عنوان الموضوع : سمبوسة من مطبخي طريقة جزائرية
مقدم من طرف منتديات العندليب




رمضان مبارك عليكم وعلينا
انشاء الله تكونوا بخييير جبتلكم وصفة السمبوسة لي هي أصلها من الشرق الاوسط وتختلف وصفتها انا نعرف وصفتين ونعتمد دائما على وصفة واحدة والحشو ديري واااااش تحبي و واش متوفر عندك في المنزل اقتصادية



العجينة ( الوصفة الاولى ) لي نعتمد عليها
- كأس فرينة
- م ك زيت
- 2 بيضات كاملة أو 3 صغيرة
- ملح ، فلفل أسود

( الوصفة الثانية )
- 2 كؤوس فرينة
- 3 م ك زيت
- ملح ، فلفل أسود
- ماء حسب العجينة

انا درت الوصفة الاولى في روبو او بيدك لان العملية سهلة جدا
حطي الفرينة + ملح + فلفل أسود + البيض بالواحدة وخلطي حتى تتلم الحجينة وتكون طرية


مع الاول درت بيضتان صغيرتان جات مرملة زدت بيضة صغيييرة



وهكذا تكون العجينة متماسكة وطرييية نحطها في كيس بلاستيكي والى الثلاجة ترتاح نصف ساعة


الوصفة الثانية نفس طريقة التحضير

الحشو :
بصلة صغيرة مقطعة + فلفل مقطع + ملح + فلفل أسود وشوي زيت نقليو بيها حتى يذبالو شوي وزدت شوي لحم مفروم مع التقليب
هاهو الحشو البسيط واجد مع شوي فروماج مبشور


قلت بالنسبة للحشو تقدري ديري الخضر مقلية ومنشفة مليييح من الزيت أو تونة او دجاج كييييما تحبي

كي نخرجها من الثلاجة نحلها بالحلالأو بالماشينة تكون رقيقة شوي ونطبعها دائرة كبيرة قطر 10سم ونحط الحشو فوق الدائرة



دورك ندير شوي ماء نغلق بيه الدائرة على الاطراف ونزيد نقفلها كيما في الصورة



نسخن الزيت مليييح على نار متوسطة ونقلي السمبوسة متخليهاش تحمار بزاف




نتمنى تكون عجبتكم وتجربوها في رمضان
دمتم في حفظ الله



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ممممم شكراااااا على الوصفه ان شاء الله نجربها

__________________________________________________ __________

>>>> الرد الثاني :

يعطيك الصحة اختي

__________________________________________________ __________

>>>> الرد الثالث :

تبان بنينة شكرا لك*********صحا رمضانك***********

__________________________________________________ __________

>>>> الرد الرابع :

اممممم هايلة بارك الله فيك

__________________________________________________ __________

>>>> الرد الخامس :

يعطيك الصحة ليدي