عنوان الموضوع : احذرن يا فتيات
مقدم من طرف منتديات العندليب

واش راكم ياناس اللمة ،ان شاء الله الكل راكم لباس
الموضوع بسيط ومنيش عارف هدرو عليه ناس قبلي المهم فذكر لعل الذكرى تنفع المؤمنين ،وخير الكلام ماقل ودل
الموضوع يخص الاناث اكثر من الذكور والله اعلم هي ظاهرة قديمة نوعا ما مي مؤخرا اصبحت لها اثر سلبي كبير واحيانا تحطم حياة فتاة وهي لا تدري ولا تعلم .
في بلادنا كاين محلات بيع ملابس النساء وهادو المحلات يديرو( مقصورات) الغرض منها تغيير الملابس بمعنى البنت كي تشري حاجة تدخل للمقصورة وتقيس هادي الحاجة ،زعمة احسن من تروح للدار
قولولي هادي زعمة حاجة مليحة ،انا نقول هادي حاجة عمرها ماتكون مليحة .
علاه ؟
خاطر كاين بعض اصحاب محلات ضعيفة القلوب الله يهديهم وعلى حساب ما حكاولي ،دايرين كاميرات ويصور كل فتاة كي تكون تغير في ملابسها ،ومنبعد ينسجلها قصة شر وهي مسكينة لا تعلم حتان تلقى صورتها في الانترنت ولا تلفون .
وهذا الشىء عيب
في الاخير ننصح خواتاتي احذرن حافظن على اعراضكن وخصوصياتكن ولا تكن لقمة صائغة لهؤلاء الذئاب البشرية
دمتم في رعاية الله وحفظه
شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا لك على النصيحة
وانا رايي من رايك اختي
لانو اعراض الناس مهيش لعبة في ايدي الذئاب البشرية

__________________________________________________ __________

>>>> الرد الثاني :

a oui b1 sur

__________________________________________________ __________

>>>> الرد الثالث :

الله يحفظنا يا رب

يعطيك الصحة ختي

__________________________________________________ __________

>>>> الرد الرابع :


__________________________________________________ __________

>>>> الرد الخامس :