بيتزا مافن من مطبخي
عنوان الموضوع : بيتزا مافن من مطبخي
مقدم من طرف منتديات العندليب
السلام عليكم جبتلكم اليوم بيتزا مافن من مطبخي لذيذة جدا وخفيفة جدا ومقاديرها بسيطة نشا الله. نحتاجوا لهذه الوصفة
4 بيض، 10 ملاعق فرينة، ملعقة أكل خميرة الحلوة، ملعقة صغيرة خميرة الخبز، نصف كاب أمريكي زيت، وكاب واحد حليب، وقطرتين من الخل (سعة الكاب الأمريكي 250ml يعني اذا لم يتوفر عوضيه بكاس عادي سعته 250ml )
للحشو عندنا سوسيس أو مرقاز أو لحم مرحي أو دجاج أو تون لعندك مقطعين صغار ، بصلة مقطعة صغير، فلفل مقطع صغير زيتون مقطع وفرماج رابي وتقدري ديري لحبيتي في الحشو شفتوا أنا مفشاكم ههه ما نوبليجي والو عليكممثلا ما درتش الفلفل زوجي يمقته جدا هه عربية فصحى دارجة فرنسية كلش hhhh ودرت شمبنيون
الطريقة ولا أسهل خلطي كل مقادير العجينة بلفوي أو المضرب اليدوي وفرغيهم في مول تع المافن أكون مدهون بزيت ما تعمريهمش حتى الأخر لانه فيه الخميرة بنوعيها رايحين يطلعوا ديري حسابك ثم حطي عليهم الحشو تعك ظيفلهم في الأخر الاوريقان أنا درت معدنوس
، والى الفرن حتى تشوفيهم حماروا ملفوق خرجيهم وزينيهم فوق شلاضة خضرا نشا الله توفقوا فيهم راهم ساهلين وبنان بزاف اجوا موالو لداخل
نتمنى تدعولي دعوة خير ربي نشا الله يرزقني بالذرية هدا واش نطلب منكم
ومزال عندي وصفات أخرى نشا الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرااااااااااااااااااااااااااااااااااااااااااااااا ااااااا
__________________________________________________ __________
>>>> الرد الثاني :
بارك الله فيك و ربي يرزقك الذرية الصالحة أمين يارب العالمين
__________________________________________________ __________
>>>> الرد الثالث :
ربي يرزقك بالذرية الصالحة
مرسي على الوصفة
__________________________________________________ __________
>>>> الرد الرابع :
المشاركة الأصلية كتبت بواسطة بشرى2008 
شكرااااااااااااااااااااااااااااااااااااااااااااااا ااااااا
مشكورة على المرور الكريم
__________________________________________________ __________
>>>> الرد الخامس :
المشاركة الأصلية كتبت بواسطة sisi 26
بارك الله فيك و ربي يرزقك الذرية الصالحة أمين يارب العالمين
وفيك بارك شكرا على الدعوة الجميلة
رد مع اقتباس
