
اتهلاي في راجلك مادامو ملييييح معاك وبالعكس ماتعطيهمش فرصة خلااااص
يعرفو نقطة ضعفك ويستغلوها كوني عندك ثقة باختياراتك وهزي راسك
زعمة واش الفرق بين الدوار والبلاد المهم الهناء
ماتخليهمش ياثرو عليك وتروحي تكرهي حياة زوجك هاذاك مايحوسو
وبالنسبة ليا مستعدة نعيش مع زوجي في كوخ المهم نكون معاه

__________________________________________________ __________

>>>> الرد الثاني :

[QUOTE=مشكلتي;1055827138]السلام عليكم

وكل وحدة واش تهدر وحدة تقولي لاه طيشتي روحك ووحدة تقولي تعلمتي تطيبي بالحطب ولخرى تقول ماعندكش حتى وين تخرجي تدوري و تحوسي ........ماتقيسكمش الشمس.......وهادي غير البارح وحدة قريبتي سقساتني وين نسكن كي جيت نجاوب سبقتني امها قالتلها ما تلقايهاش فالانترنت غير ماتحوسيش *وهادو غير شوية من لي راني نسمع فيه*
مشكورين مسبقا[/

ســـــــــــــــــــــلام

تفكير النساء مبني على انهم يستشفاو في بعضاهم...............انت يا اخت رزقت بزوج و بيت فاحمدي الله فيوجد من لا بيت لهم و هم في معاناة شديدة..........و يوجد من يعاني صحيا و له سنين طريح الفراش........اما عن كلام النساء...........فارغين شغل.........عــــــــادي هوايتهم الكلام التافه......... ........المشكل انك اذا سالك احد تعملي حساب انك ما تجرحيهش على حساب نفسك و هذا خطا................فاذا انتقدت احداهم سكنك فاجيبيها : وعلاش عرضتك تجي عندي؟ اذا لم تفهم اجيبيها : واش دخلك؟........اذا كثرت هدرة .......اعطيها بكف


__________________________________________________ __________

>>>> الرد الثالث :

انا نقولك كون تقعدي تحللي هدرتهم تلقايها غيرة منك برك

خليهم يموتو بالغيرة وهدرتهم دخلت من اليمنى خرجت من اليسرى

__________________________________________________ __________

>>>> الرد الرابع :

الله المستعان ، كلام فارغ لا تستمعي لهم مادُمتِ أنتِ راضية ومرتاحة وعموما كلام الناس لا ينتهي فلا تتعبي نفسك بالتفكير فيما يقولون وفقكِ الله.


__________________________________________________ __________

>>>> الرد الخامس :

ana zawajt f dwar w rani "aycha la belle vie