عنوان الموضوع : مشكلة واريد حل الزوجية
مقدم من طرف منتديات العندليب

سلام عليكم والله يا اعضاء هذا المنتدى الغالي ضاقت بيا الدنيا واريد مساعدة فأملي في ربي وفيكم كبير واريد حل لان راسي تعب متخمام
مشكلتي اني منذ خمس سنوات تعرفت على بنت في الجامعة وكانت امراة بنت فامليا ومنذ ذلك الوقت اتفقنا كينكملوا الدراسة نقوم بالخطبة لكن كانت الحالة المادية عندي لا تسمح وكذلك الخدمة الوطنية تنتظرني فلم اقم الخطبة وهي كان يأتيها ناس لكنها ترجعهم الان انا اشتغل في عقود الادماج منذ 6 اشهر حبيت ندير خطوة مي خفت من المستقبل لاني لارمي مزال ماجوزتوش وهذا الاسبوع جاني استدعاء للخدمة الوطنية وانشاء الله 22 نروح سارحتها بهذا الواقع لكن مجوابها حسيت ظلمتها والله وربي عالم غير نوينا الحلال مي ظروفي ماسمحتليش وحبيت نهدر مع بباها غدا لكن انا متردد رايح لارمي وبعد الخدمة ومدة الخطوبة طول والله انا في صراع مع نفسي وقاتلي دير واش تحس رحك مهني فيه ادعواي ربي يسهلي ويشرح صدري ويكمل بناتنا والله غير راني فحالة راسي حبس متخمام فيها وفحالي طولت مي حبيتكم تدعولي وتشيروا عليا وسلام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يفتح عليك و يرزقك و يقربك للحلال نتا و هاد البنت و يكفيكم بحلاله عن حرامه عاجلا غير اجلا يا رب

__________________________________________________ __________

>>>> الرد الثاني :

راك في وضعية ما تسمحلك اتقوم باي حركة او اجراء ...وهي الوضعية الطبيعية لاي شاب جزائري بعد التخرج وكل شيء افوت بربي ان شاء الله....لكن امامك اجراء واحد ووحيد تستطيع القيام به لكن يجب ان تكون انت وهذه الفتاة ووالديك ووالديها كلهم متفهمين الوضع وهو التقدم الى اهل الفتاة واتحط يدك عليها فقط لا خطوبة لا والو وبعدها اتكل على ربي واقضي امورك الى ان يتحسن وضعك وتكمل المشوار مع من احببت.

__________________________________________________ __________

>>>> الرد الثالث :

يا اخي ادا كانو والديك قابلين و هى قابلا بالوضعية نتاعك و تقدر تتسناك تكل على ربي و روح دير غير لكلما و مين تخرج من لعسكر روح اخطبها خطبة رسمية بصح قبل سقسيها و قوليها الا والديها يقبلوا و يتفاهمو بوضعيتك باه مين تجيها متنحرج قدام والديك و هي تقولك لانها ادرى بولديها يا خويا انت دير لي عليك مدامك لقيت بنت فاميلا و ربي يسرلك مادامك نويت لخير و هاد راي اعطتهولك عن تجربة و الله اخي و انت دير لي يخرجك

__________________________________________________ __________

>>>> الرد الرابع :

حياك الله أخي الكريم
أما بعد
أولا وقبل كل شئ تسمحلي نهدر معاك في مرتبة أخيك الكبير
راك مازال صغير على الزواج
وبالتالي ماعليك أن تقوم به هو كالأتي
1/- تصارحها بكامل ظروفك وتطلاعاتك المستقبلي
2/- كي تقبل هي ،راح تهدر مع والديك ويرحوا
عند والديها وتمدو الكلام لبعظاكم
3/- روح دير الخدمة الوطنية نتاعك
4/- بعدها الامل في الله واسع قد تتحصل على وظيفة أو منصب عمل مناسب ومنه تستريح مادياً
5/- حينها تكونوا أنت وهي في عمر 26 أو 27 أو حتى 28 وماراحش الحال تخطبها بصفة رسمية وربي يسهل ويكمل
6/- يأخي الكريم عليك أن تقتنع بأن " مرت حد ما يديها حد "وبالتالي إذا كتبهالك ربي ليك واحد ما يقدر يديها خلافك ،وإذا ماهيش كاتبة ليك حتى لوكان تخطبها غداً ويمدوهالك ماكش راح تديها
إذن توكل على الله الواحد الاحد ودير واش قتلك باه ماتندمش
* دير في بالك بلي أغلب الشباب راهم بحالك وماكش غير أنت لي عندك هذا الموضوع في راسك
* ربي يسهل لخويا ولكامل المقبلين على الزواج


__________________________________________________ __________

>>>> الرد الخامس :

salam 3alaykom walah yakhawti manansalkom hath lfadhal walahi fajito 3liya wklamkom zad fiya nass hiya raha kabla 300% mi problem ana rani matradad psq dar khafo layraj3ohom wana mahbitch lhadra ana nahdar m3a babaha machi hiya litahdar nhab nadkhol malbab lwasa3 yatikom saha rabi yjazikom kol khir danya hathi s3iba bazaf rabi ysahalana walifiha khir rabi ymadholna wybalghona amin yarab baraka alah fikom