عنوان الموضوع : انصحوني اخواتي وليدي ينوض بزاف في الليل لتربية طفلك
مقدم من طرف منتديات العندليب

ان شاء الله تكونو كامل بخير
عندي ولدي له 10 اشهر الله يبارك بصح مشكلته ينوض بزاف في الليل مرات كل نصف ساعة و مرات كل ساعة راني متعوبة بزاف مين نوض في الصباح راسي يحب يطرطق
المشكلة انا ولفتو هكدا مين كان رضيع كان كل ما يدير اها نوض الجري باش ما ينوضش زوجي مين يخدم صباح بكري و بقات هاد العادة في ابني حبيت ندير القلب و نخليه يبكي مين يكون نقي و شبعان بصح قلبي كان يتالم مين ايوب كان يبكي و شفني و نضت و رقدتو في حجري راني حابا ندير القلب و نخليه غير يبرا ان شاء الله من الزكام و ندير هده الطريقة قولولي خواتاتي هل هذه الطريقة مفيدة و هل عندكم طرق اخرى مجربة و ماعليش ادا خليتو يبكي حتى يرقد على البكاء


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي ام أيوب. انا عانيت جدا من هاذ المشكلة مع ابني ربي يحفظو يارب من لما كان عمرو 6 شهور الى حد عام ونص وزيادة. والله تعذبت كثير كان ينوض كل نص ساعه مين يتقلب ينوض صرا فيا الباطل. المزية كانت عندي اختي تخليني نرقد الصباح كي يرقد هو وهي تتهللا ف الدار. بعد مده قلت نديرلو حل لاني تعببببببببت بزااااااااااااااف صار كلما يجي يرقد نحطلو البيبرو تاعو فيه شوية حليب وحتى لما يفرغ يبقى يرضع فيه وكلما ينوض نحطلو البيبرو في فمو ويغفى ويسكت على طول مع الوقت تعود على البيبرو وكلما يفطن يحوس عليها وكي يصيبها يحطها في فمو ويرقد و بعد ماكمل عام ونص الحمدلله رجع يرقد ليل كامل.وتهنيت من المشكلة. ودركا حفظ طبيعه جديدة لازم يرقد بيناتنا هههههه.اصبري يا اختي وحاولي تجربي معاه هاذ الطريقة .وان شاء الله تتهناي من هاذ التعب راني حاسة بيك

__________________________________________________ __________

>>>> الرد الثاني :

ربي يحفظ وليدك اختي و يبارك في عائلتك بارك الله فيك على النصيحة و لكن المشكلة انو يرضع صدري و لكن راني حابا نجرب و نوللي نعطيك الحليب الاصطناعي غير مع الليل

__________________________________________________ __________

>>>> الرد الثالث :

المشاركة الأصلية كتبت بواسطة oum ayyoub
ان شاء الله تكونو كامل بخير
عندي ولدي له 10 اشهر الله يبارك بصح مشكلته ينوض بزاف في الليل مرات كل نصف ساعة و مرات كل ساعة راني متعوبة بزاف مين نوض في الصباح راسي يحب يطرطق
المشكلة انا ولفتو هكدا مين كان رضيع كان كل ما يدير اها نوض الجري باش ما ينوضش زوجي مين يخدم صباح بكري و بقات هاد العادة في ابني حبيت ندير القلب و نخليه يبكي مين يكون نقي و شبعان بصح قلبي كان يتالم مين ايوب كان يبكي و شفني و نضت و رقدتو في حجري راني حابا ندير القلب و نخليه غير يبرا ان شاء الله من الزكام و ندير هده الطريقة قولولي خواتاتي هل هذه الطريقة مفيدة و هل عندكم طرق اخرى مجربة و ماعليش ادا خليتو يبكي حتى يرقد على البكاء

السلام عليكم..
قد يستغرب البعض تدخلي هنا...لست أهتم..
أنت سألت سيدتي إذا كان البكاء لايضره...دعيني أقول لك أن البكاء منافعه أكبر من مضاره ..
أخذت قرارا رغم أنه كان متأخرا ولكن لابأس به...ولو كان كذلك...
لبّي كل حاجياته ..ثم اتركيه..فإنه يبكي لحد أن يرهقه البكاء فينام..تأكدي جيدا أنه لايبكي لألم خاصة ألم الأذين فلا أعراض لهما..
أنصحك بإدخال إبنك في ما يشبه عملية التربص ..لينتقل الى مرحلة الهدوء ...كيف ذلك ؟؟؟
بسيطة...
ما نصحتك به سابقا قومي به على مراحل..يعني
إن كنت تهرعين إليه كلما بكى..فقومي بتأجيل حركتك نحوه...مثلا اليوم الأول ..دعيه يبكي ل 5 دقائق...الثاني 10 دقائق..الثالث ربع ساعة وهكذا....إنها عملية تطوير قدراته في تحمل الرغبة الشديدة لديه في تواجدك كلما فتح عينيه..
أتمنى لك التوفيق...

__________________________________________________ __________

>>>> الرد الرابع :

مرحبا اختي والله تقربا كل ام عانت من هاته المشكلة انا طفلي الاول كان معدبني يرضع صدري وفي الليل ينوض لي بزاف كنت كي نوض الصباح تحسبي راني شاربة الكاشيات هههههه المهم ادا كان طفلك يحكملك لا سوسات امالا ديري كيفي ديري فيها عسل حر او عسل الشفا ودمريهالو وخليه يرقد وادا حسيتي راه جيعان قومي رضعيه هي مشكلة عويصة نصيحتي ليك اياك تبدليلو صدرك بالبيبرون جامي لا في الليل لا في النهار مادام عندك قدرة على الارضاع فلاتبخلي طفلك حليبك من اجل راحتك انا وليدي الثاني عاش بقدرة ربي نشفت من الحليب وكل انواع الاصطناعي رفضها عاش بالعسل الحر و وكلته قبل الاوان بكثير يعني حوالي شهري هكا لانو خلاصو كامل الحلول لكن كان يام كل الليل بفضل السوسات وايضا نيحة الاخ عمر في محلها جربيها وشوفي عموما كل طفل وكيفاش طبعو ماشي كامل الاطفال تنفع معاهم طريقة وحدة وربي في عونك راني حاسة بيك بزاف

__________________________________________________ __________

>>>> الرد الخامس :

انا بنتي كرهتني في الاولاد استغفر الله عندها 6 شهور ماترقدش ساعة لازم ديما نحطها في كرسي هزاز تعودت عليه نبات ليل كامل هاكدا حتى جاب ربي مرضت بالزكام ولكن مرضة صحيحة زوجي استشار ممرض عادي ونصحه قاله لو مش مريضة خليها تبكييييييييي حتى تعيا وتعرق ترقد جربتها غاضتني بصح الله غالب من وقتها تبكي حتى ترقد لكن الحمدلله ريحت شوي مش كيما كانت ماشاء الله تبارك الرحمن
ربي يحفظلك ولدك اختي 10 شهور المفروض يرقد لصباح