عنوان الموضوع : الى مونيا ك كتف خروف محمر طريقة جزائرية
مقدم من طرف منتديات العندليب

السلام عليكم اختي مونية اعتدر على التاخير في الرد
الوصفة ساهلة بزاف اولا التتبيلة
زبدة طرية ثوم حسب 4 سنات او خمسة ملح فلفل اسود فلف احمر (بابريكا) حلو او حار حسب الرغبة شوية قصبر مطحون معدنوس مقطع ادا حبيتي مغرف بصل مرحي ماتكثريش خلطي كلشي فالزبدة بحيث يجو كي المرهم .

تجيبي كتف او اي قطعة من الخروف تحبي تحمريها تديري فيه شقوق بالموس و تجيبي التتبيلة و و تدعكيه مليح مليح و تحاولي تدخلي فالشقوق باه يتشرب البنة مليح و تخليه يبات و لا ساعتين على الاقل كدا كنت مستعجلة
تجيبي بلا تاع الكوشة تحطيه فيها و تحطي معاه حوالي 1\نصف كوب ما و شو ية من التتبيلة اللي بقات و تحطي جزر مقطع ما تحطيش الخطار اللي ساهلين للطياب حت للاخير و تغطيه مليح بالالومنيوم و تشعلي من تحت على نار قاوية بزاف لمدة نصف ساعة و من بعد تدلي النار و تخليه لمدة ساعتين على نار هادئة و ساعة ساعة طلي عليه تزيد تنشف مرقتو لكن كي يكون مقفول مليح ما ينشفش المهم كي تشوفيه طاب مليح تشعلي من فوق و تبداي تحمري بالوجه و كي يتحمر الوجه الاول تكوني قليتي شوية بطاطا و ترميها في هداك المرق طبعا كي يعود يتحمر من فوق كل مرة هزي المرقة بالمغرف و حطي عليه باه يبقى طري و كي يتحمر مليح و ينشف طفي عليه و بالهنا و الشفاء .

ملاحظة يمكن تضيفي اي حاجة تحبيها فالتتبيلة حسب دوقك انا ما حبيتش نكثر التوابل باه ما يجيش طعمهم باين و تبقى البنة تاع اللحم باينة .

نتمنى نكون افدتك واي تسائل راني اهنا
شرفتي اختي .


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة انل تاني نديرو هكاويجي بنين دمتي متالقة دائما

__________________________________________________ __________

>>>> الرد الثاني :

بارك الله فيكي أختي.................. يعطيك الصحة




__________________________________________________ __________

>>>> الرد الثالث :

يعطيك الصحة حنونة
خاطر خبيت كتف للعاشوراء وقلت نكسر الروتين نهار طول واحنا نطيبو فيه في المراقي عييت منهم
امالا عجبني اللي درتيه هذاك النهار
صحيتي حنونة بلبزاف
انا كوشتي نارها متوسطة ومافيهاش ريقلاج نتاع الدرجات المئوية يعني كي نشعلها تبقى النار هي هي ماتزيد ماتنقص ياك نورمال هكذا

__________________________________________________ __________

>>>> الرد الرابع :


__________________________________________________ __________

>>>> الرد الخامس :