عنوان الموضوع : انا في حيرة
مقدم من طرف منتديات العندليب

السلام عليكم ورحمة الله وبركاته
والصلاة والسلام على سيدنا محمد اشرف المرسلين
انا من رواد هذا المنتدى ولم يخطر في بالي اني سادخل في يوم من الايام بعضوية مشكلتي لكن هذه هي الحياة لن تمشي على وتيرة واحدة
اسمحولى نهدر بالدارجة بش نقدر نقول وش في قلبي انا متزوجة وعندي بنت و عاملة وكنت اعيش في بيت شيخي مع زوجي المشكل انو يدخلو في كل كبيرة وصغيرة ودارولي مشاكل كبار والتالية قاع وصلت رحت لدارنا وبقيت مدة شهرين ثماك و من بعد جا يديني اهلي رفضو نرجعلو وانا هاذ المدة لي كنت معاه كنت نعاونو يبني في الدار تاعو لي نعيشو فيها هو باش نرجع مدلي حلين اما نسكن فيها وهي مش كاملة اما نرجع معاه لاهلو و نكملوها في غرضنا
حابة نعرف من الاخوة وش تقترحو علي ردودكم تهمني .


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الامر يرجع ليك انتي في قرارك
انا ارا بقائك في بية اهلك خطاء
روحي اسكني في دارك حتى تهدء الامور

__________________________________________________ __________

>>>> الرد الثاني :

أنا تبانلي روحي اسكني في دارك و كملوا خدمتها غير بالعقل المهم تتهناي من المشاكل و وتكسار الراس

__________________________________________________ __________

>>>> الرد الثالث :

اختي ، ادخلي دارك و لوكان بيت واحدة و كملي في عقلك لانو مدة شهرين في دار باباك باين بلي المشاكل معاه اهل زوجك بزاف
ربي يفرج عليك و يهنيك

__________________________________________________ __________

>>>> الرد الرابع :

روحي اختي سكني في دار وتكمل بشوية ان شاء الله تتهناي من المشاكل يارب فرج عليا

__________________________________________________ __________

>>>> الرد الخامس :

السلام عليكم و رحمة الله تعالى و بركاته

أنا تاني نشاطر البنات رايهم حنونة الباب اللي يجيلك منو الريح سدو و استريح
روحي اسكني دارك مام ماشي مكمولة تكملوها في غرضكم .

ربي يهدي سرك ختي و يهنيك.