عنوان الموضوع : لكل من تقلق عليا لكل مقبلة
مقدم من طرف منتديات العندليب

اولا شكر كبير ليكم حباباتي ولكل طفلة سقسات وخمت عليا ونشكر كل وحدة تقلقت عليا ربي يخليكم ليا
وسامحوني لإني غبت عليكم بصح والله راني حاير وضايعة ومشني عارفة وش ندير
آلاء النايلية شكرا على موضوعك ولو إني حوست عليه درك ومالقيتوش
البنات الكل يسمين وbibicha w tamara و حسينة chimitta والبنات الكل ألف شكر
ولكل وحدة سقسات وش صرالي
نحكيلكم على اساس المرة اللي فاتت الخميس نتلاقاو
انا عيطلو قتلو ريحين نتلاقاو ولا لالا قالي راني نستنا فيك
تلاقينا أعطيتو ليبيس وادا قلت ماهدرش معايا نكدب هدر قالي لمي شعرك
أعدلي الخاتم في صبعك المهم برك
ومن باعد قعدنا في بلاصة 4 سوايع كاملة هو ماهدر حتى كلمة وانا كيفكيف
ومن باعد قلي هيا نروحو وقفت مشيت شوي لقيتو مازال واقف كي رجعتلو حضني
قلت صاي درك يقولي نوليو كيما قبل ويعطيني ليبيس وصاي بصح لالا
مهدر حتى كلمة وكي روحنا كيفكيف وعدات سمانة حتان اليوم الاربعاء ماعيط ماوالو
زدت انا ليوم عيط قتلو حنتلاقاو قلي راني نستنى فيك ونفس الحكاية تلاقينا وماحكينا والو
هو من النوع اللي يقول راي هو راي
وانا هكدا مانكملش من الأول قال حبسي خدمة وماتخرجي لا مع بنات ولا مع امك وانا نخرجك يومين في السمانة خلاني حتان حبست الخدمة ودرك ولات يوم في السمانة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أولا ما ذكرتينيش راني زعفانة

__________________________________________________ __________

>>>> الرد الثاني :

حبستي الخدمة نهائيا

__________________________________________________ __________

>>>> الرد الثالث :

kelly وينك

__________________________________________________ __________

>>>> الرد الرابع :

كاين بنات قالولي انا كون نشوف خطيبي مرة في السمانة نفرح بصح كل واحد وظروفو انا خطيبي يخدم يوم بيوم يعني عندو وقت فارغ
والمسافة بيناتنا مش بعيدة 5 دقائق رانا في ولاية وحدة يعني ماكانش مصاريف
وانا مش من النوع اللي يخلي الواحد يصرف ويزيد
وزيد من الاول كانت الشروط هك قال مع امك ماتخرجيش مع اختك لالا مع الصحابات لالا حتى كي يجيوني بنات للدار ونجي نصارحو يبهدلني يقولي علاه جاوك والخلطة مش مليحة ووش حكيتو نقولو حكينا على الجهاو يقولي ماكانش منها ويتنرفا تقول مانعرف وش عاملة
يعني من الأخير انا بالطريقة هادي مانكملش

__________________________________________________ __________

>>>> الرد الخامس :

شوفي أنت قابلة بالشي اللي شرطو و زيد مادام راهو يخرجك مليحة بصح لازم تقنعيه بالسياسة باللي الخرجة au moin مع ماماك مافيها والو
لازم توسعو خاطرك علاخاطر الرجال يجيو بشوية