الدوناتس اللي درتهم اليوم
عنوان الموضوع : الدوناتس اللي درتهم اليوم
مقدم من طرف منتديات العندليب
السلااااااام عليكم و رحمة الله و باركاته
ان شاء الله تكونو بألف خير
اليوم جربت دوناتس كنت شفتها في منتدى اخر
و الله خرج هااااااااايل بزااااااااااااف
و ماشرب حتى قطرة زيت
ماصورتش كلش خاطر ماكنتش حاطة بلي تخرج هايلة كيما هك
المقادير
بيضة وحدة
2 مغارف كبار زبدة (أنا درت مارغارين لابال)
نص كاس ماء
1 مغرف كبيرة حليب لحظة
1 مغرف كبيرة خميرة تاع الخبز
1 مغرف كبيرة تاع سكر
قرصة ملح
كاس و كاس غير ربع فرينة (كاس + 4/3 الكاس)
أنا ماكانش عندي حليب لحظة مالا بدلت (نص كاس ماء + مغرف كبيرة لحظة) ب نص كاس حليب
الطريقة
الفرينة نزيدولها الملح
و نجيبو كاسرونة ولا
و نحطو (الماء و اللحظة و الخميرة و السكر و الزبدة)
على النار بصح نقصولها
لازم نذوبو الزبدة بصح مالازمش تغلي و كي تمسي تلقايها دافية
تبدا الزبدة تذوب شوي
و نحيوها من على النار
و نكسرو بيضة عليها و نخلطو مليح
و مبعد الخليط هذا
نديروه على الفرينة لي فيها قرصة الملح و نلم
رايحة تخرجلك عجينة تلصق شوي بصح ماتقلقكش
هذي العجينة كي لميتها
تعجني شوي
وديري فرينة شوي على السطح لي رايحة تحلي فيه العجينة
ومبعد نحلو العجينة بالقنوط 1 سم
و نجيبو طابع تاع الدوناتس
ولا انا درت بكاس و بوشون
و نحطوهم في سينية و نخلوهم يخمرو ربع ساعة
بعد ماخمرو رايحين نقلوهم في الزيت بصح مش في زيت غزير
نورمال برك
و مالازمش نحمروهم بزاف باه يجيو باهيين
بصح انا حمارولي بزاف
و هذو كي خرجتهم
و هذو من داخل مش باينة مليح
بصح خفيفة بزاااااف و ماتشربش الزيت خلاص
و هذو بعد مادرتلهم السكر غلاصي
و تقدرو ديرولها غلاساج ولا شيكولا
ان شاء الله تكون عجبتكم و فهمتوني خاطر مانعرفش نفهم و نهدر بزاف
و راهي تخرج هااااااايلة هاااااااايلة
سلاااااااااااام
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بصحتك حنونه طلعولك هاائلين
__________________________________________________ __________
>>>> الرد الثاني :
ياااااااااااااااااو واش الهضرة هده كلللل و علابالك ف التالي مفهمت وااااااااالو......................صح يا الشاطرة من ورانا ياك جاوك هايليييييييين يعطيك الف صحة حبوبة.راني جاية خليلي سهمي ولا نجي نكشردلك شعرك.الله يبارك شاطرة
__________________________________________________ __________
>>>> الرد الثالث :
يعيطك الصحة اختي بارك الله فيك ان شاء الله نجربها
__________________________________________________ __________
>>>> الرد الرابع :
__________________________________________________ __________
>>>> الرد الخامس :
المشاركة الأصلية كتبت بواسطة لمسة حنية 
بصحتك حنونه طلعولك هاائلين
شكرا للتشجيع حنونة
رد مع اقتباس
