عنوان الموضوع : مردود ناس تازا طريقة جزائرية
مقدم من طرف منتديات العندليب







اليو جبتلكم مردود المنطقة تاعنا حنا نسموه مردود و على ما أظن كاين اللي يسميه بركوكس و كل منطقة كيفاه و حنا نديروه بالحليب إجي روعة
قطعي حبة بصل و سنات ثوم كثري الثوم بنتو تجي تهبل فيه ثم إرحيهم فالميكسور و لا كرفجيهم و ضعي فيه قطع اللحم و الملح وفلفل أسود و كمون و خليه يتقلا







ثم قطعي الباطاطا قطع صغيرة + الحمص و فرغيهم و مرقي القدر تاعك





هذي المرقة بعد ما نحيت اللحم خليها تغلي ثم كبي المحمصة تاعك بعد ما تغسلسها



خليها تغلي شوية ثم كبي عليها الحليب حتى تغمري قاع المحمصة و خليها طيب و تعقاد



هذي هنا تغلي بالحليب



و هذا هو الطبق جاهز فالصحن مع قطع حار لازم يتكل سخون مع الحااااار واش نقوللكم و الله بنين و كاين اللي شفتهم إديروه بالمرق الأحمر و اللحم المرحي و الجاج




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تسلمي عزيزتي الله يحفظك من العين ويخليك لعائلتك الكريمة أحنا انسموه البركوكس عندنا نعملوه بالمرق و الدجاج

__________________________________________________ __________

>>>> الرد الثاني :

على بالك جوعتيني و الله غير البركوكس انحبو بزاف و درك كيفاش نرقد سخفتيني المهم تصبحين على خير و الى الغد انشاء الله

__________________________________________________ __________

>>>> الرد الثالث :

المشاركة الأصلية كتبت بواسطة miri_27
على بالك جوعتيني و الله غير البركوكس انحبو بزاف و درك كيفاش نرقد سخفتيني المهم تصبحين على خير و الى الغد انشاء الله

أجمعين يا رب و الله يسلمك و مشكورة على مرورك قاع فمواضيعي
تصبحين على خير يا لحبيبة وربي يعاونك و يكون معاك في خدمتك و غدوة ديري المردود و بردي خاطرك

__________________________________________________ __________

>>>> الرد الرابع :

شكرا خيتى على الطيق الهايل نحنا نديرولو مرقة حمرة و كى يطيب نضيفولو الحليب فى الصحن لان امى لا تحبه بالحليب
راكى سخفتينى وعلاه عليك ليل ليل

__________________________________________________ __________

>>>> الرد الخامس :

بارك الله فيم أم لميس أنت من تازة اللي في جيجل