عنوان الموضوع : تجميد البوراك قبل رمضان
مقدم من طرف منتديات العندليب

السلام عليكن اخواتي حبيت نسقسيكم شكون اللي جربت تكونجلي البوراك ني قبل رمضان قريت قداه من مرة حاجة كيما هك اللي جربتو تقولنا تعيش كيفاه تكونجليه فاش تخبيه ونهار اللي تجبدو يطلق الماء ولا لا خبرتكم تهمني شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكن جميعا شوفي اختي الكريمة انا ككل رمضان نشري كميية كبيرة من الديول لانه ما نقدرش نشريه كل يوم نوضعه في المجمد بطريقة جيدة حتى ما ينكسرش كي يجمد و في كل يوم في رمضان نخرجه من قبل بمدة طويلة و نحطه في التلاجة باش يدوب بطريقة جيدة لما رايحة تفتحي الصاشي تقولي هدا وين شرتيه موفقة ان شاء الله

__________________________________________________ __________

>>>> الرد الثاني :

السلام اختي انا دايما نخدم البوراك ونكونجليه لان عاءلتي صغيرة راجلي مايحبوش نخدم كمية ونحكم ورق كرتوني او الغلاف الخارجي للكراريس نقطعو على حساب عدد حبات البوراك نستفهم بالطول مانديرش هاذي فوق هاذي باه يحافظ على شكلو ونديرو في ساشيات نيلون شفافين ونعقد ونكونجليه نهار اللي نحب ناكل البوراك نجبدو 5ولا 6 ساعات من قبل نحيه من الكيس ونستفو في طرشونة ونغطيه يجي روعة شغل وجدتيه في نفس اليوم بالتوفيق وان شاء الله نصوموه بالصحة و الهنا

__________________________________________________ __________

>>>> الرد الثالث :

انا ناس داري مايحبوش حاجة الكونجلي بصح كي نسكن وحدي ان شاء الله نديرها
شوفي مرة عرس خويا خدمنا البوراك تاع الصبحية حوالي 20 يوم من قبل وخبيناه في علبة بلاستيكية ودرناه ف الفريقو بصح درنا فيه غير لحم زيتون اخضر فرماج معدنوس مادرناش البطاطا نهار الصبحية جبدناه الصباح بكري كي ديكونجلا قليناه وحطيناه مع لفطور و الله كانو جديد
البطاطا لازم ماطولش ف الكونجيلاتور يومين ثلاثة على الاكثر
انا اختي في رمضان تخدم البوراك قيس يومين دير فيه بطاطامعدنوس زيتون فرماج لحم ولا جاج ولا طون ولا كروفات وووو
تطيب قيس هاداك النهار و الباقي تخبيه غدوا من داك تجبدو تقليه
ان شاء اللله تكوني فهمتي

__________________________________________________ __________

>>>> الرد الرابع :

يا اختي وحدة قريبتي توجد البوراك ابكمية كبيرة قبل رمضان وتديره في قابسة بلا ما يطيب وكل يوم تجبد كمية وتطيبها

__________________________________________________ __________

>>>> الرد الخامس :

يعطيكم الصحة يا البنات والله أفدتوني ضرك نديرو رمضان هدا ان شاء الله حابة نركز شوية على العبادة ماشي الكوزينة المرا مللي تدخل ما تخرجش